Свет
Кои се луѓето зад најтажната фотографија од Турција: девојчето чијашто рака ја држеше нејзиниот татко имало само 15 години

Маж ја држи за рака својата ќерка, која е затрупана во урнатините. Во првите моменти нема повеќе информации, а оваа фотографија во рекордно време го обиколи светот и станува симбол на страдањата во Турција и Сирија.
Станува збор за Месут Ханчер, неговата ќерка имала 15 години и се викала Имрак и живееле сосема мирен живот.
Од најлошата можна причина, ликот на Месут ја обиколи планетата.
Турските медиуми ја пренесуваат тажната приказна зад фотографијата. Месут е спасител, кој помагал во расчистувањето на урнатините и спасувањето на луѓе во турскиот град Кахраманмараш, кој се наоѓа во центарот на разорните земјотреси што во понеделникот ја погодија оваа земја и соседна Сирија. За жал, не успеал да ја спаси ќерка си.
Истрчал кон зградата каде што се наоѓала, а она што следеше беше сцената која го расплака светот. Месут седи на урнатините и ја држи раката на неговата почината ќерка. Во моментите на најголемата тага тој не се одвојувал од телото на петнаесетгодишното девојче.
Месут на глас рекол: „Господ да те помилува, немам живот без тебе. Нема ништо во мене, тоа го нема без тебе“.
Ја пуштил раката дури кога спасувачите морале да ја однесат бидејќи го извлекле нејзиното безживотно тело од урнатините. Дотогаш не се одвојувал.
Кахраманмараш е град кој се наоѓа на југот на Турција. По Газиантеп и Елбистан е еден од најуништените од земјотресите.
Речиси целиот град е срамнет со земја, а спасувачите немаат доволно време да ги извлечат сите од урнатините. Спасувачите се’ повеќе тука наоѓаат страшни сцени – од урнатините вадат безживотни тела.
Дополнително, мнозинството граѓани чувствуваат дека се оставени сами да се снаоѓаат. Според нив, им требало премногу време за да пристигнат спасувачите, а во меѓувреме изгубиле многу животи.
Ова подрачје го посети и претседателот Реџеп Таип Ердоган, кој во еден момент призна дека реакцијата на земјата на земјотресите на почетокот била слаба.
Сега, посочува, се’ е како што треба и ниту еден граѓанин нема да биде оставен сам.
Според последните информации, во серијата разорни земјотреси загинале околу 11.500 луѓе. Бидејќи десетици илјади од нив се уште се’ под урнатините, се очекува бројот на загинати во наредните денови двојно да се зголеми.
Поради тешките временски услови, студот и недостигот на работна сила, спасувачите не можат навреме да стигнат до сите. Затоа, во моментов се води најтешката трка во светот – трката со времето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Воведен полициски час во центарот на Лос Анџелес: „Во тек се масовни апсења“

Градоначалничката на Лос Анџелес, Карен Бас, прогласи полициски час во центарот на Лос Анџелес од 20 часот во вторник до 6 часот наутро во среда, велејќи дека го прави тоа за да ги спречи оние кои „ја искористуваат хаотичната ескалација на претседателот“ со распоредување на Националната гарда и маринците.
„Прогласив локална вонредна состојба и воведов полициски час во центарот на Лос Анџелес за да го сопрам вандализмот и грабежите“, им рече Бас на новинарите на вечерната прес-конференција, наведувајќи значителна штета на бизнисите и имотот.
„Полицијата ќе ги уапси лицата кои го прекршуваат полицискиот час, ќе бидете гонети“, додаде таа.
Градоначалничката наскоро објави на Икс дека воведува полициски час од 20 часот (локално време) во центарот на Лос Анџелес, велејќи дека го прави тоа за да „ги спречи злонамерните актери кои ја искористуваат хаотичната ескалација на претседателот“.
„Ако не живеете или не работите во центарот на Лос Анџелес, избегнувајте ја областа“, напиша таа.
Полиција: Во тек се масовни апсења
Полициската управа на Лос Анџелес доцна во вторникот објави дека „се во тек масовни апсења“, бидејќи повеќе групи демонстранти продолжуваат да се собираат во зоната на полициски час.
„Повеќе групи продолжуваат да се собираат на 1. улица помеѓу улиците Спринг и Аламеда“, објави полицијата на Лос Анџелес на социјалните медиуми Икс.
„Овие групи се под надзор и започнаа масовни апсења“.
Свет
(Видео) САД ја обвинуваат мексиканската претседателка за поттикнување немири, таа докажува дека лажат

Министерката за внатрешна безбедност на САД, Кристи Ноем, вчера ја критикуваше мексиканската претседателка Клаудија Шајнбаум за поттикнување насилство на протестите во Лос Анџелес против рациите за имиграција, тврдење кое Шајнбаум силно го негираше, велејќи дека таа го сторила спротивното и го осудила насилството од сите страни.
„Клаудија Шајнбаум истапи напред и ги поттикна протестите во Лос Анџелес. Ја осудувам за тоа“, изјави Ноем пред новинарите во Белата куќа. „Таа не треба да ги поттикнува насилните протести што се одржуваат. На луѓето им е дозволено мирно да протестираат, но насилството што го гледаме не е прифатливо и нема да се случи во Америка“, додаде Ноем.
Мексиканската претседателка одговори на навредите во објава на Икс, велејќи дека се целосно лажни и прикачи видео од прес-конференцијата завчера на која таа всушност го осуди насилството на демонстрациите.
Hace unos momentos, ante una pregunta de un medio, la secretaria de Seguridad Interior de los Estados Unidos, equivocadamente mencionó que alenté protestas violentas en Los Ángeles. Le informo que es absolutamente falso. Aquí dejo mi declaración del día de ayer donde claramente… pic.twitter.com/LEiVxdmvJv
— Claudia Sheinbaum Pardo (@Claudiashein) June 10, 2025
„Палењето полициски автомобили повеќе личи на чин на провокација отколку на отпор. Мора да биде јасно дека го осудуваме насилството од сите страни“, рече Шајнбаум на прес-конференцијата.
„Ја повикуваме мексиканската заедница да дејствува мирно и да не прибегнува кон провокации“, додаде Шајнбаум, апелирајќи и до американските власти да го почитуваат човековото достоинство и владеењето на правото. Мексиканската лидерка, чија влада е во тек на трговски преговори со администрацијата на Трамп, во објава на Икс изјави дека е уверена дека недоразбирањето ќе биде разјаснето.
Европа
Словачка се заканува дека ќе ги блокира новите санкции кон Русија

Словачка би можела да го блокира новиот пакет санкции на Европската Унија кон Русија доколку Европската комисија не понуди решение за загриженоста на земјата-членка во врска со снабдувањето со енергија, изјави вчера премиерот Роберт Фицо.
„Словачката Република нема да го поддржи предложениот 18-ти пакет санкции против Руската Федерација доколку Европската комисија не понуди вистинско решение за кризата што ќе ја зафати Словачка по целосното прекинување на снабдувањето со гас, нафта и нуклеарно гориво од Русија“, напиша Фицо на Фејсбук.
Словачка, која граничи со Украина и е членка на ЕУ и НАТО, е во голема мера зависна од руската енергија. Прекинот на протокот на руски гас низ Украина влијаеше на снабдувањето, предизвикувајќи спорови со Киев и загриженост во Братислава.
Словачкиот парламент минатата недела со тесно мнозинство одобри необврзувачка резолуција со која се повикуваат владините претставници да се спротивстават на какви било идни санкции што се сметаат за штетни за економијата на земјата.
Фицо, левичарски националист, постојано јавно ги критикуваше поединечните санкции на ЕУ, тврдејќи дека тие ќе ѝ наштетат на Словачка повеќе отколку на Русија. Но, за разлика од конзервативниот премиер на Унгарија, Виктор Орбан, Фицо и други словачки владини претставници на крајот ги поддржаа сите санкции против Русија без исклучок.