Колумбиската национална ослободителна армија (ЕЛН) во понеделникот ја презеде одговорноста за смртоносниот напад врз полициското училиште во Богота минатата недела, во кое загинаа 21 лице, а 68 други беа повредени.

Во четвртокот автомобил бомба пробил контролен пункт во близина на зградата на полициската академија и експлодирал во нејзините простории. Властите најавија тридневна жалост по смртоносниот напад за кој ја обвинија ЕЛН.

Во саботата колумбискиот претседател Иван Дуке рече дека наредил да се одблокира налогот за апсење за 10 члена на ЕЛН кои беа дел од бунтовничката делегација на мировните преговори со владата.

„Нападот против оваа институција и против војската е законски и во рамките на правилата на војување зашто нема ниту една цивилна жртва”, се вели во сооштението на ЕЛН.

Според соопштението од милитантите, полициското училиште е воен објект во каде што се обучува персонал за војна против социјалните протести. ЕЛН додаде дека нападот е одговор на одбивањето на Дуке да го почитува прекинот на огнот на Божик. Во соопштението се истакнува дека колумбиската војска на 25 декември гранатирала логор на ЕЛН, повредувајќи едно селско семејство кое било во близина.

ЕЛН, паравоена група што ја следи комунистичката идеологија и се верува дека има околу 1 500 борци, се бори против колумбиските власти со цел да ги собори од 1964 година. Откако Револуционерните вооружени сили на Колумбија се разоружаа во 2017 година, ЕЛН остана единственото герилско движење во земјата. Во февруари 2017 година вооружената група почна мировни разговори со колумбиската влада ,кои допрва треба да дадат конкретни резултати.