Свет
Колумбиски министер: Богота е против воено мешање во Венецуела

Богота не поддржува воена вмешаност во Венецуела, изјави министерот за надворешни работи на Колумбија, Карлос Олмес Трухиљо, коментирајќи ја подготвеноста да им ја отстапи својата територија на САД во случај американската страна да одлучи да почне воена операција во Венецуела, пренесува „Спутник“.
„Колумбија ги поддружва само политичките и дипломатските мерки. Колумбија не поддржува ни примена на сила, ниту воено мешање – само политички и дипломатски мерки“, рече Трухиљо.
Тој исто така нагласи дека не се планирани нови испораки на хуманитарна помош од Колумбија за Венецуела.
„Не, не се планирани никакви нови испораки на хуманитарна помош слична на претходната. Но, се разбира, Колумбија ја промовира употребата на соодветни канали за испорака на помош“, истакна министерот.
Коментирајќи ги настаните од 23 февруари, Трухиљо рече дека определени земји издвоиле средства за хуманитарна помош, а Колумбија се обврзала дека ќе ја собере и ќе ја чува таа помош.
„Само тоа го направивме, ништо повеќе. Нашата обврска беше да им ја врачиме помошта на оние што можеа да влезат на територијата на Венецуела. Најголемиот дел од таа хуманитарна помош сè уште е во Колумбија“, посочи тој.
Покрај тоа, министерот нагласи дека ако ситуацијата во Венецуела стане катастрофална, бројот на венецуелски бегалци во Колумбија би можел да достигне 3,5 милиони.
„Колумбија досега прими 1,3 милион Венецуелци. Овој број има тенденција да се зголеми бидејќи ситуацијата во Венецуела секојдневно се влошува. Според актуелното сценарио, ако ситуацијата во Венецуела се влоши, тој број би можел да достигне до 1,8 милион, и тоа само во Колумбија. Ако во Венецуела дојде до катастрофа, во Колумбија ќе стигнат 3,5 милиони Венецуелци“, заклучи тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Ројтерс: Луѓето на Трамп го предупредија Катар и неговите сојузници неколку часа пред израелскиот напад

Американскиот Стејт департмент однапред информирал неколку регионални сојузници на Блискиот Исток за планираниот израелски напад врз Иран, неколку часа пред почетокот на операцијата, тврдат тројца извори запознаени со ситуацијата, пренесува Ројтерс.
Во дипломатската нота испратена во четвртокот попладне, Стејт департментот потврдил дека израелскиот напад ќе се случи доцна во ноќта. Катар бил меѓу земјите кои го добиле предупредувањето.
Во пораката се наведува дека Вашингтон не учествувал во израелската операција ниту дал каква било поддршка. Се истакнува и дека претседателот Доналд Трамп јасно ја изразил својата желба за мир во регионот, но и цврстиот став дека на Техеран не смее да му се дозволи да развива нуклеарно оружје.
За потсетување, Израел започна бран воздушни напади низ Иран ноќта меѓу четвртокот кон петокот, тврдејќи дека погодил нуклеарни локации, ракетни фабрики и високи воени команданти, што може да биде долготрајна операција чија цел е да се спречи Иран да развие атомска бомба.
Стејт департментот не одговори веднаш на барањето за коментар.
Свет
Најмалку 86 загинати и 341 ранети во израелските воздушни напади

Најмалку 86 лица загинаа, а 341 беа ранети во израелските воздушни напади во петокот, објави иранската новинска агенција Фарс, цитирана од „Анадолија“.
Во главниот град Техеран загинаа 78 лица, а 329 беа ранети. Најмалку уште осум лица ги загубија животите, а 12 се ранети во нападите на Табриз, град во северозападниот дел на Иран.
Израел започна сеопфатна воена операција против Иран, во која учествуваа 200 борбени авиони. Целите беа иранската нуклеарна програма и можностите за лансирање ракети со долг дострел.
Во нападите загинаа високи воени функционери и научници кои работеа на нуклеарната програма.
Премиерот Бенјамин Нетанјаху рече дека целната воена операција ќе продолжи се додека е потребно.
Иран вети строга казна и побара итен состанок на Советот за безбедност на Обединетите нации.
Американскиот претседател Доналд Трамп на социјалната мрежа „Вистина“ објави дека му дал на Иран „можност за договор“ и го повика да ја искористи сега, „пред да биде предоцна“.
Оваа ескалација фрла сомнеж за иднината на нуклеарните преговори меѓу Техеран и Вашингтон, кои се водат со посредство на Оман. Шестата рунда индиректни преговори, закажана за в недела, сега најверојатно ќе биде откажана, велат извори запознаени со ситуацијата.
Свет
Новиот командант на Иранската револуционерна гарда: „Наскоро ќе се отворат портите на пеколот“

Новоименуваниот командант на иранската револуционерна гарда, Мохамад Пакпур, се закани со жестока одмазда за израелските напади во кои беше убиен неговиот претходник, Хосеин Салами.
„Како одмазда за крвта на нашите убиени команданти, научници и граѓани, портите на пеколот наскоро ќе се отворат за овој режим кој убива деца“, рече Пакпур во изјавата што ја пренесе иранската државна новинска агенција ИРНА.