Свет
Кооснавачот на „Епл“ се сомнева дека тој е првиот пациент што го пренел коронавирусот во САД

Коосновачот на „Епл“, Стив Вознијак, објави дека тој и неговата сопруга би можеле да бидат првите пациенти што го пренеле коронавирусот во САД. Тој објави на „Твитер“ дека со сопругата Џенет биле на патување во Азија и дека се вратиле во САД на 4 јануари и дека ги имале симптомите на вирусот.
Вознијак за „Ју-ес-еј тудеј“ рекол дека тие не биле тестирани на коронавирус и не знаат дали го имале.
Checking out Janet’s bad cough. Started Jan. 4. We had just returned from China and may have both been patient zero in U.S. (@ West Coast Sports Institute in Santa Clara, CA) https://t.co/MRNHqithEU
— Steve Wozniak (@stevewoz) March 2, 2020
„Кога денес би ги имал истите симптоми, сигурно би бил тестиран на коронавирус и би бил ставени во карантин“, им рекол Вознијак на новинарите. Тој вели дека се јавил во Центарот за контрола и превенција на болести, но од таму го советувале да ги мие рацете и дека не сакале да го тестираат бидејќи и тој и Џенет веќе немаат никакви симптоми.
I have been through the same run-around with the CDC. I had all the right symptoms and had been in Hong Kong at the right time (returned home Jan. 4) but could never get a test. https://t.co/o7qPrShLgs
— Steve Wozniak (@stevewoz) March 3, 2020
Кога твитот на Вознијак вознемири многумина, тој рекол дека изразот нулти пациенти бил своевидна шега додавајќи дека тие имале и симптоми што не се карактеристични за коронавирусот. На неговата сопруга лекарите ѝ дијагноситицирале инфекција на синусите.
„Сега нема начин како да дознаеме дали сме биле заразени со коронавирус. Поминаа два месеца од инфекцијата и еден месец без симптоми“, рекол Вознијак.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Русин и Германец снимале голи деца со мобилни телефони во камп на Истра

Полицијата на Истра во саботата уапси двајца мажи, еден Русин и еден Германец, кои тајно снимале голи деца во туристички камп. Двајцата беа однесени во полициската единица за притвор под сомнение за кривично дело експлоатација на деца за порнографија и беа обвинети за кривично дело.
Како што соопшти полицијата денес, во саботата, околу 12.45 часот, обезбедувач во туристички објект во областа Ровињ пронашол 56-годишен руски државјанин како тајно снима голи деца со својот мобилен телефон и го притворил додека не пристигнала полицијата.
Истиот ден околу 14.40 часот обезбедувач во истиот камп пронашол и 52-годишен германски државјанин како тајно снима голи деца со својот мобилен телефон и исто така го притворил додека не пристигнала полицијата.
Врз основа на налог од надлежниот суд полицијата ги претресе сместувачките единици, мобилните телефони со придружните мемориски картички што ги користеле осомничените и пронајде инкриминирачки материјал. Осомничените беа предадени на полициската единица за притвор во Истра вчера попладне со кривични пријави.
Свет
Сестрата на Ким го отфрла дијалогот со Сеул: „Ако се надеваат дека ќе ја свртат ситуацијата со неколку слатки зборови, нема полоша грешка од тоа“

Пјонгјанг „нема причина“ да го продолжи дипломатскиот дијалог со Сеул, изјави денес сестрата на севернокорејскиот лидер Ким Џонг-ун, и покрај изразената желба на новиот јужнокорејски претседател Ли Џе Мјунг да ја смири ситуацијата, објави севернокорејската агенција КЦНА.
„Уште еднаш, го разјаснуваме официјалниот став, а тоа е дека без оглед на политиката што ја усвојува Сеул или каков предлог е даден, ние не сме заинтересирани за тоа и нема причина за средба со Република Кореја или за каков било разговор со неа“, рече Ким Џо Џонг, која е исклучително влијателна личност во севернокорејската дипломатија.
Сестрата на Ким Џонг-ун зборуваше за „неповратната“ некомпатибилност меѓу двете земји, кои технички сè уште се во војна. Нивниот конфликт заврши во 1953 година со примирје, но не и со мировен договор.
Нејзината изјава доаѓа откако јужнокорејскиот претседател Ли Џе-мјунг, кој дојде на власт на почетокот на јуни, вети дека ќе го контактира Пјонгјанг, тврдејќи дека „без разлика каква е цената, мирот е подобар од војната“.
Сеул оттогаш престана да емитува антисевернокорејска пропаганда преку звучници по должината на границата. Набргу потоа, Северна Кореја престана да емитува вознемирувачки звуци што ги вознемируваа жителите на југот во близина на границата дење и ноќе.
Сепак, ова ублажување на тензиите не значи дека Јужна Кореја може да верува во дипломатско ублажување на притисокот, предупреди Ким Џо Џонг. Ако Сеул се надеваше дека ќе ја сврти ситуацијата „со неколку слатки зборови, нема полоша грешка од тоа“, додаде таа.
Новиот претседател на Јужна Кореја изјави дека сака прекуграничен дијалог без предуслови.
Фото: принтскрин
Свет
(Видео) Неидентификуван дрон влезе во воздушниот простор на Литванија

Неидентификуван дрон влезе во литванскиот воздушен простор утрово, најверојатно од правец на Белорусија, објави литванската јавна телевизија ЛРТ.
„Според добиените извештаи, дронот е забележан на висина од околу 200 метри и последен пат е виден во близина на Вилнус. Не е јасно за каков дрон станува збор, ќе ги ажурираме информациите“, изјави Дариус Бута, претставник на литванскиот Национален центар за управување со кризи.
🇱🇹 UAV from Belarus has again flown into Lithuania, spotted near the capital Vilnius, — LRT. pic.twitter.com/LE5CjMIFSz
— MAKS 25 🇺🇦👀 (@Maks_NAFO_FELLA) July 28, 2025
Литванските власти објавија дека сите надлежни служби работат на лоцирање на можното место каде што се урна дронот и ги предупредија жителите да не се приближуваат кон дронот под никакви околности.
„Денес времето е поволно за метеоролошки балони, кои шверцерите ги користат за транспорт на својата стока. Сè уште не можеме да прецизираме за каков вид предмет или предмети станува збор“, нагласи литванскиот министер за одбрана Довиле Сакалиене.
Министерот, исто така, истакна дека претстојните воени вежби во Белорусија ја зголемуваат веројатноста за инциденти, дури и ненамерни. Во вежбите „Запад-2025“, кои се очекуваат кон средината на септември, ќе учествуваат околу 13.000 војници и се меѓу најголемите заеднички вежби организирани од Русија и Белорусија.
Белорусија, според написите во медиумите е важен сојузник на Русија за време на војната во Украина. Руските сили ја користеа белоруската територија како појдовна точка за инвазија. Украинската разузнавачка агенција неодамна предупреди дека Минск ги засили своите хибридни операции со насочување на нелегални мигранти кон границите на Европската Унија.
Руски беспилотни летала залутаа на територијата на Полска, Молдавија и Романија за време на претходните напади врз Украина. Покрај тоа, руски беспилотен авион со боева глава се урна во Латвија во септември минатата година, пишуваат медиумите.
Фото: принтскрин