Свет
Која е сопругата на Педро Санчез која сега е во центарот на скандал: се запознале на забава, има неверојатна биографија
Истрагата што ја отвори судот во Мадрид против Бегоња Гомез, сопругата на премиерот Педро Санчез, има неизвесна иднина, по жалбата на обвинителите.
Иако претходните денови потенцираше дека размислува да поднесе оставка, Санчез најави дека ќе остане на премиерската позиција и дека ќе се бори заедно со сопругата. Таа е обвинета за корупција и трговија со влијанија и за многумина е мистериозна, со оглед на тоа што не се истакнува премногу во јавноста.
Мигел Бернард, генералниот секретар на организацијата „Чисти раце“, кој ја обвинуваше Бегоња Гомез, во изјава ја призна можноста дека извештајот да се заснова на лажни информации објавени од некои дигитални медиуми. Од друга страна, извор од обвинителството за Си-Ен-Ен Шпанија изјави дека во содржината на тужбата против сопругата на шпанскиот премиер нема индиции за какво било кривично дело.
Предметот е во претходна постапка, која во овој случај е тајна.
Според обвинението, до кое пристапи Си-Ен-Ен, Бегоња Гомез наводно ја користела својата позиција за да влијае на деловните зделки.
Сопругата на премиерот на Шпанија засега јавно не ги коментираше обвинувањата, а одби каков било публицитет во медиумите.
Која е Бегоња Гомез
Иако не е присутна на најпопуларните социјални мрежи, Гомез е активна на „Линкд ин“, фокусирана на својата работа.
Таму таа наведува дека студирала маркетинг во Мадрид, а потоа магистрирала бизнис менаџмент и маркетинг.
Работеше нешто повеќе од 18 години во Групо Инмарк, каде беше консултант за стратегија и тимски тренинг до 2019 година.
Според нејзиниот професионален профил, Гомез била извршен директор на Африканскиот центар на Универзитетот Институт де Емпреса (ИЕ) помеѓу 2018 и 2022 година.
Таа е и директорка на катедра за социјална трансформација на Универзитетот Комплутенсе во Мадрид. Во нејзината порака на страницата повикува „да размислиме за модели кои ни дозволуваат да го ресетираме капитализмот како што Милтон Фридман го разбра пред повеќе од 50 години“, додавајќи дека „компаниите се повеќе се свесни за потребата да се поврзат со општеството бидејќи тоа ги прави посилни, поконкурентни и привлечни за нивните интересни групи“.
Гомез исто така посочува дека од 2018 година е партнер и координатор на работната група за социјална трансформација на бизнисот и од 2012 година партнер на шпанската асоцијација за прибирање средства.
Љубовна приказна со Педро Санчез
Бегоња Гомез и Педро Санчез се венчаа во 2006 година и се запознаа преку заеднички пријатели.
„Отидов со моите пријатели на забава и таму запознавме група пријатели кои ме запознаа со Педро. Ми беше симпатија, да бидам искрена“, рече Бегоња Гомез во видеото објавено во 2014 година.
Двојката има две ќерки.
Во Шпанија партнерот на шефот на владата не се смета за прва дама и затоа нема јавна функција.
Сепак, Гомез, како и сопругите на другите лидери, го придружуваше Санчез на официјални церемонии како што се гала вечерата на самитот на Северноатлантскиот договор (НАТО) во Мадрид и Г-20 во Бали, Индонезија.
Според соопштението на Претседателството, цитирано од „El Confidencial Digital“, „премиерот патува во придружба на неговата сопруга кога тоа го налагаат или советуваат потребите на протоколот и застапувањето“, но се појаснува дека Гомез тоа не го прави како претставник на државата, ниту пак добива надомест за тоа.
Во текот на 2020 година, Бегоња Гомез беше една од личностите кои заедно со неколку членови на извршната власт го предводеа феминистичкиот марш за Меѓународниот ден на жената. Неколку дена подоцна, владата потврди дека таа е позитивна на коронавирусот, на почетокот на пандемијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Орбан: Европа е на работ на војна
Унгарскиот премиер, Виктор Орбан, денеска изјави дека ситуацијата е опасна и дека Европа е на работ на војна.
Граѓаните на Европа мора да го кренат својот глас, во спротивно европските лидери ќе влезат во војна, рече Орбан, додавајќи дека ги гледа „истите знаци како и пред Првата светска војна“, пренесува МТИ.
Ставот на унгарската влада не е обликуван од интересите на другите, рече Орбан, додавајќи дека се води од интересите на Унгарија и ќе ги промовира само тие интереси, дури и ако тие не се совпаѓаат со интересите на другите.
Тој повика на „искрени и длабоки разговори“, но додаде дека медиумите финансирани од странство не се суверени и не треба да се водат дискусии со нив. Орбан исто така рече дека има многу левичари со кои може да соработува околу важноста на мирот и ги повика Унгарците кои го сакаат мирот да се приклучат.
Во врска со војната во Украина, Орбан оцени дека ниту Русија ниту Украина не се подготвени за мир и дека е потребно влијание од големите сили за преговори. Според него, Украина повеќе не е суверена и преживува благодарение на западната помош.
Свет
(Видео) Крадци со пиштоли и секири се обиделе да ја ограбат продавницата на Шанел во Париз
Крадци вооружени со пушки и секири денеска околу пладне се обидоа да ја ограбат продавницата „Шанел“ на авенијата Монтењ во Париз, една од најпрестижните улици во француската престолнина, каде што се концентрирани најголемите луксузни брендови.
Сторителите носеле шлемови и полициски ленти обидувајќи се да ги измамат или заплашат вработените и користеле скутери за да упаднат во продавницата.
Сепак,обезбедувањето успеало да ја спушти безбедносната врата, принудувајќи ги крадците да се откажат од својот план и да избегаат. Полицијата сè уште ги бара.
🔴🇫🇷 FLASH INFO – Paris : quatre individus ont tenté de braquer la boutique Chanel avenue Montaigne ce matin. Armés et munis de faux brassards « Police », ils ont utilisé un scooter comme bélier.#Paris #Chanel #France
pic.twitter.com/h10JXKhnzu— Media Express (@media_express_e) November 15, 2025
Ноќта меѓу 1 и 2 октомври годинава, беше ограбена друга продавница на „Шанел“ во Париз. Во таа кражба, сторителите успеале да украдат луксузна кожена галантерија вредна 575.000 евра пред да побегнат. Помалку од една недела по тој настан, 32-годишен Аргентинец и 27-годишен Шпанец биле уапсени и обвинети за организирана кражба.
Свет
(Видео) Морска пена го преплави Даблин по силното невреме
По силниот ветер и обилните врнежи кои ги донесе олујата Клаудија, долж брегот на Даблин се појави необично големо количество морска пена, особено во регионот на Лохшин. Метеоролозите објаснуваат дека станува збор за природен феномен што настанува кога морската вода богата со органски материи се разбранува, а ветерот ја нанесува пената кон копното.
Sea foam in Loughshinny North Dublin today shared by a follower living there 50 years and has never seen so much before. pic.twitter.com/1fwHAtTTyD
— Carlow Weather (@CarlowWeather) November 14, 2025
Локалните жители велат дека ваква количина пена не е забележана со децении. Портокалово предупредување за дожд е во сила за Даблин и уште два окрузи, а олујата предизвика и поплави во делови од Велика Британија и Ирска. Во Леичестершир се измерени речиси 100 милиметри дожд во последните 24 часа.

