Свет
Кралското семејство има историја на заболувања од рак – британските медиуми за предците на Чарлс, кои боледувале од оваа болест
Вчера во светот се прошири веста за болеста на кралот Чарлс Трети (75) кому му беше дијагностициран рак, но сѐ уште не се знае за каков карцином се работи.
Минатиот понеделник кралот беше пуштен од болница по тридневна хоспитализација за време на која имаше рутинска операција на зголемена простата.
Неговите предци се обидувале да ги скријат своите здравствени картони, но на јавноста ѝ е познато од што страдале другите членови на кралското семејство.
Дедото на Чарлс, Џорџ VI, бил тежок пушач. Поради „структурни абнормалности“, отстрането му е левото белодробно крило, но наводно станува збор за рак, пишува „Телеграф“.
Починал само пет месеци по операцијата, а лекарите ја криеле дијагнозата од јавноста. Кралот боледувал и од васкуларна болест, па се претпоставувало дека тоа е причина за тромбоза, но подоцна се зборувало дека се случила по ширењето на ракот.
Болни биле и родителите на Елизабета Втора.
Од рак боледувала и мајката на кралицата Елизабета Втора, Елизабета. Кралицата Мајка двапати била лекувана од оваа тешка болест.
Во 1966 година таа беше подложена на операција за отстранување тумор на дебелото црево. Кларенс Хаус тогаш изјави дека била подложена на абдоминална операција. По 18 години, повторно заврши на операција, а вистинската причина била отстранување тумор од градите. Таа почина во 2002 година на 102-годишна возраст.
И нивната ќерка, кралицата Елизабета Втора, наводно починала од рак. „Телеграф“ објави детали од биографијата „Кралицата Елизабета: Интимен портрет“, во која Џајлс Брандрет напиша дека кралицата боледува од ретка форма на рак на коските. Авторот бил пријател со принцот Филип и наведува дека лекарот на кралицата бил свесен за нејзината здравствена состојба.
„Навистина не сакав никого да вознемирувам, но тоа ќе се потврди, а еден ден ќе биде, барем јас како новинар кажувам што се случило“, рече Брандрет кога неговите тврдења предизвикаа контроверзии.
Принцезата Викторија, ќерка на кралицата Викторија и принцот Алберт, почина од рак на дојката во 1901 година, објави „Ју-ес викли“. Тие исто така наведоа дека според книгата на Џејн Ридли, „Берти: Животот на Едвард VII“, кралот Едвард VII се оперирал од карцином.
На кралот Едвард VIII му бил дијагностициран рак на грлото во 1971 година по долгогодишно пушење. Тој починал следната година.
Војвотката од Јорк, Сара Фергусон, во јуни минатата година откри дека боледува од рак на дојката, а потоа во јануари оваа година објави дека има уште една дијагноза, малигнен меланом, пишува „Ју-ес викли“.
Пред четири години имаше шпекулации за уште една сериозна здравствена криза која го снајде британското кралско семејство кога магазинот National Enquirer на својата насловна страница објави дека принцот Вилијам боледува од напреднат рак. Тие напишаа дека тоа е веќе неизлечива фаза на болеста за која принцот дознал по заразувањето од коронавирусот.
Други медиуми ја демантираа веста, а самиот принц не коментира. Royalcentre.co.uk го прозва National Enquirer за лажни вести и нивното списание го нарече ѓубре.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Драма во Хрватска: мал авион ја промаши пистата и удри во луѓе, има повредени
Во несреќата што се случи на Хвар, Хрватска, кога помал авион ја промаши пистата, три лица се полесно повредени, јави ХРТ.
Несреќата се случила во Староградско поле, кога авионот ја промашил пистата при слетување и удрил во двајца велосипедисти.
Повредените со хеликоптер се пренесени во сплитската клиничка болница.
Свет
Русија и Украина разменија по 75 воени заробеници
Русија и Украина разменија по 75 воени заробеници, соопшти денеска руското Министерство за одбрана.
„Како резултат на преговарачкиот процес, 75 руски воен персонал, кои се соочуваа со смртна опасност во заробеништво, беа вратени од територијата под контрола на режимот во Киев, а за возврат беа префрлени 75 воени заробеници на вооружените сили на Украина“, се вели во соопштението.
Разменетите руски војници ќе бидат префрлени во Москва на лекување и рехабилитација во медицински установи.
Во соопштението се додава дека Обединетите Арапски Емирати дале помош за посредување во размената на затвореници.
Претходната размена на воени заробеници меѓу Киев и Москва се случи на 8 февруари, кога беа разменети стотина затвореници од двете страни.
Свет
Израелска армија: Се наоѓаме во центарот на Рафа
Израелската армија сега оперира во центарот на палестинскиот град Рафа во јужниот дел на Појасот Газа, соопшти армијата. Израелската армија таму откри ракетни фрлачи, тунели и оружје на Хамас, велат тие.
Иако очевидците видоа тенкови во центарот на градот претходно оваа недела, засега нема потврда за влез на копнената армија во областа.
Операцијата во Рафа на меѓународно ниво беше остро критикувана, меѓу другите и од најблиските сојузници на Израел. На прашањето во март дали инвазијата на Рафа ќе биде „црвена линија“, американскиот претседател Џо Бајден изјави за МСНБЦ дека тоа е „црвена линија“.
Претходно во мај тој се закани на „Си-Ен-Ен“ дека ќе ја ограничи испораката на американско оружје за Израел доколку еврејската држава го нападне Рафа.
Пред една недела, Меѓународниот суд на правдата во Хаг му нареди на Израел веднаш да ги прекине воените операции во Рафа.