Марија Тројанивска се вратила дома рано таа вечер кога руски дрон удрил во нејзината спална соба.

„Тој полета низ прозорецот, директно во нејзината соба“, изјави нејзината мајка Викторија за Би-Би-Си. По експлозијата, мајката на Марија и нејзиниот сопруг Володимир истрчале од соседната соба, а собата на нивната ќерка била во пламен.

„Се обидовме да го изгасиме, но сè гореше толку силно“, рече таа низ солзи. „Беше невозможно да се дише – моравме да заминеме“.

Рускиот дрон Шахед минатиот месец уби 14-годишно девојче во нејзиниот кревет во стан во предградието на Киев.

Веднаш почина, а потоа изгоре“, рекла нејзината мајка. „Моравме да ја закопаме во затворен ковчег. Таа немаше шанси да преживее.

Русија масовно ги зголемува нападите со беспилотни летала врз Украина. Повеќе од 2.000 од нив беа лансирани во октомври, според украинскиот Генералштаб, што е рекорден број во оваа војна.

Истиот извештај вели дека Русија истрелала 1.410 беспилотни летала во септември и 818 во август, во споредба со околу 1.100 во целиот тримесечен период пред тоа.

Со изборот на Доналд Трамп за втор мандат за претседател на САД, исцрпените и уморни од војна украинските сили се соочуваат со неизвесна поддршка од нивниот најголем воен донатор, пренесува медиумот.

Според написите, повеќето од руските беспилотни летала што паѓаат на Украина се „Шахед“ со пропелер дизајнирани од Иран, со карактеристичен облик на крилата и смртоносна боева глава.

Русија, исто така, почна да лансира лажни беспилотни летала, без никаков експлозив, за да ги збуни украинските единици за воздушна одбрана и да ги принуди да трошат муниција.

Во споредба со проектилите, тие се многу поевтини за изработка и полесни за гаѓање, анализираат медиумите.

Секоја вечер, Украинците одат на спиење со известувања на телефоните, додека дојдовните беспилотни летала летаат над земјата и свират сирени, пишува Би-Би-Си.

Од почетокот на ноември беспилотни летала ги погодија Киев, Харков, Одеса, Миколаев и Запорожје.

Во неделата, Русија лансираше 145 беспилотни летала во Украина, според претседателот Володимир Зеленски, што е најголем број во еден ден од почетокот на целосната инвазија.

Киев тој ден соопшти дека успеал да собори 62 беспилотни летала, а дека уште 67 биле „изгубени“ – што значи дека или биле соборени или исчезнале од екраните на радарот.

Турскиот претседател Реџеп Таип Ердоган изјави денеска дека односите на Турција со Израел се прекинати и додаде дека неговата земја е подготвена да почне прекугранични операции доколку се чувствува загрозено.

„Турција, предводена од Реџеп Таип Ердоган, не може да продолжи да ги развива односите со Израел. Во моментот немаме никакви односи со Израел. Не презедовме никакви чекори за да ги развиеме овие односи“, им рече тој на новинарите по враќањето од Азербејџан, јавува „Си-ен-ен Турк“.

Ердоган исто така изрази надеж дека Турција може да ги обнови врските со сирискиот претседател Башар ал-Асад, што, според него, може да придонесе за намалување на регионалната тензија.

„Обновувањето на односите со Асад ќе биде корисно за намалување на тензиите во регионот“, рече тој додавајќи дека се надева оти тоа ќе се случи во иднина.

Говорејќи за новоизбраниот американски претседател Доналд Трамп, Ердоган изрази загриженост за некои од пораките што доаѓаат од неговата администрација, но нагласи дека се надева оти Трамп во текот на својот мандат ќе преземе чекори што ќе имаат корист за Блискиот Исток.

„Се надевам дека Трамп ќе преземе разни чекори во регионот бидејќи пораките што доаѓаат од негова страна повремено предизвикуваат загриженост“, рече тој.

Дополнително, Ердоган ја спомена можноста за идна соработка со извршниот директор на платформата „Икс“, Илон Маск, посочувајќи дека Турција би можела да соработува со познат бизнисмен во областа на технологијата доколку се укаже можност, пренесува „Танјуг“.

„Технологијата не е област што можете да ја развивате сами, неопходна е соработка. Доколку се појават можности, можеме да преземеме заеднички чекори со Маск“, заклучи Ердоган.

Маж од Франција ги пронашол своите три деца избодени до смрт во семејната куќа.

Според извештајот на британскиот „Дејли Мејл“, неименуваниот татко синоќа ги пронашол своите деца мртви во својот дом во Таненц, ски-центар во близина на француската граница со Швајцарија – два сина на возраст од 2 и 11 години и една ќерка на 13 години.

Мајката на децата, 45-годишна жена за која локалните медиуми објавија дека боледувала од депресија, моментално е во бегство и е главна осомничена за ова дело.

Според „Le Parisien“, по неа трагаат 60 полицајци, со поддршка од хеликоптери и нуркачки тимови.

Француската полиција во моментов разговара со роднините на семејството за да собере дополнителни информации.