Свет
Криминални мигранти тврдат дека ќе се жртви на трговија со деца за да ја избегнат правдата
 
																								
												
												
											Современиот закон за ропство на британската премиерка Тереза Меј се злоупотребува со дозволување на криминалните мигранти да тврдат дека се помлади 18 години и жртвите на трговија со луѓе за да го избегнат апсењето, покажува истрагата на „Сандеј тајмс“.
Законот за модерно ропство, кој беше воведен за да ги заштити работниците кои биле прокриумчарени во земјата за да работат на фармите за канабис, салоните за убавина или дури и како проститутки, предвидува заштита за малолетници кои треба да бидат заштитени од кривично гонење ако се вклучени во криминална активност.
Но сега многу возрасни кои се фатени на такви работни места тврдат дека се помлади од 18 години за да избегнат судско гонење.
Извештајот на „Сандеј тајмс” вели дека им биле покажани документи што се однесуваат на повеќекратни случаи на виетнамски возрасни криминалци кои биле ставени под старателство на државата зашто тврделе дека се помлади од 18 години.
Во еден случај, работник во фабрика за канабис тврдел дека има 15 години и дека бил прокриумчарен во Велика Британија. Обвинителството советувало да не биде поднесено обвинение бидејќи полицијата не може да докаже дека осомничениот не е дете иако полицајците тврдат оти криминалецот бил очигледно возрасен со јасна намера да одгледува големо количество канабис.
Криминалниот возрасен мигрант бил сместен во системот за социјална грижа и исчезнал по три дена. Полицијата дури и го завела човекот како ранливо исчезнато дете. Кога повторно бил пронајден и повторно тврдел дека има 15 години, бил сместен во згрижувачко семејство, но уште еднаш исчезнал. Неговото место на живеење сега е е непознато.
И покрај злоупотребите на системот, минатата недела беше донесена одлука дека проценките за возраста врз основа на физичкиот изглед на баратели на азил кои не се придружувани се незаконски.
Новата пресуда вели дека проценката на луѓето според нивниот физички изглед, дури и ако изгледа дека се значително постари од 18 години, не е легитимна и доведува до ризик деца да бидат незаконски притворени.
Во владиниот извештај од април 2018 година откриено е дека 65 отсто од наводно малолетните мигранти без придружба, чија возраст била доведена до прашање, биле возрасни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Свет
„Фајненшл тајмс“: По напнат телефонски разговор бил одложен состанокот помеѓу Трамп и Путин
 
														САД го откажаа планираниот самит меѓу претседателот Доналд Трамп и рускиот лидер Владимир Путин поради цврстиот став на Москва за условите околу Украина, објави „Фајненшел тајмс“.
Одлуката уследила по напнат телефонски разговор меѓу американскиот државен секретар Марко Рубио и рускиот министер за надворешни работи Сергеј Лавров, по кој Рубио го информирал Трамп дека Русија не покажува подготвеност за преговори.
Самитот требаше да се одржи во Будимпешта, но Москва инсистирала на барања кои вклучуваат територијални отстапки од Украина, намалување на украинската војска и гаранции дека земјата никогаш нема да се приклучи на НАТО.
Украинскиот претседател Володимир Зеленски порача дека Киев е подготвен за мировни разговори, но нема да ги повлече трупите од дополнително ослободените територии, како што бара Москва
Европа
Автомобил експлодираше во Русија: загина офицер од единицата што го изврши масакрот во Буча
 
														Во експлозија на автомобил во регионот Кемерово во Русија загина рускиот полициски потполковник Венијамин Мажерин, член на единица поврзана со воени злосторства извршени во близина на Киев во 2022 година. Украинската служба за одбрана и разузнавање (ХУР) ја презеде одговорноста за неговото убиство, која објави и видео од запаленото возило.
Според соопштението на ХУР, Мажерин, роден во 1980 година, бил зад воланот кога експлодирало неговото возило. Тој служел во специјалната единица ОМОН „Оберег“, која е дел од Росгвардија (Национална гарда) на Русија за регионот Кемерово.
Разузнавачката агенција вели дека „Оберег“ е една од неколкуте единици на Росгвардија поврзани со злосторства извршени во регионот Киев за време на неуспешната офанзива на Русија врз украинскиот главен град во февруари и март 2022 година.
Во тој период, руските сили окупираа бројни градови и места, вклучувајќи ги Буча, Ирпин и Хостомел, оставајќи зад себе ужасни сцени по нивното повлекување.
Откако руските трупи се повлекоа кон крајот на март и почетокот на април 2022 година, украинските власти и меѓународните набљудувачи документираа докази за систематски воени злосторства против цивили. Според украинската национална полиција и Канцеларијата на високиот комесар на ОН за човекови права, повеќе од 1.000 цивилни тела се пронајдени во регионот на Киев, од кои околу 450 само во Буча.
Украинските и меѓународните истражители известија дека многу од жртвите имале знаци на егзекуции по кратка постапка, тортура и убивање. Телата биле пронајдени со врзани раце, со прострелни рани од блиску и со докази за тешка физичка злоупотреба.
фото: принтскрин
Регион
„Политико“: Орбан е притиснат, мора да се сврти кон Хрватска поради санкциите за руската нафта
 
														Американските санкции за увоз на руска нафта го притиснаа премиерот Виктор Орбан да побара алтернатива преку Хрватска, иако Будимпешта со години го одбегнуваше тој правец, пишува „Политико“.
Будимпешта тврди дека алтернативните испораки преку Хрватска се прескапи и дека Јадранскиот гасовод (ЈАНАФ) не може да ги задоволи нејзините потреби, што експертите и претставниците на Загреб остро го негираат, пишува Политико во својата анализа што ја пренесе „Индекс“.
Орбан тврди дека руската нафта е клучна за енергетската безбедност на Унгарија, но ограничувањата од Вашингтон и планираните царини на ЕУ ја прават зависноста од Москва неодржлива. За да обезбеди снабдување, Будимпешта ќе мора да ги подобри односите со Загреб и да користи нафтоводот ЈАНАФ.
Хрватскиот министер за економија Анте Шушњар ги отфрли обвинувањата дека транзитните такси се превисоки или дека системот нема доволен капацитет, велејќи дека тоа се „измислени изговори“ и дека Хрватска може веднаш да испорачува нафта.
Според експерти, проблемот не е во техничките или ценовните услови, туку во интересите на унгарската влада и на компанијата MOL, кои добиваат пониски цени за руската нафта и затоа немаат политичка волја да се откажат од неа.
„Политико“ наведува дека Орбан е „стиснат во ќош“ – ќе мора или да ја прифати соработката со Хрватска и политиката на ЕУ, или да продолжи со ризичната зависност од Русија, додека санкциите на САД стапуваат на сила на 21 ноември.


 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											