Свет
Кристин Лагард: Тензиите меѓу САД и Кина се закана за светската економија

Шефицата на Меѓународниот монетарен фонд (ММФ), Кристин Лагард, предупреди дека американско-кинеската кавга за трговијата претставува закана за глобалната економија, пренесува „Спутник“.
Говорејќи по Парискиот форум за задолженоста на земјите во развој, Лагард рече дека неодамнешните шпекулации и твитови не придонесуваат за никаков договор. Таа додаде дека е императив тензиите меѓу двете суперсили да бидат решени за да се избегне забавување на глобалниот раст.
„Ние во ММФ сметаме дека е од клучно значење трговските тензии да се решаваат задоволително за секого бидејќи денес е очигледно дека тензиите меѓу САД и Кина се закана за светската економија“, изјави Кристин Лагард на прес-конференцијата на маргините на меѓународна конференција во Берси.
Според шефицата на ММФ, од клучно значење е да се оди кон усвојувањето јасна правна и регулаторна рамка, која ќе им овозможи на компаниите да продолжат да ги извршуваат своите активности. Лагард истакна дека е важно да се ослободиме од неизвесноста по ова прашање.
Двете најголеми економии во светот, САД и Кина, се во конфликт кога американскиот претседател, Доналд Трамп, воведе тарифи за кинески стоки во вредност од 250 милијарди долари наведувајќи ја како причина загриженоста дека кинеските трговски практики ги повредуваат американските компании барајќи приспособување на условите на трговијата меѓу двете земји.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Со Путин е договорен прекин на огнот за енергетските и инфраструктурните објекти

Американскиот претседател Доналд Трамп изјави дека во денешниот телефонски разговор со неговиот руски колега Владимир Путин се договорил за итен прекин на огнот меѓу Русија и Украина во сите енергетски и инфраструктурни објекти.
„Се согласивме на итен прекин на огнот на сите енергетски и инфраструктурни објекти, со разбирање дека ќе работиме брзо за да постигнеме целосен прекин на огнот и, на крајот, да ставиме крај на оваа многу страшна војна меѓу Русија и Украина. Оваа војна никогаш немаше да започне ако јас бев претседател“, рече Трамп на Truth Social.
Тој додаде дека имал „многу добар и продуктивен“ разговор со Путин и дека разговарале за „многу елементи од мировниот договор, вклучувајќи го и фактот дека илјадници војници умираат“.
„Тој процес сега е во полна сила и ефект, и се надеваме, заради човештвото, дека ќе ја завршиме работата“, рече Трамп.
Свет
Гутереш ги повика Израел и Хамас целосно да го почитуваат прекинот на огнот во Газа

Генералниот секретар на Обединетите нации Антонио Гутереш денеска ги повика Израел и палестинската милитантна група Хамас целосно да го почитуваат прекинот на огнот во Појасот Газа.
Тој рече дека Палестинците во Појасот Газа се подложени на „неподносливо страдање“ додека израелските напади продолжуваат немилосрдно.
Гутереш им рече на новинарите во Женева дека улогата на ОН е меѓународната заедница да изврши притисок врз Израел и Хамас целосно да го почитуваат прекинот на огнот во Појасот Газа, пренесе Ал Џезира.
Министерството за здравство на Хамас објави дека повеќе од 400 луѓе, главно палестински деца и жени, биле убиени во текот на ноќта во израелските напади врз Појасот Газа.
Свет
Ница ја погоди земјотрес со јачина од 4,1 степени

Земјотрес со јачина од 4,1 степени според Рихтер вечерва ја погоди областа во близина на францускиот град Ница, соопшти Европскиот медитерански сеизмолошки центар (EMSC).
Земјотресот се случил на 16 километри северно од Ница, каде живеат околу 340.000 жители, додава EMSC.
Земјотресот се случил на длабочина од десет километри.