Свет
Кси Џинпинг: Кина ја поддржува Замбија во заштитата на националниот суверенитет
![](https://makfax.com.mk/wp-content/uploads/2023/09/si.jpg)
Кинескиот претседател, Кси Џинпинг, денеска објави дека Пекинг ја поддржува Замбија во заштитата на нејзиниот национален суверенитет, безбедност и развојни интереси, истовремено поттикнувајќи поголем увоз од таа земја од Јужна Африка, пренесува „Ројтерс“, повикувајќи се на кинеските медиуми.
Кси се состана со замбискиот претседател Хакаинде Хичилема во Пекинг и двете земји ги надградија своите односи до сеопфатно стратешко кооперативно партнерство, објави кинеската државна новинска агенција Ксинхуа.
Кинескиот претседател вети дека ќе работи со Замбија за да ја прошири соработката што опфаќа инфраструктура, земјоделство, рударство и чиста енергија и повика повеќе домашни претпријатија да инвестираат во Замбија.
Хичилема, кој ќе остане во Кина до сабота, на средбата со Кси рече дека Замбија се придржува до принципот на една Кина и дека високо го цени водечкиот кинески концепт и принципи на модернизација, како и дека се надева дека ќе биде може да научи од развојот на Кина.
Замбија се обидува да го репрограмира надворешниот долг кон Кина и да најде повеќе можности за тргување со втората по големина економија во светот.
Кина има значителни трговски интереси во Замбија.
Инвестираше во повеќе од 30 проекти преку својата иницијатива „Појас и пат“ помеѓу 2014 и 2023 година, според податоците собрани од тинк-тенк американскиот институт за претпријатија.
Податоците покажуваат дека проектите се во вкупна вредност од 11,3 милијарди долари.
Околу една петтина од извозот на Замбија, главно бакар, оди и во Кина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Путин: Москва мора да започне со производство на ракети со среден и краток дострел
![](https://makfax.com.mk/wp-content/uploads/2024/05/putin4.jpg)
Москва мора да започне со производство на ракети со среден и краток дострел за да може да одговори на акциите на Вашингтон, изјави денеска рускиот претседател Владимир Путин на оперативниот состанок со членовите на Советот за безбедност на Русија.
„Во 2019 година објавивме дека нема да ги произведуваме овие ракети и дека нема да ги распоредиме додека САД не ги распоредат овие системи во некој регион во светот“, потсети Путин, пренесува РИА Новости.
Денес, како што оцени, се знае дека САД не само што ги произведуваат овие системи, туку и ги пренесуваат во Европа – на воени вежби во Данска.
Свет
„Тешко е да се расправаш со лажго“: се огласи тимот на Бајден
![](https://makfax.com.mk/wp-content/uploads/2019/07/bajden-tramp.jpg)
Американскиот претседател Џо Бајден не се откажува од трката за реизбор, изјави денеска неговиот претставник од кампањата по дебатата против републиканскиот кандидат Доналд Трамп, од која некои демократи не беа задоволни.
„Се разбира дека нема да се откаже“, рече портпаролот на кампањата на Бајден, Сет Шустер, пренесува „Хил“.
По дебатата и Бајден потврди дека нема да се откаже од трката за нов четиригодишен мандат.
„Тешко е да се расправате со лажго. „Њујорк тајмс“ истакна дека тој лажел 26 пати“, рече тој, мислејќи на поранешниот претседател Трамп.
По настапот во дебатата во четвртокот вечерта со Трамп, Бајден беше широко критикуван од демократите, а некои признаа дека тоа ќе ги поттикне дискусиите за тоа дали претседателот треба да биде сменет пред националната конвенција во август, каде демократите формално ќе го номинираат својот кандидат.
Регион
Земјотрес го погоди Крит
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.