Свет
Кушнер: Планот на Трамп им дава на Палестинците сè што некогаш побарале

Говорејќи од Абу Даби по слегувањето на првиот директен израелски лет кон Обединетите Арапски Емирати во понеделникот попладне, високиот советник на Белата куќа, Џеред Кушнер, ги поздрави новите односи помеѓу ОАЕ и Израел што неговата земја ги посредуваше и ги критикуваше Палестинците дека не прават повеќе во име на мирот, пренесува „Брејтбарт“.
„Не можеме да сакаме мир повеќе отколку што тие сакаат мир. Кога ќе бидат подготвени, целиот регион со задоволство ќе им помогне да се придвижат напред. Но, тие не можат да бидат заглавени во минатото“, рече тој.
Советникот на Белата куќа остро ги нападна Палестинците за отфрлање на планот на Трамп за мир уште пред тој да биде претставен во јануари.
„Одредени луѓе од некаква причина сакаат поделба и статус кво “, рече тој.
Прашан за израелските планови за анексија што сега се на стендбај, Кушнер рече дека Израел сега ќе биде фокусиран на односите со ОАЕ.
„Мислам дека со тек на време тоа ќе го направи мирот со Палестинците многу поверојатен. Израел се согласи да ги одложи своите планови за примена на суверенитетот на Западниот Брег како дел од договорот со ОАЕ, но претседателот Трамп сака да ги остави отворени своите опции“.
„Планот е суспендиран за да можеме да се фокусираме на нормализирање на односите со арапскиот свет, но мировниот план на Трамп е оперативен глобален документ за тоа како да се постигне мир. Им дава на Палестинците сè што некогаш побарале“, вели Кушнер.
Предлогот вклучува суверенитет затоа што е јасно, во контекст на каков било договор, дека Израел нема да се откаже од таа територија на која живеат Израелци.
„САД мораа да бидат сигурни дека безбедноста на Израел е заштитена. Признавањето на Ерусалим како главен град на Израел и дозволувањето на идното признавање на израелскиот суверенитет врз големи делови на Западниот брег ќе ги тргне овие провокативни прашања од маса“, рече тој.
Кушнер му се заблагодари на саудискиот престолонаследник, Мохамед бин Зајед, за кого рече дека навистина го води новиот Блиски Исток.
Тој исто така ја пофали Саудиска Арабија што му дозволи на израелскиот авион на „Ел Ал“ да лета над нејзиниот воздушен простор. На авионот беше испишан зборот „мир“ на арапски, хебрејски и на англиски јазик. На прекривките на седиштата во авионот пишуваше „Правиме историја“ на сите три јазици.
Палестинското раководство во понеделникот со револт реагираше на историскиот лет, повторно обвинувајќи ги ОАЕ за забодување нож во грбот на палестинскиот народ. Премиерот на Палестинската самоуправа, Мохамад Штајеј, изјави дека Палестинците со болка гледале како израелски авион слета во ОАЕ, велејќи дека станува збор за јасно и бесрамно кршење на арапската позиција во врска со арапско-израелскиот конфликт. Тој изрази надеж дека авион од Емиратите ќе слета во ослободениот град Ерусалим, под палестинска власт.
„Но, ние живееме во тешката арапска ера“, заклучи палестинскиот премиер.
Тој ги пофали некои арапски држави што одбија да ги нормализираат своите односи со Израел. Мароко и Саудиска Арабија експресно изјавија дека во моментов нема да воспостават формални врски со Израел.
„Арапите го спречија неодамнешното патување на американскиот државен секретар Мајк Помпео, и покрај притисокот извршен врз некои арапски земји,“ рече Штајех.
Висок функционер од владејачката партија Фатах, Монир ал-Јагуб, рече дека овој потег ќе ги запише ОАЕ на црните страници на арапската историја.
„Секој што ќе ја предаде Палестина и ќе склучи сојуз со окупаторите, ќе заврши на ѓубриштето на историјата“, рече ал-Јагуб.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Вучиќ е единствениот кој не ја потпиша декларацијата за поддршка на Украина

Претседателот на Србија, Александар Вучиќ, ги опиша денешните состаноци во Одеса на самитот „Украина-Југоисточна Европа“ како многу успешни, но тој беше единствениот кој не ја потпиша декларацијата, објавија белградските медиуми кои ја покриваат првата посета на Вучиќ на Украина од почетокот на руската инвазија во февруари 2022 година.
Земјите што учествуваат на 4-тиот самит „Украина-Југоисточна Европа“ денес потпишаа декларација со која ја повикуваат меѓународната заедница да обезбеди посилна поддршка за Украина и напори за наоѓање дипломатски пат кон траен мир, како и да ги одржуваат и зајакнуваат санкциите против Русија.
Србија се воздржа, а нејзиниот претседател беше единствениот кој не го потпиша документот со кој се бараат дополнителни санкции против Москва.
Неколку недели претходно, Вучиќ, кој балансира помеѓу Русија како историски сојузник на Србија и желбата на Белград да се приклучи кон Европската Унија, беше на Црвениот плоштад во Москва за да ја прослави 80-годишнината од победата над фашизмот во Втората светска војна.
„Им се заблагодарив на нашите украински домаќини, претседателот Зеленски, за целосно почитување на Повелбата на ОН и територијалниот интегритет на Србија. Приштина и претставниците на Приштина исто така не беа тука“, ја цитираше Танјуг изјавата на Вучиќ за време на неговата посета на Украина.
Вучиќ истакна дека ова е голем гест кон Србија, која, рече тој, ќе го цени тоа. Оваа посета доаѓа неколку дена откако Русија ги обвини компаниите на српската воена индустрија дека се обидуваат да „пукаат во грб на Москва“ со продажба на муниција на Украина.
Вучиќ повтори дека не ја предал Русија, негирајќи ги пишувањата на одредени медиуми во Србија и истакна дека повторно не ја потпишал декларацијата, но дека Србија е воздржана.
„И што и кого предадов? Русија? Со што? Со доаѓањето на самитот? Па, ова ми е четврти пат на самитот на Југоисточна Европа и Украина и повторно сум единствениот што не ја прифати декларацијата. За разлика од нив кои би прифатиле сè против Русија, сè што можат“, рече Вучиќ.
Тој додаде дека Србија на тој начин ги штити интересите на меѓународното јавно право, секогаш водејќи се од сопствените интереси.
„Горд сум на политиката на Србија, на нашата независност и ќе продолжиме да го правиме тоа“, рече Вучиќ.
Тој рече дека Украина не направила ништо лошо против Србија.
„Украина е земја која не ги покани претставниците на Приштина тука. Дали сме должни да ви се заблагодариме за тоа? Мислам дека сме. И што можам да критикувам за тоа? Па, ми дозволија да бидам тука и да се воздржам и да не потпишам и да ја нема Србија како потписник на декларацијата. Што друго сакате? И од Украина и од нас. Што всушност некој сака од политиката на Србија?“, рече Вучиќ.
Тој е убеден дека ова е „врвот што може да го достигне една мала земја во спроведувањето на сопствената независна политика“, нагласувајќи дека е горд на тоа.
На самитот учествуваше и првиот вицепремиер и министер за животна средина и просторно планирање, Изет Меџити, кој изрази благодарност за гостопримството на украинските власти и ја реафирмираше непоколебливата поддршка од страна на Северна Македонија за суверенитетот и територијалниот интегритет на Украина.
„Обединети сме пред предизвиците кои го загрозуваат мирот, безбедноста и меѓународниот поредок. Силно ја осудуваме руската агресија и бараме итно запирање на војната“, – истакна тој.
Свет
(Видео) Првпат во историјата снимен јужниот пол на Сонцето

Јужниот пол на Сонцето, претходно неистражен регион, е за првпат снимен на зачудувачки слики од вселенското летало Solar Orbiter.
Заедничка мисија на Европската вселенска агенција (ESA) и НАСА го набљудуваше Сонцето надвор од рамнината во која орбитираат планетите и ја направи првата слика од неговите мистериозни поларни региони.
Револуционерните набљудувања открија хаотичен мозаик од магнетна активност на полот на Сонцето, за кој научниците веруваат дека е клучен за разбирање како магнетното поле на Сонцето се менува приближно на секои 11 години.
The First Glimpse of the Sun’s South Pole Ever.
ESA has just released the first ever images of one of the Suns Poles taken by its Solar Orbiter spacecraft . Taken in UV which highlights the Sun’s “atmosphere”.
A region not seen before from Earth or previous spacecraft.
This is… pic.twitter.com/jyRhQOqKQ9— Amazing Astronomy (@AmazAstro) June 11, 2025
„Денес, за првпат во историјата, им покажуваме на луѓето слики од половите на Сонцето“, рече професорката Керол Мандел, директорка за наука во ESA.
„Сонцето е нашата најблиска ѕвезда, извор на живот, но и потенцијална закана за современите вселенски и енергетски системи на Земјата, па затоа е клучно да разбереме како функционира и да научиме да го предвидиме неговото однесување. Овие уникатни слики од мисијата Solar Orbiter го означуваат почетокот на нова ера во соларната наука.“
Мисијата од 1,3 милијарди долари (околу 1,1 милијарда евра), која започна во 2020 година, направи слики од јужниот пол на Сонцето кон средината на март, кога вселенското летало беше 15 степени под екваторот на Сонцето, овозможувајќи го првото набљудување на половите на Сонцето од тој агол.
Иако Земјата има трајни магнетни полови, магнетното поле на Сонцето се менува на секои 11 години, или барем така се случува, и тогаш го достигнува својот врв на активност, со најмногу сончеви дамки и пламени.
Првите магнетни мерења од Солар Орбитер открија фрагментиран мозаик од региони со северни и јужни поларитети на површината на Сонцето. Овој модел беше предвиден со компјутерски симулации, но сè уште не е потврден со директно набљудување. Научниците велат дека следењето на драматичните промени во магнетното поле на половите ќе биде клучно за поточни прогнози за циклусот на Сонцето.
Регион
Претседателката на Хашкиот трибунал: Ратко Младиќ добива медицинска нега на високо ниво

Претседателката на Меѓународниот кривичен трибунал во Хаг, Грасиела Гати Сантана, денес пред Советот за безбедност на ОН во Њујорк изјави дека генералот Ратко Младиќ добива медицинска нега на „високо ниво“ во притвор.
Младиќ отслужува доживотна казна затвор за геноцидот во Сребреница и воените злосторства против муслиманите и Хрватите за време на војната во Босна и Херцеговина од 1992 до 1995 година.
Поднесувајќи го својот редовен извештај за работата на Трибуналот, Сантана ги информираше земјите-членки на Советот за безбедност дека одбраната на Младиќ неодамна побарала тој да биде ослободен од хуманитарни причини поради неговата неизлечива болест.