Свет
Лавров бесен на западот: Трпението ни е при крај, време е да продолжиме понатаму

Рускиот министер за надворешни работи Сергеј Лавров изјави денеска дека доколку Западот ги отфрли руските предлози за безбедносни гаранции, Москва ќе ја процени ситуацијата и ќе донесе одлука земајќи ги предвид сите фактори и во интерес на обезбедување на националната безбедност.
Лавров на годишната прес-конференција на руското Министерство за надворешни работи рече дека одговорот на Русија, доколку САД одбијат да гарантираат непроширување на НАТО, може да биде многу поинаков, пренесува РИА Новости.
„Не можам да додадам ништо на она што го кажа претседателот Путин… Одговорот може да биде многу различен, зависи од предлогот што нашите воени експерти ќе му го дадат на претседателот на Русија. Затоа, сега не вреди да се погодува“, рече Лавров.
Тој посочи дека Руската Федерација нема да чека бесконечно на одговори од Западот и дека Москва се подготвува за каков било развој додека чека одговор од САД и НАТО за безбедносните гаранции.
Тој изјави дека одговорите на Западот мора да бидат напишани.
„Ни снема трпение. Знаете, ние сме многу трпеливи. Сепак, многу се воздржавме, време е да продолжиме понатаму“, рече Лавров, додавајќи дека Русија чека конкретни одговори на нејзините предлози.
Рускиот министер рече дека западните земји придонесуваат за негативниот развој на настаните и дека во светот се акумулира потенцијал за конфликт.
„Западните колеги даваат одлучувачки придонес за овој негативен развој, тие поставија курс кој ја поткопува архитектурата на меѓународните односи врз основа на Повелбата на ОН и се обидува да го замени меѓународното право со свои правила“, рече Лавров.
Тој додаде дека НАТО продолжува со обидите вештачки да ги привлече Украина и скандинавските земји во своето членство.
Лаврод рече и дека Москва сега го покренала прашањето за непроширување на НАТО бидејќи, како што рече, „се акумулирало“.
„Тоа се акумулираше во периодот по 1990-тите, кога нашите западни пријатели едноставно ги фрлија во ѓубре ветувањата за непроширување на НАТО, дека воената инфраструктура нема да се движи кон исток, дека нема да бидат распоредени значителни борбени сили на територијата на нови членови“.
Според него, НАТО избил на границите на Русија „за време на петте бранови на експанзија“ и сега ги зајакнува копнените сили и авијацијата.
Лавров посочи дека обемот на вежбите во Црното Море е мултиплициран.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Маж на возраст од околу 40 години загина на концерт на „Оејсис“, полицијата бара сведоци

Маж на возраст од околу 40 години загина откако падна од височина за време на концерт на „Оејсис“ на лондонскиот стадион Вембли, соопшти Метрополитенската полиција, а пренесе Би-Би-Си.
Полицајци и медицински лица на стадионот Вембли реагирале на дојава за повреден маж околу 22:19 часот. Мажот бил „пронајден со повреди кои соодветствуваат на пад“ и бил прогласен за мртов на самото место, соопшти портпаролот на полицијата.
Во изјава од стадионот Вембли се наведува дека на повредениот маж му била укажана помош од страна на медицинските лица, полицијата и лондонската итна помош.
„И покрај нивните напори, посетителот на концертот за жал почина. Сочуствуваме со неговото семејство, кое е информирано и му се дава поддршка од специјално обучени полициски службеници“, се наведува во соопштението.
„Оејсис“ во својата изјава соопшти дека се „шокирани и нажалостени“ од веста за смртта на обожавателот.
Најверојатно, мажот паднал од горниот кат.
Полицијата изјави дека стадионот бил преполн и дека „веруваат оти најверојатно имало повеќе луѓе кои биле сведоци на инцидентот или свесно или несвесно го снимиле со мобилен телефон“.
Метрополитенската полиција ги замоли сите што имаат информации да се јават на бројот 101.
Бендот ја започна својата турнеја по повод повторното обединување. Саботниот концерт беше дел од седум распродадени концерти на стадионот Вембли, кој има капацитет од 90.000 луѓе на три ката.
Следните концерти на бендот ќе се одржат во Единбург на 8., 9. и 12. август, по што следува турнеја низ Ирска, Канада, САД и Мексико, пред повторно да се вратат на Вембли на 27. и 28. септември.
Свет
Двегодишно девојче најдено живо во куфер во автобус на Нов Зеланд

Двегодишно девојче е пронајдено живо во куфер што се наоѓал во багажниот простор на автобус на Нов Зеланд, пренесува „Скај њуз“. Според полицијата, детето било во прегреана состојба при пронаоѓањето, но немало видливи повреди.
Инцидентот се случил во неделата за време на застанување во местото Каивaка, околу сто километри северно од Окленд. Возачот на автобусот забележал движење во куферот откако една патничка побарала пристап до багажниот простор. Кога го отворил сомнителниот куфер, следувал шок – внатре се наоѓало девојчето.
Главниот детектив, Сајмон Харисон изјави дека девојчето било „многу загреано, но физички изгледало неповредено“. Веднаш било пренесено во болница, каде било задржано за детални прегледи.
Полицијата уапсила 27-годишна жена, чиј идентитет не е објавен, под сомнение за занемарување и злоупотреба на дете. Не е соопштено колку долго девојчето било во куферот, ниту на која делница се движел автобусот.
Жената треба да се појави пред суд во понеделник, а случајот е пријавен и до надлежните служби за заштита на деца.
Компанијата Entrada Travel Group, која управува со националната автобуска линија InterCity, потврди дека инцидентот се случил во еден од нивните автобуси. „Полицијата беше повикана да реагира и го истражува случајот. Никој не беше повреден за време на инцидентот“, се наведува во соопштението на компанијата.
За среќниот исход заслуга има возачот на автобусот, кој доби пофалби од детективот Харисон, кој истакна дека „забележал дека нешто не е во ред и веднаш презел мерки, спречувајќи многу полоша завршница“.
Регион
Поранешниот хрватски премиер, Иво Санадер, излезе од затвор

Иво Санадер, поранешен лидер на ХДЗ и премиер на Хрватска, е ослободен од затвор пред да ја отслужи целата казна. Санадер беше условно ослободен од затворот Липовица откако отслужи две третини од казната, објавија хрватските медиуми.
Како што објасни адвокатот Драган Црнковиќ, исполнети се сите законски услови за поранешниот премиер да биде ослободен. Тој рече дека покрај неговата возраст, една од причините наведени во барањето за ослободување е неговата здравствена состојба, но тоа не се главните причини, забележува тој, туку и фактот дека тој го почитува член 59 од Кривичниот законик. Тој истакнува дека на 15 август 2023 година отслужил половина од казната.
Ќе биде должен да се јавува во полиција секој месец и нема да му биде дозволено да го менува местото на живеење и привременото живеалиште.
На прашањето на новинарите дали тоа значи дека ќе има ограничено движење, тој одговори негативно.
„Не знам, може да го запали автомобилот, да оди во Сплит. Само ако има намера трајно да го промени местото на живеење и живеалиштето, мора да добие дозвола“, објасни адвокатот Црнковиќ.
Фото: ЕПА