Свет
Лавров: Имаме непобитни докази дека хемискиот напад во Сирија е измислен
Рускиот министер за надворешни работи, Сергеј Лавров, изјави дека наводниот хемиски напад во сирискиот град Дума, во кој загинаа најмалку 70 лица, бил лажиран со помош на странски шпиони.
Лавров рече дека руски експерти направиле увид на местото на наводниот напад во Дума, источно од Дамаск, при што не биле пронајдени никакви траги од хемиско оружје. Тој, исто така, рече дека Москва има непобитни докази оти станува збор за измислен напад.
Лавров рече дека разузнавачки агенции на земјата која сака да води кампања против Русија помогнале да се лажира хемискиот напад. Тој не даде детали за која земја конкретно станува збор, но според пишувањата на медиумите најверојатно мислел на САД или Велика Британија.
Трамп неодамна на „Твитер“ се закани дека ќе ја нападне Сирија поради хемискиот напад во Дума, што тој подоцна изјави дека може да се случи многу наскоро или не толку брзо. Белата куќа објави дека конечната одлука за Сирија сé уште не е донесена.
Британските министри изразија согласност дека нешто мора да се направи за да се спречи употребата на хемиско оружје во Сирија откако францускиот претседател Емануел Макрон соопшти дека располага со докази оти сириската влада извршила напад со хемиско оружје во Дума.
Лавров, исто така, рече дека дури и најмалата грешка во Сирија може да доведе до нов бран мигранти и додаде дека ултиматумите и заканите не помагаат во дијалогот. Инаку, Организацијата за забрана за хемиско оружје (OPCW) испрати тим експерти во Сирија, кои в сабота ќе ја почнат својата истрага за наводно користење хемиско оружје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.