Свет
Лавров: Москва ќе го разгледа секое барање од САД за дополнителна медицинска помош
![](https://makfax.com.mk/wp-content/uploads/2020/04/14-lavrov.jpg)
Москва ќе го разгледа барањето на САД за испраќање дополнителна медицинска помош и опрема за борба против Ковид-19 ако пристигне, изјави шефот на руската дипломатија, Сергеј Лавров, пренесува „Спутник“.
„Ако добиеме дополнително барање од американска страна за помош во снабдувањето со некоја медицинска опрема за борба против Ковид-19, секако дека ќе го разгледаме. За тоа разговараа претседателите Путин и Трамп во неодамнешниот телефонски разговор“, посочи тој.
Лавров додаде дека Трамп во разговорот со Путин истакнал дека САД се подготвени во иднина да испратат медицинска помош во Русија ако тоа биде потребно.
„Мислам дека тоа е нормален партнерски пристап“, рече Лавров.
Русија претходно испрати авион „АН-124 руслан“ со медицинска опрема во Њујорк. Амбасадорот на Русија во САД, Анатолиј Антонов, соопшти дека во авионот имало средства за дезинфекција, заштитни очила, маски и респиратори неопходно за спасување на Американците во услови на епидемијата на Ковид-19.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Русија собори седум украински авиони Су-27 при нападот на аеродромот Миргород
![](https://makfax.com.mk/wp-content/uploads/2024/07/df.jpg)
Руските војници соборија седум украински авиони Су-27 за време на ракетен напад на аеродромот Миргород во областа Полтава, соопшти денеска руското Министерство за одбрана.
Беше прецизирано дека нападот во кој, според тврдењата на руското Министерство, биле уништени пет оперативни повеќенаменски ловци Су-27, а оштетени уште два, кои биле на ремонт, бил извршен со „Искандер-М“ проектили.
831-та тактичка авијациска бригада на Украина се наоѓа на воениот аеродром во Миргород, а се користи и како база за напади на Запорожје и правецот на Крим, наведува агенцијата РИА Новости.
Свет
Јужна Кореја погодена од обилни врнежи, постои опасност од поплави
![](https://makfax.com.mk/wp-content/uploads/2024/07/t.jpg)
Голем дел од Јужна Кореја е погоден од обилни дождови, предизвикувајќи закана од поплави, додека најголемиот јужнокорејски остров Џеџу е погоден од силни ветрови кои предизвикаа откажувања и одложувања на летовите.
Во главниот град на Јужна Кореја, Сеул, утрово наврнале 58,2 милиметри дожд на метар квадратен, а повеќе од 80 милиметри наврнале во централните и југозападните региони, објавија метеоролозите, пренесува Јонхап.
Метеоролозите прогнозираат дека дождот ќе престане во среда наутро во повеќето региони на Јужна Кореја.
Свет
Орбан ненадејно пристигна во Киев
![](https://makfax.com.mk/wp-content/uploads/2024/07/orban-zelenski.jpg)
Унгарскиот премиер, Виктор Орбан, пристигна во Киев на разговори со украинскиот претседател, Володимир Зеленски, за актуелните прашања од унгарско-украинските односи, потврди претставникот за медиуми на Орбан.
Посетата на Орбан, отворен критичар на западната воена помош за Украина, доаѓа еден ден откако Унгарија го презеде ротирачкото претседателство со Советот на Европската унија.
„Најважната тема на дискусија е можноста да се создаде мир“, напиша претставникот за медиуми на Орбан, Берталан Хаваси, во одговорот по е-пошта до Ројтерс, додавајќи дека двајцата лидери ќе разговараат и за унгарско-украинските односи.
Орбан, најблискиот сојузник на рускиот претседател Владимир Путин меѓу лидерите на ЕУ, често се спротивставува на иницијативите на ЕУ за поддршка на Украина во нејзината одбрана од агресијата на Москва од инвазијата во февруари 2022 година. Орбан му рекол на Путин минатата година дека Унгарија никогаш не сакала да се соочи со Русија.
На почетокот на 2024 година, на лидерите на ЕУ им требаа недели да го отфрлат ветото на унгарскиот премиер за одобрување нова помош за Украина од 50 милијарди евра. Минатата недела ЕУ ги отвори преговорите за членство со Украина, давајќи ѝ на земјата политички поттик во време на нејзината војна против Русија, иако има уште долг и тежок пат пред таа да може да се приклучи на блокот.