Женски фудбалски натпревар во Бангладеш беше откажан во средата кога протестите на верските радикали ги принудија организаторите да го откажат натпреварот, што е втор ваков инцидент во изминатите два дена.

Аналитичарите тврдат дека претходно маргинализираните верски движења станале посмели по соборувањето на премиерот Шеик Хасина минатата година, пишува „Ал џезира“.

Северниот град Џојпурхат требаше да биде домаќин на пријателски натпревар помеѓу женскиот фудбалски тим на областа и тимот од блискиот Рангпур.

Taliban, ISIS inspired Extremists attacked and vandalized the venue to stop a girl’s football match in Joypurhat, Bangladesh.

Radicals are openly campaigning against women’s participation in sports, claiming it is against Islam. Yunus and His allies are supporting extremists pic.twitter.com/ilMil83Gtn

— Hindu Genocide Report (@hindugenreport) January 30, 2025

„Исламските радикали во нашата област се собраа на поле и се упатија кон местото на натпреварот. Ги имаше стотици“, рече организаторот на турнирот, Самиул Хасан Емон.

„Ситуацијата се влоши и моравме да го откажеме денешниот настан.

Абу Бакар Сидик рече дека се приклучил на протестот со своите ученици, како и со наставниците и учениците од неколку други верски училишта.

„Женскиот фудбал е неисламски“, изјави тој. „Наша верска должност е да спречиме сѐ што е спротивно на нашите верувања.

Инцидентот се случи само еден ден откако натпреварот во блискиот Динајпур беше одложен по сличен протест.

Islamists storm a women’s football match and stop it.
Reason?
Women are “half-naked” in football jerseys and that is against Sharia.
This happened in Dinajpur in Muhammad Yunus’s Bangladesh, not in Taliban-ruled Afghanistan. pic.twitter.com/EWTwpyLPfz

— Abhijit Majumder (@abhijitmajumder) January 30, 2025

„Натпреварот беше одложен половина час пред почетокот. Моравме бргу да ги префрлиме девојчињата на побезбедно место“, изјави учителката Монирузаман Зија.

Претставникот на локалната власт Амит Рој изјави дека четири лица се повредени во судирите кога демонстрантите и контрадемонстрантите фрлале цигли едни кон други, но сите оттогаш се пуштени од болница.

Инцидентот во средата бргу беше осуден од Фудбалската федерација на Бангладеш (БФФ).

„Фудбалот е за секого и жените имаат целосно право да учествуваат во него“, се вели во соопштението на менаџерот за медиуми на БФФ, Садман Сакиб.

Верските групи во Бангладеш станаа значително повлијателни по годините репресија од страна на владата на Шеик Хасина.

Извршниот директор на „Мета“, Марк Цукерберг, им порача на вработените  во компанијата да се подготват за интензивната година што претстои и ги коментираше неодамнешните промени во правилата на социјалните мрежи.

Цукерберг го отвори состанокот нагласувајќи го чувството на итност за следната година. Тој им кажа на вработените дека очекува да има појасна слика за насоката на компанијата до крајот на 2025 година и дека вештачката интелигенција ќе биде во првите редови. Тој, исто така, зборуваше за неодамнешните промени во политиката поврзани со проверка на факти и различности, еднаквост и програми за инклузија.

„Ова е маратон, а не спринт“, рече тој во објавената снимка до која дојде „Бизнис Инсајдер“.

„Мета“ одби да ја коментира снимката.

Во широкиот монолог, Цукерберг рече дека 2025 година ќе биде година кога високо интелигентниот и персонализиран дигитален асистент ќе достигне 1 милијарда корисници.

„Мислам дека кој прв ќе стигне таму ќе има долгорочна, трајна предност во изградбата на еден од најважните производи во историјата“, се слуша како вели Цукерберг на снимката.

Цукерберг, исто така, го повтори своето верување дека ова ќе биде година во која агентите со вештачка интелигенција ќе преземат голем дел од работата, вклучително и софтверот за пишување. На прашањето дали тоа ќе доведе до губење на работни места, Цукерберг рече дека е тешко да се знае и дека иако тоа може да доведе до тоа некои работни места да станат непотребни, може да доведе и до вработување на повеќе инженери кои можат да користат вештачка интелигенција за да бидат попродуктивни.

„Природата на она што значи инженерството во иднина ќе биде поинаква отколку што е денес“, рече тој.

Цукерберг допре неколку критични точки во компанијата во последниве недели, вклучително и најавата дека ќе се оддалечи од надворешните проверувачи на факти и ќе имплементира систем за белешки во заедницата како оној што го користеше Илон Маск на „Икс“.

Тој им порача на вработените да почекаат и да видат како ќе се имплементира новиот систем.

„Всушност сум доста оптимист дека ова на крајот ќе биде подобар систем“, рече тој.

Цукерберг исто така рече дека ова ќе биде година за ресетирање на односите на Мета со владите ширум светот.

„По последните неколку години, сега имаме можност за продуктивно партнерство со владата на Соединетите Американски Држави и ќе го искористиме тоа“, рече Цукерберг.

„Мислам дека тоа е точно бидејќи има неколку области каде, дури и ако не се согласуваме за сè, имаме заеднички цели кои ќе ни овозможат подобро да и служиме на нашата заедница и заедно да ги унапредуваме интересите на нашата земја“, рече тој.

Норвешката полиција денеска соопшти дека запленила норвешки брод со руски екипаж поради сомнение за вмешаност во оштетување оптички кабел во Балтичкото Море. Според полицијата, заплената била извршена на барање на летонските власти, пренесува „Ројтерс“.

„Бродот се сомничи дека е вмешан во сериозно оштетување на оптичкиот кабел во Балтичкото Море меѓу Летонија и Шведска“, се вели во полициското соопштение.

Бродот, кој е во сопственост на Норвешка и пловел под знамето на оваа земја, одел од Санкт Петербург во Балтичкото Море до Мурманск на рускиот Арктик, соопшти полицијата.

Претходно, летонскиот портал LSM, повикувајќи се на сопственикот на кабелот, Летонскиот државен радио и телевизиски центар, објави дека во неделата е оштетен подморскиот оптички кабел меѓу Летонија и Шведска, најверојатно поради надворешни влијанија, пренесува „РИА новости“.

Летонската морнарица испратила патролен чамец до местото на кое се посомневало дека кабелот е оштетен и го контактирала НАТО, пренесува „Танјуг“.