Свет
Лекари без граници за ситуацијата во Газа: Се пука врз луѓето кои бегаат од болницата Ал Шифа, владее екстремна паника и страв

Лекари без граници денеска ги потврдија извештаите дека се пука во луѓе при обид да ја напуштат болницата Ал Шифа во Појасот Газа.
„Во моментот на пишување на овој текст, нашиот персонал е сведок на пукање во луѓе кои се обидуваат да побегнат од болницата Ал Шифа“, се вели во објавата на Лекари без граници на платформата „Икс“, пренесува Ал Џезира.
Палестинската Црвена полумесечина соопшти дека израелските тенкови се на само 20 метри од болницата Ал Кудс.
„Директно пукање во болница, а меѓу раселените владее екстремна паника и страв“, се вели во соопштението објавено на платформата Х (Твитер).
Во болницата Ал-Шифа вчера се случи експлозија кога, како што соопштија палестинските власти, била погодена од израелски воздушни напади.
Директорот на болницата Ал-Шифа и владата на Хамас во Газа објавија дека во експлозијата загинале 13 лица.
Израелската војска претходно соопшти дека командните центри на Хамас се наоѓаат во подземни тунели под болниците на Ал-Шифа, што палестинската терористичка група го негираше.
Палестинските здравствени власти соопштија дека има зголемување на израелските напади врз или во близина на болниците, загрозувајќи ги пациентите и медицинскиот персонал, како и илјадници луѓе кои се евакуирани во блиските болници во потрага по побезбедна локација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Русија и Украина денеска треба да разменат затвореници

Русија и Украина денеска треба да разменат затвореници, а посредник во договорот повторно се Обединетите Арапски Емирати, соопштил извор запознаен со преговорите.
Ќе бидат разменети вкупно 492 војници – 246 од двете страни, како и уште 46 ранети украински војници.
За време на војната Русија и Украина со посредство на ОАЕ веќе разменија вкупно 3.233 воени заробеници
Свет
„Вие сте глупави луѓе“: Трамп за Путин и Зеленски доколку ги отфрлат преговорите за прекин на огнот

Американскиот претседател Доналд Трамп ги потврди зборовите на американскиот државен секретар Марко Рубио во врска со повлекувањето од преговорите доколку руската и украинската страна не постигнат договор наскоро.
Трамп понуди помек пристап, велејќи дека Рубио бил „во право“, но во исто време покажа поголем оптимизам во врска со изгледите за постигнување договор.
На прашањето за временската рамка во која САД би можеле да се повлечат, Трамп одговори:
– Нема конкретен број на денови, но сакаме брзо да го завршиме. Ако, поради некоја причина, една од двете страни го отежни тоа многу, ние само ќе кажеме: „Вие сте глупави, вие сте глупави. Вие сте ужасни луѓе“ и едноставно ќе се откажеме. Но се надевам дека нема да мораме“, продолжи тој.
Трамп не сакаше да каже дали е подготвен целосно да ги напушти преговорите или дали ќе продолжи воено да ја поддржува Украина доколку преговорите не успеат.
На прашањето каков напредок би требало да види за да ги продолжи преговорите, Трамп рече дека „ќе мора да види ентузијазам за заклучок“ од двете страни, предвидувајќи дека ќе знае „наскоро“.
– Мислам дека имаме навистина добри шанси да го постигнеме тоа. „Сега сè завршува“, рече тој.
Претходно американскиот државен секретар Марко Рубио изјави дека ако не е можно да се стави крај на војната во Украина, Соединетите Американски Држави треба да се откажат од своите напори и да продолжат понатаму, според написите во светските медиуми.
Свет
Русија: Украинците подготвуваат крвава провокација во пресрет на Велигден

Украинските вооружени сили и специјалните служби подготвуваат провокација во пресрет на Велигден во Харковската област со цел да ги дискредитираат руските војници, тврди Виталиј Ганчев, шеф на сепаратистичката администрација на Харковската област.
„Според оперативните информации што ги добивме, украинската страна подготвува крвава провокација со цел да ја дискредитира Русија во пресрет на Велигден. Имајќи ги предвид горенаведените информации, ги повикувам сите сериозно да ја сфатат оваа изјава и, доколку е можно, да не ги напуштаат своите домови на 19 и 20 април и да не одат на празнични настани и места за масовно собирање на луѓе“, изјави Ганчев за ТАСС.
Според него, слични провокации се подготвуваат и во Дњепропетровската и Полтавската област.
Овој потег доаѓа откако украинскиот претседател Володимир Зеленски предупреди дека Русија подготвува нови напади врз енергетската инфраструктура на Украина пред и по Велигден, повикувајќи се на информации од украинските разузнавачки служби, пренесуваат светските медиуми.