Полските воздухопловни сили, заедно со сојузнички сили од НАТО, утрово беа ставени во состојба на највисока борбена готовност поради масовните руски воздушни напади врз Украина. Како што соопшти Оперативната команда на полскиот Генералштаб, воени авиони биле подигнати во воздух, а активирани биле и системите за противвоздушна одбрана и радарско следење.

„Во согласност со стандардните процедури, активирани се сите расположливи сили и ресурси за заштита на воздушниот простор на Полска“, се наведува во соопштението објавено на социјалната мрежа X.

Polish planes in the air after Russian attack

Poland and allies have sent planes on the wings after Russia launched airstrikes on Ukraine.

It informs the operational command of the Polish military early on Saturday morning, according to Reuters.

At X, the command writes that… pic.twitter.com/XgH5bYz8Ey

— benny 🇩🇰 🇫🇴 🇬🇱 🇪🇺 🇺🇦 (@benny0692698414) September 20, 2025

Руските сили утрово започнаа комбиниран напад врз неколку украински региони, користејќи крстосувачки ракети и дронови. Експлозии одекнале во Павлоград, Николаев и Днипро, каде што е потврдена и една жртва – лице кое загинало при напад на станбена зграда. Според украинските власти, најмалку 13 лица се повредени, а значителна материјална штета е пријавена и на приватни и деловни објекти.

⚡️Russia launches large-scale missile, drone attack targeting regions across Ukraine, including far-west.

Russia launched a large-scale missile and drone attack on Ukraine overnight on Sept. 20, targeting various regions in the country's far-west.https://t.co/ctONuIluVE

— The Kyiv Independent (@KyivIndependent) September 20, 2025

Регионалната воена администрација потврди напади и во околината на Киев, вклучително и во Буча, Бориспољ и Обухив, каде што се регистрирани уништени куќи, гаражи и возила.

По завршувањето на руските удари, полските и сојузничките сили се повлекоа, а сите системи се вратени во нормален режим на работа.

Во меѓувреме, украинската војска соопшти дека си вратила контрола над седум населени места во Доњецка област, при што напредувала за три до седум километри.

Според извештаи на Униан, Русија користела и ирански дронови „Шахед“ за директни напади врз урбани цели, што експертите го оценуваат како показател за недостаток на соодветна техника за прецизни воздушни операции.

Претседателот на Европскиот совет, Антонио Кошта, изјави дека лидерите на Европската унија ќе одржат состанок во Копенхаген на 1 октомври за да разговараат за колективен одговор на „новите руски воени провокации“, вклучувајќи го и влегувањето на три руски воени авиони во естонскиот воздушен простор.

– Нарушувањето на естонскиот воздушен простор од страна на три руски воени авиони е уште една неприфатлива провокација – изјави Кошта на X.

Како што истакна тој, ова уште еднаш ја нагласува итната потреба од зајакнување на источното крило на НАТО, продлабочување на европската одбранбена соработка и интензивирање на притисокот врз Русија.

– Ќе го разгледаме нашиот колективен одговор на постапките на Русија на неформалниот состанок на Европскиот совет во Копенхаген на 1 октомври – додаде Кошта.

Како што претходно објави порталот Err.ee, три руски борбени авиони МИГ-31 влегле во естонскиот воздушен простор во областа на островот Виндло без дозвола и останале во естонскиот воздушен простор речиси 12 минути.

Руското Министерство за одбрана објави, во врска со обвинувањата на Естонија дека три руски борбени авиони го нарушиле воздушниот простор на земјата, дека планираниот лет од Карелија до аеродромот во Калининградската област бил извршен во согласност со меѓународните прописи и не ги прекршил границите на други земји.

„На 19 септември годинава, три руски борбени авиони МиГ-31 го извршија планираниот лет од Карелија до аеродромот во Калининградската област. Летот беше извршен во строго почитување на меѓународните прописи за воздушен простор и не ги прекрши границите на други земји, што беше потврдено со објективно следење“, се вели во соопштението на руското министерство, пренесува РИА Новости.

Претходно, естонското Министерство за надворешни работи објави дека во петокот го поканило вршителот на должноста амбасадор на Русија да достави протестна нота во врска со наводното нарушување на естонскиот воздушен простор од страна на руски борбени авиони МиГ-31.

Естонската влада ја обвини Русија за нарушување на нејзиниот воздушен простор , поради што Естонија побара консултации во рамките на НАТО согласно член 4 од Вашингтонскиот договор.

НАТО објави дека ќе одржи итен состанок на почетокот на следната недела за да ја разгледа ситуацијата.