Свет
Заразен со коронавирус во Чикаго инфицирал 15 лица, прво бил на погреб, а потоа на роденденска забава
Жител на Чикаго бил на погреб за да им изрази сочувство на пријателите. Три дена подоцна бил на роденденска прослава со сопственото семејство и роднини.
Човекот, кој не бил свесен дека е заболен од Ковид-19, покренал синџир на пренесување на вирусот заразувајќи вкупно 15 лица, а тројца починале, објави американскиот Центар за контрола и превенција на болести (ЦДЦ).
Сè започнало кога примарниот носител на вирусот вечерта пред погребот бил да јаде со двајца пријатели, при што јаделе од заеднички порции нарачани за надвор.
За време на вечерата, што траеше околу три часа и погребот, кој траел околу два часа и на кој луѓето носеле своја храна од дома, примарниот носител изразил сочувство прегрнувајќи четири лица, меѓу кои и двајца со кои бил на јадење.
Во текот на следните два до шест дена три лица развиле симптоми на Ковид-19, меѓу кои и еден кој бил хоспитализиран и починал еден месец подоцна.
Другите двајца не завршиле во болница и закрепнале.
Пациентот, пред да почине, бил посетен на одделот за интензивна нега од страна на член на семејството, кој на погребот имал контакт со примарниот носител на вирусот.
Посетителот, кој не носел заштитна маска во болницата, подоцна развил кашлица и треска, но закрепнал.
Три дена по погребот, примарниот носител на вирус отишол на роденденска забава со девет члена на неговото семејство и бил во близок контакт со сите гости во наредните три часа.
Седуммина од нив добиле симптоми на Ковид-19 во рок од три до седум дена од роденденот. Двајца кои завршиле во болница поради сериозноста на болеста починале.
Две лица кои се грижеле за еден од двајцата починати, исто така, развиле симптоми на Ковид-19. Тоа бил член на семејството и професионален негувател кој немал врска со семејството.
Еден од членовите на семејството на примарниот носител веројатно заразил друг роднина кој не присуствувал на прославата на роденденот.
Тројца гости на роденденот кои имале симптоми, шестиот ден од почетокот на симптомите отишле во црквата, каде најверојатно заразиле еден здравствен работник, кој истовремено бил во црквата.
Тој здравствен професионалец седел близу нив и разговарал со нив околу 90 минути.
Според ЦДЦ, заразените биле на возраст меѓу пет и 86 години.
Во американската држава Илиноис, каде што Чикаго е најголемиот град, ограничувањата беа воведени на 21 март, како и во многу други делови на Соединетите Држави.
Овој случај е јасен пример за тоа колку е значајно придржувањето кон препораките за социјална оддалеченост и забрана на движење, посочува ЦДЦ, бидејќи е детално утврдено дека само едно лице заразило толку многу луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Зеленски: Русија се подготвува за нова офанзива, а не за крај на војната
Украинскиот претседател Володимир Зеленски предупреди дека руската војска не се подготвува да ја заврши војната, туку презема чекори што, како што вели тој, укажуваат на подготовки за нови офанзивни операции.
Во објава на социјалните мрежи, тој им се заблагодари на лидерите на ЕУ за нивната поддршка за независноста и територијалниот интегритет на Украина и нагласи дека единството на ставовите не смее да биде загрозено, повикувајќи ги партнерите дополнително да го зголемат притисокот врз Русија.
I am grateful to the leaders of Europe for their clear support of our independence, territorial integrity, and precisely such an active approach to diplomacy that can help end this war with a dignified peace.
Indeed, we all support President Trump’s determination, and together…
— Volodymyr Zelenskyy / Володимир Зеленський (@ZelenskyyUa) August 12, 2025
„Заедно разговараме за прашања што се однесуваат на безбедноста на Украина и Европа. Секоја одлука мора да придонесе за нашите заеднички безбедносни капацитети. И ако Русија одбие да го запре убивањето, таа мора да ја сноси одговорноста за тоа“, рече Зеленски.
Тој, исто така, го поддржа планот на американскиот претседател Доналд Трамп за одржување самит со рускиот претседател Владимир Путин. „Навистина, сите ја поддржуваме решителноста на претседателот Трамп и заедно мора да формираме ставови што нема да дозволат Русија повторно да го измами светот“, рече Зеленски.
Тој додаде дека сè додека војната и окупацијата продолжуваат, сите мора да продолжат со притисокот – преку воена сила, санкции и дипломатија. „Им благодарам на сите што помагаат. Мир преку сила“, заклучи украинскиот претседател.
фото: принтскрин
Регион
(Видео) Густ чад го обвива Петровац, сцените од плажата се морничави: Црна Гора сè уште се бори со пожарот
Црна Гора сè уште се бори со пожарот, иако ситуацијата во Чањ и во Буљарица се чинеше дека се смирува, утрово пожарите повторно се разгореа, а над Петровац беа снимени вознемирувачки сцени, кои сведочат за обемот на катастрофата. На социјалните мрежи се појави видео од познатата плажа во Петровац, која е обвиткана во густ чад.
View this post on Instagram
Од 11 август 2025 година Црна Гора се соочува со разорни шумски пожари на неколку локации. Најкритична ситуација е забележана помеѓу Буљарица и Чањ, каде што пожарот, предизвикан од запален автомобил на автопатот во местото Куфин, зафаќа густа вегетација и се шири со голема брзина под влијание на силни северни ветрови.
View this post on Instagram
Во Чањ избувна огромен пожар, а густ чад се ширеше и кон плажите. На утринските снимки може да се видат луѓе како седат под лежалки и чадори или дури и пливаат, а во задина се издига густ облак од чад.
Пожарот се проширил во Бар, а камерите покажаа драматични сцени од гаснење на пожарот од воздух над Буљарица.
фото: принтскрин
Свет
Орбан сам против ЕУ: Не ја потпишувам изјавата за поддршка за Украина
Унгарија е единствената членка на Европската Унија што не ја потпишала заедничката изјава за поддршка на Украина. Документот беше поддржан од преостанатите 26 членки на ЕУ, а во него се наведува дека Украина мора да учествува во одлучувањето за сопствената иднина.
Долго време Унгарија има затегнати односи и со Украина и со мнозинството членки на ЕУ и се смета за најблизок сојузник на Владимир Путин во Европа. Премиерот Виктор Орбан претходно предупреди дека приемот на Украина во ЕУ „веднаш ќе ја вовлече Унијата во директен конфликт“.
Утрово, тој ги наведе причините за тоа зошто не ја потпиша изјавата: „Оваа изјава се обидува да постави услови за состанок, на кој лидерите на ЕУ, дури и не се поканети“.
„Доволно е лошо што ЕУ е тргната настрана. Единственото нешто што би било полошо е ако почнеме да даваме инструкции од клупата“, напиша Орбан.
Тој додаде дека, според него, „единствениот разумен потег на лидерите на ЕУ е да иницираат самит ЕУ – Русија, моделиран според состанокот САД – Русија“.
Ова не е првпат Орбан да се спротивстави на заедничката позиција на ЕУ за Украина. Унгарија претходно го оспори воведувањето европски санкции против Русија пред на крајот да попушти и одби да потпише некои претходни декларации за поддршка на Украина.
Директорката на гимназијата во Демир Хисар на информативен разговор во полиција
Директорката на Гимназијата во Демир Хисар, Маја Лозановска, денеска се јави на информативен разговор во полициската станица во Демир Хисар....
(Видео) Пожари беснеат во Буљарица и Чањ, пожарникарите се борат со силниот ветер и густиот чад
Црна Гора за кусо време беше погодена од катастрофални пожари, од кои најкритични беа во Чањ, Буљарица и недалеку од...
Патот Брезница – Македонски Брод целосно затворен поради пожар
Поради пожар, утрово целосно е затворен за сообраќај патниот правец од Брезница, преку Националниот парк Јасен, до Македонски Брод. Според...
23,7 отсто од младите во земјата ниту учат ниту работат – „Хера“ со порака до кандидатите за градоначалници
Додека светот денес го слави 12 август – Меѓународниот ден на младите, младите луѓе во државата сè уште живеат во...
Обид за убиство во Виница: маж избоден четирипати пред угостителски објект
Вечерта на 7 август, пред угостителски објект во Виница, мирното место се претвори во сцена на насилство кога Н.В. (32)...
(Видео) Рекорден топлотен бран во Европа – во Италија почина четиригодишно дете
Во топлoтниот бран, кој вчера ја зафати Европа, едно дете почина од топлотен удар во Италија, шумските пожари се му...
Штедачите на Еуростандард банка: Пет години нема ниедно обвинение, ниеден обвинет, ниедно рочиште
Пет години по затворањето на „Еуростандард банка“, оштетените штедачи повторно јавно реагираат дека истрагата на Основното јавно обвинителство за гонење...
Трамп: Ќе се обидам да вратам дел од територијата на Украина, за танго се потребни двајца
Претседателот на САД, Доналд Трамп, изјави во Белата куќа дека неговата средба со Владимир Путин ќе биде „разговор за да...
(Видео) „Јадранскиот Титаник“ потонал пред 111 години: денес е атракција за нуркачите во близина на омиленото место на Тито
Некогаш најубавиот брод на австриската компанија Österreichischer Lloyd – елегантен, брз и луксузен – лежи веќе 111 години на дното...
Сончево и многу топло, максималната температура до 40 степени
Времето денеска ќе биде сончево и многу топло. Ќе дува слаб до умерен ветер од југоисточен правец. Минималната температура ќе...
Се’ уште гори кај Јасен, активни пожари на четири локации низ Македонија
Денес до 18 часот се регистрирани вкупно 10 пожари на отворен простор. Од нив, четири се активни и моментално се...
Најмногу туристи ни дојдоа од Турција во јуни
Според податоците од Државниот завод за статистика, во јуни годинава во земјата биле регистрирани вкупно 126.415 туристи, од кои 20,1...
Стоматолошката комора тврди – нема неправилности, Министерството за здравство ја брани одлуката за преземање на лиценцирањето
Претседателот на Стоматолошката комора, Маријан Денковски, на прес-конференција изјави дека повеќекратните контролни надзори не откриле неправилности во работењето на Комората....
Почувствуван земјотрес во Битола и околината
Телеметриската сеизмолошка мрежа на Република Северна Македонија, на сеизмолошките станици инсталирани на нашата територија, одржувани од Сеизмолошката опсерваторија при Природно-математичкиот...
Се намалуваат цените на дизелот и на бензините
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука...
Мицкоски за изјавите дека УЧК имала праведна борба: Не може убиства од заседа да се праведна борба, нека не се игра на картите на ДУИ за поделби
Претседателот на Владата, Христијан Мицкоски во текот на денешната посета на општина Петровец, на новинарско прашање беше запрашан за коментар...
(Видео) „Началникот од Демир Хисар, кој недолично се однесувал кон друго лице, веќе е разрешен, нема штитење поединци“, вели Манасиевски
„Моралот и принципите се спроведуваат на дело. Нема веќе штитење на поединци затоа што биле блиски до една, друга или...
(Фото) Пожарот во атарот на селото Долно Дупени ставен под целосна контрола
Пожарот во атарот на село Долно Дупени, во близина на Преспанско езеро, со дејство на екипи на ТППЕ Ресен и...
(Видео) Обвинителство да поведе кривична постапка за началникот на Тошковски и да ја прошири истрагата, бара СДСМ
„Пред Основното јавно обвинителство, СДСМ бара отворање на кривична постапка против началникот на ОВР Демир Хисар, Роберт Мартиноски и проширување...
Невидена партизација во тек, единствениот пат до вработување е или преку партија или преку граница, велат од СДСМ
„Во државата на ДПМНЕ, нема институција која не е подложена на груба партизација пред изборите. МНАВ, Министерството за одбрана и...
