Свет
МААЕ: Нема зголемување на нивото на зрачење по нападот врз иранскиот нуклеарен реактор

Меѓународната агенција за атомска енергија (МААЕ) објави дека нема зголемување на нивото на зрачење во нуклеарниот објект Натанц, кој беше цел на израелскиот напад, повикувајќи се на информации доставени од иранските власти.
Меѓународната агенција за атомска енергија, исто така, додаде дека иранската нуклеарна централа Бушер не беше цел на нападот.
Израел рано наутро започна напади врз Иран, насочени кон нуклеарни постројки, фабрики за ракети и воени команданти, а иранските медиуми и сведоци известуваат за експлозии, вклучително и во главниот погон за збогатување ураниум во земјата во Натанц.
Нарекувајќи го „дефинирачки момент во израелската историја“, израелскиот премиер Бенјамин Нетанјаху рече дека земјата ги таргетира и иранските нуклеарни научници, во операција што ќе трае со денови.
Иран, кој вети одмазда, долго време тврди дека неговите активности се поврзани со неговата мирна нуклеарна програма.
Израел прогласи вонредна состојба во очекување на иранска одмазда со ракетни и беспилотни летала напади.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Израел ги повика жителите на Газа да бегат кон југ пред офанзивата

Израелската армија утрово издаде итен апел до палестинските цивили во Газа да се евакуираат кон југ на градот, со цел да се заштитат додека израелските сили ги засилуваат своите напади за освојување на преостанатите упоришта на милитантната група Хамас.
„Ги повикуваме цивилите да ги напуштат зоните на конфликт и да се движат кон безбедните региони на југ. Ова е неопходно за нивната заштита“, се наведува во соопштението на израелската армија.
Покрај тоа, армијата објави воспоставување на нови хуманитарни зони во Кан Јунис, кои ќе вклучуваат теренски болници, водна инфраструктура, шатори, храна, лекови и медицинска опрема. Овие зони ќе се координираат преку „COGAT“ со Обединетите нации и други меѓународни организации, со цел да се минимизираат последиците врз цивилното население.
„Нашата цел е да се обезбеди минимален човечки ризик за цивилите додека ги продолжуваме воените операции против Хамас“, изјавија од израелската армија.
Според извештаите, ситуацијата во Газа останува напната, со значителни опасности за цивилите, додека офанзивата се интензивира и се очекува да продолжи во наредните денови.
Свет
Трамп размислува за воени напади врз нарко-картелите во Венецуела, Мадуро најави вооружена борба

Американскиот претседател Доналд Трамп ја разгледува можноста за извршување воени напади насочени кон нарко-картели што дејствуваат во Венецуела.
Си-Ен-Ен, повикувајќи се на повеќе извори, објави дека тоа вклучува можни напади во самата земја.
Претседателот на Венецуела, Николас Мадуро, синоќа изјави дека Каракас е подготвен да премине од „политичка фаза“ во „фаза на вооружена борба“ во случај на напад од страна на САД, во услови на ескалација на тензиите меѓу двете земји, јави ДПА.
„Моментално сме во политичка фаза. Но, ако Венецуела биде нападната на кој било начин, ќе преминеме во фаза на вооружена борба“, рече Мадуро во коментарите емитувани на венецуелската државна телевизија.
Свет
Трамп: Америка нема само да се брани, туку ќе оди во војна

Американскиот претседател Доналд Трамп потпиша извршна наредба со која Министерството за одбрана на земјата се преименува во Министерство за војна, потег што го најавуваше долго време.
„Тоа е многу посоодветно име, особено имајќи предвид каде се наоѓа светот во моментов. Решивме да се ‘разбудиме’ и да го промениме името на Министерството за одбрана. Значи, се префрламе во Министерство за војна“, рече Трамп при потпишувањето на наредбата во Овалната соба на Белата куќа.
Шефот на Пентагон, Пит Хегсет, кој разговараше со новинарите заедно со Трамп, рече дека САД „не добиле голема војна“ откако Министерството за војна беше преименувано во Министерство за одбрана.
„Одиме во напад, не само во одбрана“, рече Хегсет.
Трамп објави дека се одлучил за друг град во САД каде што планира да распореди војници на Националната гарда за да помогнат во борбата против криминалот. Зборувајќи со новинарите во Овалната соба на Белата куќа, Трамп одби да го именува градот за кој станува збор.
Во последните недели, тој го покрена прашањето за испраќање трупи во неколку градови предводени од демократите, вклучувајќи ги Балтимор, Чикаго и Њу Орлеанс, како дел од поширока иницијатива за воспоставување ред и мир.