Свет
Маж од Индија и’ ја отсекол главата на сопругата затоа што и’ требало предолго да му подготви чај
Маж од Индија во напад на бес ја отсекол главата на својата сопруга бидејќи и требало премногу време да му свари чај.
Осомничениот (52), идентификуван само како Дарамвеер, вчераутро со меч ја убил својата сопруга Сундари (50) во нивниот дом во селото Фаљагад, во индиската држава Утар Прадеш.
Локалните медиуми јавуваат дека тој прво ја избодел 15 пати со меч, а потоа и ја отсекол главата. Началникот на локалната полиција Вивек Јадав вели дека причината за насилниот напад на гнев е тоа што Сундари не му донела чај на време. Дарамвир се разбудил околу 6 часот наутро неколку минути откако неговата сопруга веќе почнала да подготвува топол пијалок, и веднаш ја прашал каде е чајот.
„Кога Сундари му кажала дека ќе и требаат уште десет минути, 52-годишниот маж се налутил, тргнал по меч и ја нападнал сопругата додека била покрај шпоретот. За тоа време нивните четири деца спиеле во собата“, рекол Јадав, а пренесува Дејли Меил.
Нивниот син ги слушнал врисоците и побрзал да види што се случува. Ја пронашол мајка си облеана во крв. Кога децата се обиделе да и помогнат, Дарамвеер наводно ги нападнал и нив, предизвикувајќи да избегаат во собата. Вресоци слушнале и соседите, кои притрчале кон куќата на 52-годишниот и ја нашле Сундари мртва. Тие повикале полиција, која веднаш го уапсила Дарамвеер. Истрагата е во тек.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Хеликоптер ги извлекува пожарникарите од надојдената вода: драматична снимка од Чешка
Чешки „Блеск“ објави драматично видео од четворица доброволци пожарникари од Крнов.
Тие отишле да им помогнат на жителите погодени од поплавите, но и самите заглавиле во поројот.
Takhle vypadala záchrana čtyř dobrovolných hasičů z Krnova, kteří při záchraně osob ze zatopených obydlí divokou vodou potřebovali sami pomoc. Zachraňovali je i @HZS_STC. Pomáhají totiž i mimo hranice Středočeského kraje. S @HasiciPraha se pravidelně střídají ve vrtulníkové… pic.twitter.com/aQf07urx2b
— Petra Pecková (@PPeckova) September 16, 2024
На објавеното видео се гледа како хеликоптер ги извлекува пожарникарите, чие возило е целосно опколено со вода.
Европа
Силен земјотрес во Романија
Околу 17:40 часот земјотрес со јачина од 5,2 степени според Рихтеровата скала ја погоди Романија, јави ЕМСЦ.
Земјотресот се случил на 62 километри северозападно од Бузау и на длабочина од 137 километри под епицентарот во близина на Бузау.
#Earthquake (#cutremur) possibly felt 19 sec ago in #Romania. Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/7MbYZOb2L7— EMSC (@LastQuake) September 16, 2024
Сеизмичките прелиминарни податоци покажуваат дека земјотресот не требало да предизвика значителна штета, но веројатно многумина го почувствувале како лесна вибрација во подрачјето на епицентарот.
Свет
Трамп ги обвини Бајден и Харис за обидот за атентат: Тие се вистинска закана
Поранешниот американски претседател Доналд Трамп денеска ги обвини сегашниот претседател Џо Бајден и потпретседателката Камала Харис за вториот обид за атентат во неговиот голф клуб во Флорида.
За време на интервју за Fox News Digital, Трамп рече дека осомничениот верувал во изјавите на Бајден и Харис и постапил според нив. „Тие пукаат во мене поради нивната реторика. Кога јас сум тој што ќе ја спаси земјата, а тие се оние кои ја уништуваат – и одвнатре и однадвор“, рече тој.
Тој алудираше на коментарите на Бајден и Харис дека Трамп е закана за демократијата.
„Тоа се луѓе кои сакаат да ја уништат нашата земја. Бајден и Харис се вистинска закана. Тие користат запаливи изјави. И јас би можел да го сторам тоа, многу подобро од нив, но не го правам тоа“, рече Трамп.