Свет
Македонија нема да испраќа војници во Украина

Северна Македонија во овој момент не е подготвена да испрати војници во Украина како дел од воена мировна мисија која ќе го гарантира мирот во земјата. Според извори во МНР, одлуката е донесена бидејќи како земја-членка на НАТО, Македонија не смее да дозволи каков било безбедносен вакуум од регионална гледна точка, пренесе „Дојче Веле“.
Фокусот на земјата во следниот период мора да биде на регионот и на источното и јужното крило на НАТО. Допрва ќе се одлучува и дали ќе продолжи воената помош којашто земјата и ја дава на Украина, за одбрана од руската агресија.
Државната позиција е дека Русија спровела воена агресија врз Украина, но истовремено во МНР сметаат дека е дојдено време за дипломатија и за мир и оти принципиелно ќе поддржуваат секоја иницијатива што е насочена кон изнаоѓање на мир.
Според извори од МНР, правецот на македонската надворешна политика е јасен – стратешко партнерство со САД, членството во НАТО и останување на патот кон неостварената стратешка цел – полноправното членство со Европската Унија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Се активираше вулкан на Филипините, пепелта се издигна на околу 4.000 метри: постои ризик од опасна ерупција

Продолжува ерупцијата на вулканот Канлаон во централниот дел на Филипините, а колоната од пепел се издигна на околу 4.000 метри височина, соопшти националната сеизмолошка агенција.
Филипинскиот институт за вулканологија и сеизмологија (Фиволкс) соопшти дека третото ниво на тревога останува во сила за областа околу планината Канлаон, објави Ројтерс.
Ниво 3, на скала од 5, значи дека постои зголемен ризик од текови на лава и ризик од опасна ерупција во следните неколку недели.
Планината Канлаон, активен вулкан лоциран помеѓу провинциите Негрос Оксидентал и Негрос Ориентал во централниот дел на Филипините, е еден од дваесетте активни вулкани во земјата.
Свет
Би-би-си: Кина не попушта пред заканите на Трамп, постојат неколку добри причини за ова

Како што пишува Би-би-си во својата анализа, Пекинг јасно става до знаење дека нема да отстапи пред најновите трговски притисоци на американскиот претседател Доналд Трамп.
Кинеското Министерство за трговија соопшти дека секој нов бран на американски царини ќе предизвика дополнителни кинески контрамерки насочени кон американските стоки. Во писмената изјава тие ја обвинија администрацијата на Трамп за „уцена“, предупредувајќи: „Ако САД истраат на овој пат, Кина ќе се бори до крај“.
Би-Би-Си истакнува дека Кина реагирала особено остро на тврдењето на Трамп дека неговите царини се „реципрочни“, нарекувајќи ги „неосновани“ и „типично еднострано насилничко однесување“.
Анализата заклучува дека е тешко да се поверува дека Трамп навистина очекувал Кина да ги повлече минатонеделните контрамерки само затоа што најавил нови. Освен што ќе го изгуби образот, не се очекува и кинеската влада, која сега отворено го нарекува американскиот претседател насилник, да попушти пред таква личност.
Според Би-би-си, Пекинг, со својот цврст став кон трговскиот хаос поттикнат од Вашингтон, може да смета на поширока политичка поддршка од меѓународната заедница, но и на нови трговски можности надвор од САД кои барем делумно би ги надоместиле загубите на американскиот пазар.
Но, аналитичарите предупредуваат дека ова не е поволен момент за трговска војна. Кинеската економија е под притисок, со слаба домашна потрошувачка, долготрајна криза во секторот на недвижности и висока невработеност кај младите.
Сега Кина се соочува со дополнителен ризик: можен колапс во трговијата со втората по големина економија во светот.
Како што пренесува Би-Би-Си, Комунистичката партија одлучила, и покрај се, да испрати сигурна порака до граѓаните. Во редакцијата во „Пиплс дејли“, официјалниот весник на партијата, се вели: „Кина има храброст и самодоверба да се соочи со последиците… таа е целосно способна да одговори на овој предизвик“.
Свет
Трамп оди систематски: Никогаш не сум се чувствувал подобро

Американскиот претседател Доналд Трамп синоќа објави дека во петок ќе го има својот годишен преглед во медицинскиот центар Волтер Рид во Мериленд.
„Никогаш не сум се чувствувал подобро, но сепак, мора да се направи!“, напиша 78-годишниот Трамп во објава на платформата Truth Social.