Свет
Малала Јусафзаи по шест години во родниот Пакистан

Добитничката на Нобелова награда за мир Малала Јусафзаи допатува во родниот Пакистан, кој го напушти пред шест години, кога беше ранета во напад на талибанците. Пакистанската телевизија „Гео“ објави снимки од Јусафзаи на меѓународниот аеродром во Исламабад, како во придружба на родителите влегува во автомобил кој од безбедносни причини го следи конвој од 15 возила.
Малала би требало да се сретне со пакистанскиот премиер Шахид Хакан Абаси на церемонија во неговиот кабинет. Повикувајќи се на локалните медиуми, „Ројтерс“ наведува дека е малку веројатно дека таа ќе ја посети областа Сват, каде што некогаш живеела, поради безбедносни причини.
Јусафзаи во 2014 година на свои 17 години доби Нобелова награда за мир поради нејзините залагања за образование на девојчињата во Пакистан и стана најмладиот лауреат во историјата.
Сега има 20 години, а првпат дошла во Пакистан во 2012 година, кога маскирани вооружени напаѓачи го застанале автобусот со кој таа се враќала дома и ѝ пукале во главата. Одговорност за нападот презедоа талибанците.
Минатата недела Јусафзаи, која сега живее во Велика Британија, на Твитер објави дека ѝ недостига татковината.
Судот во Пакистан кон крајот на 2015 година осуди 10 талибанци на доживотна казна затвор поради вооружен напад над активистката Малала. Таа во многу конзервативни делови на Пакистан го афирмираше правото на образование на жената, што беше и причина за атентат, кога во октомври во 2012 година беше погодена со куршум во главата. Во нападот беа повредени уште две девојчиња.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Невреме во Црна Гора: Сè беше забелено

Невремето што денес ја погоди околината на Колашин во Црна Гора донесе неочекувани сцени за првиот дел од август, сè е покриено како со бела покривка, пишуваат медиумите во регионот.
Сепак, според написите, не станува збор за снег, туку за град што падна низ целата област.
Според проценките, на некои места слојот на град достигнува и до 15 сантиметри.
Овој августовски пејзаж е вистинска реткост во овој дел и не се памети во поновата историја, пренесуваат медиумите.
Дел од скијачките патеки исто така беше покриен со град, а невремето предизвика значителни штети на планинските патишта, што претставува дополнителен предизвик за локалните жители и туристите.
Фото: принтскрин
Свет
Орбан: Не ја признаваме пресудата против Додик

Унгарија не ја признава конечната пресуда на Апелациониот совет на Судот на Босна и Херцеговина, со која беше потврдена првостепената одлука од февруари оваа година, објави премиерот на таа земја, Виктор Орбан.
„Унгарија не ја признава судската пресуда против претседателот Милорад Додик. Обидите на супервизорите назначени од ЕУ да го отстранат поради спротивставување на нивната глобалистичка агенда се неприфатливи. Тој е легитимен, избран лидер на Република Српска – ние цврсто се спротивставуваме на мешањето на Брисел во суверените прашања. Ништо не може да биде над волјата на народот“, напиша Орбан на социјалната мрежа Икс.
Медиумите во регионот потсетуваат дека Апелациониот оддел на Судот на Босна и Херцеговина во петокот ја потврди првостепената пресуда против претседателот на Република Српска, Милорад Додик, со која тој беше осуден на една година затвор и шестгодишна забрана за политичка активност поради непочитување на одлуките на Кристијан Шмит.
Свет
(Видео) Пукање во Лос Анџелес: има загинати и повредени

Најмалку две лица се убиени, а шест се ранети денес во пукање за време на забава по музички фестивал во центарот на Лос Анџелес, објавија властите.
Полицијата изјави дека едно лице осомничено за пукањето е уапсено.
LOS ANGELES MASS SHOOTING: Mass shooting after Hard Summer Music Festival afterparty in Inglewood, LA. 2 killed, 6 injured. pic.twitter.com/Rgra9sY59O
— Breaking911 (@Breaking911) August 4, 2025
Забавата беше промовирана на социјалните мрежи како неофицијална забава по фестивалот „Hard Summer”, викенд фестивал на техно музика што се одржува во Холивуд Парк, објави АП.
Нема информации за мотивот на нападот.
Полицијата објави дека отворила истрага.