Свет
Малтешки политичар го пофали Салвини за стопирањето на организираниот криминал со масовната миграција
Локалниот советник од Малта, Жустин Шембри, го пофали италијанскиот министер за внатрешни работи, Матео Салвини, кој ѝ се спротивстави на Европската Унија за миграциското прашање, не дозволувајќи неговата земја да биде соучесник во бранот на организиран криминал што се случува во Средоземното Море, пренесува „Брејтбарт“.
Споменувајќи го повтореното ветување на Салвини дека сè додека е тој на функција, никој нема да влезе во Италија без дозвола, Шембри рече дека посакува лидерите на неговата земја да го следат Италијанецот.
„Имате политичар што е подготвен да истапи и да го брани она во што верува и тоа треба да се цени. Во минатото, големите лидери на нашата земја исто така истапуваа и ја бранеа Малта во согласност со тоа во што веруваа, и така треба да биде“, напиша Шембри во објавата на „Фејсбук“.
Член на Националистичката партија на Малта (ПН), Шембри, рече дека и покрај емотивното негодување против него, Салвини се однесува како што треба да се однесува секој политичар.
„Можеби многумина го нарекуваат Салвинирасист, но тој е веројатно разумен човек затоа што сака да го запре овој планиран шверц и истовремено да не дозволи неговата земја да биде соучесник во овој бран организиран криминал“, рече Шембри.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Господине Трамп, најдете си живот – Бајден лут поради коментарите на експретседателот за ураганот на Флорида
Американскиот претседател, Џо Бајден, одржа брифинг за новинарите за ураганот Милтон.
Тој рече дека обновата на погодената област ќе чини неколку милијарди долари и ќе трае долго.
Американскиот претседател се осврна и на коментарите на експретседателот на САД, Доналд Трамп, кој рече дека погодените од ураганот ќе добијат само 750 долари помош, нарекувајќи ги „бизарни“.
Запрашан дали разговарал со Трамп, Бајден одговори: „Се шегуваш?“, а потоа му понуди совет на републиканскиот претседателски кандидат.
„Господине Трамп, најдете си живот за себе. Помогнете им на овие луѓе“, изјави Бајден од Вашингтон.
Свет
Расте бројот на мртви од ураганот на Флорида
Бројот на загинати во ураганот на Флорида, САД, се искачи на 11 лица, јавува „Ен-би-си њуз“.
Последната жртва е возач на автомобил врз којшто паднало дрво во округот Цитрус.
Претходно, два смртни случаи беа пријавени во округот Пинелас, три во округот Волузија и пет во округот Сент Луси, од кои четири беа предизвикани од торнада.
Регион
Вучиќ го пречека Ердоган на аеродромот: „Добредојдовте во Србија, драг пријателe“
Претседателот на Србија, Александар Вучиќ, вечерва на аеродромот Никола Тесла го пречека претседателот на Турција, Реџеп Таип Ердоган.
Според програмата на посетата, в петок во 11 часот ќе се одржи церемонија на пречек пред палатата „Србија“, по што ќе следи средба на двајцата претседатели, јавуваат српските медиуми.
Потоа ќе се одржи четвртата седница на Високиот совет за соработка меѓу Република Србија и Република Турција, предводена од двајцата претседатели.
„Добредојдевте во Србија драг пријателe. Вашата возвратна посета е уште една можност за дополнително зајакнување на нашите пријателски односи и соработка. Верувам дека за време на вашиот престој во Белград ќе работиме заедно на подобрување на економските, културните и политичките врски меѓу нашите земји“, му порача претседателот Вучиќ на турскиот колега по пристигнувањето во Белград.
View this post on Instagram
Вучиќ и Ердоган ќе присуствуваат и на бизнис форум.