Свет
Маск го избриша статусот за атентат на Бајден и Харис: „Тоа беше шега“

Американската тајна служба соопшти дека е запознаена со објавата на Илон Маск на социјалните мрежи во која тој рече дека „никој не се ни обидува“ да го убие претседателот Џо Бајден или потпретседателката Камала Харис, јавува Би-би-си.
Маск во меѓувреме ја избриша објавата и рече дека било шега.
Неговата објава на „Икс“, дојде само неколку часа по обидот за атентат врз Доналд Трамп на теренот за голф во Флорида. Трамп вети дека ќе го постави Маск на чело на „комисијата за владина ефикасност“ доколку добие втор мандат.
Голем број корисници на „Икс“ ја критикуваа изјавата на Маск, а некои тврдеа дека објавата претставува поттик против американскиот претседател и потпретседател.
Во соопштението, Белата куќа го осуди објавувањето и го нарече „неодговорна реторика“.
Насилството не треба да се поддржува, охрабрува или да се шегува со тоа“, се вели во соопштението. „Не смее да има место за политичко и какво било друго насилство во нашата земја“, нагласи Белата куќа.
Американската тајна служба изјави за Би-би-си дека знаела за објавата. Тие рекоа дека не коментираат за вакви случаи, а Тајната служба ги истражува сите закани поврзани со заштитени лица.
Well, one lesson I’ve learned is that just because I say something to a group and they laugh doesn’t mean it’s going to be all that hilarious as a post on 𝕏
— Elon Musk (@elonmusk) September 16, 2024
„Лекцијата што ја научив е дека ако им кажам нешто на група луѓе, а тие се смеат, тоа не значи дека шегата ќе биде исто толку смешна кога ќе биде објавена на Икс“, напиша Маск по бришењето на првиот статус.
Turns out that jokes are WAY less funny if people don’t know the context and the delivery is plain text
— Elon Musk (@elonmusk) September 16, 2024
„Излегува дека шегите се многу помалку смешни ако луѓето не го знаат контекстот и ако е напишана“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Растат тензиите помеѓу Франција и Алжир, Макрон сака да го поништи договорот од 2013 година

Францускиот претседател, Емануел Макрон, го почна процесот на укинување на визните ослободувања за алжирските службеници и дипломати, што е една од најзначајните ескалации во дипломатскиот спор меѓу двете земји.
Макрон побара од својот премиер и министер за надворешни работи да го поништат договорот од 2013 година што им овозможува на Алжирците со дипломатски или службен пасош да влезат во Франција без виза и да останат до 90 дена.
Францускиот министер за надворешни работи, Жан-Ноел Баро, претходно објави планови за протерување на алжирските дипломати без важечки визи како одговор на протерувањето на француските државни службеници од Алжир.
Франција и Алжир имаат сложен однос откако северноафриканската земја стекна независност по повеќе од еден век брутална француска окупација. Тензиите кулминираа минатата година кога Париз го призна суверенитетот на Мароко над Западна Сахара, согласувајќи се со Шпанија, САД и други.
Западна Сахара е претежно контролирана од Мароко, но суверенитетот на Рабат над таа територија не е меѓународно признат. Алжир безусловно го поддржува и е домаќин на седиштето на просахарскиот ослободителен фронт Полисарио.
Дополнително, Франција тврди дека двајца нејзини граѓани, француско-алжирскиот автор Буалем Сансал и новинарот Кристоф Глез, се затворени во алжирските затвори без причина.
Сансал беше осуден на пет години затвор за поткопување на националното единство откако изрази поддршка за Мароко во територијалниот спор со Алжир во интервју за француски онлајн медиум и рече дека само „мали места без историја“ ќе завршат колонизирани.
Глез беше осуден на седум години за „застапување на тероризам“ откако интервјуираше лидери на фудбалски клубови кои исто така имаа улоги во сепаратистички движења во Алжир.
Како одговор на објавата на Макрон, алжирското Министерство за надворешни работи изјави дека Париз инсистирал на договорот за укинување на визите и дека Алжир со задоволство ќе ја искористи „можноста едноставно и јасно да го објави своето повлекување од овој договор“.
„Од избувнувањето на оваа криза, која беше предизвикана од Франција, Французите се одлучија за пристап на сила и ескалација. Тие прибегнаа кон закани, ултиматуми и диктати, игнорирајќи го фактот дека Алжир не е предмет на никаква форма на притисок, принуда или уцена, без оглед на нивниот извор или природа“, изјави министерството.
Макрон се обиде да ги одржи дипломатските односи со Алжир и повика на деескалација, но се чини дека тоа сега се менува. „Немаме друг избор освен да заземеме построг пристап“, изјави Макрон за десничарскиот весник „Ле Фигаро“.
Односите со Алжир се исто така жешка тема за францускиот претседател на внатрешен фронт. Алжирците ја сочинуваат најголемата имигрантска заедница во Франција, а милиони француски граѓани се од алжирско потекло.
Свет
Јапонците бесни поради царините на Трамп, бараат итно објаснување

Главниот преговарач за тарифи на Јапонија, Рјосеи Аказава, силно ги повика САД да ја ревидираат наредбата за тарифи на претседателот на состанокот со високи американски претставници во Вашингтон, соопшти јапонската влада.
Јапонија бара објаснувања бидејќи недостатокот на писмена потврда за договорот со САД доведе до забуна околу тоа дали тарифите наметнати од американскиот претседател Доналд Трамп, кои стапија во сила во четвртокот, ќе бидат додадени на постојните.
Аказава разговараше три часа со министерот за трговија Хауард Лутник и половина час со министерот за финансии Скот Бесент, објави јапонската влада. На состаноците, Аказава, исто така, побара САД да издадат претседателски декрет за намалување на тарифите за увоз на јапонски автомобили.
Според договорот постигнат минатиот месец, САД се согласија да ги намалат царините за увоз на јапонски автомобили од 27,5 проценти на 15 проценти, но не поставија рок. „Јапонија ќе остане во тесна комуникација со САД на различни нивоа“, соопшти јапонската влада без да го прецизира одговорот на САД на нејзините најнови барања.
Свет
Реакција од фон дер Лајен за средбата Путин – Трамп

Претседателката на Европската комисија, Урсула фон дер Лајен, објави дека денес разговарала со украинскиот претседател Володимир Зеленски.
„Разговаравме за настаните од изминатите неколку дена и следните чекори кон мировен договор, членството на Украина во Европската Унија и обновата на земјата“, рече таа.
„Ставот на Европа е јасен – ние целосно ја поддржуваме Украина и ќе продолжиме да играме активна улога во обезбедувањето праведен и траен мир“, додаде фон дер Лајен.
Таа не учествуваше во вчерашниот телефонски разговор меѓу американскиот претседател Доналд Трамп и Зеленски и лидерите на неколку клучни европски земји, вклучувајќи ги лидерите на Германија, Полска и Италија.
Денес беше потврдено и дека во следните денови ќе се одржи средба меѓу Трамп и рускиот претседател Владимир Путин. Кремљ вели дека подготовките се во тек, а Путин рече дека Обединетите Арапски Емирати би можеле да бидат едно од можните места за самитот.