Свет
Маск жестоко го нападна законот на Трамп: „Ќе изгубат, дури и ако ми е последно“
По објавувањето на неговото повлекување од политичкиот свет, милијардерот и основач на Тесла, Илон Маск, речиси веднаш се врати во центарот на вниманието на американскиот политички свет.
Додека американскиот Сенат вчера дебатираше за „Големиот прекрасен закон“ (One Big Beautiful Bill Act) на Трамп пред конечното гласање, Маск издаде неколку остри предупредувања и закани преку својата социјална мрежа Икс.
„Големиот прекрасен закон“ на Трамп е клучна законска иницијатива на неговата администрација, насочена кон големи даночни олеснувања и намалувања во социјалните програми.
Законот предвидува трајно продолжување на намалувањата на даноците од 2017 година, елиминирање на даноците за бакшиш и прекувремена работа и зголемување на одбитоци за постарите граѓани. Во исто време, ги заострува условите за користење на социјални програми како што се Медикејд и СНАП и ги намалува стимулациите за зелена енергија и електрични возила.
Иако Трамп тврди дека законот ќе го поттикне економскиот раст, независните проценки предупредуваат дека тој би можел да го зголеми националниот долг за повеќе од 3,3 билиони долари во следната деценија. Законот предизвика длабоки политички поделби околу неговото фаворизирање на богатите и намалувањата на социјалното осигурување.
Маск напиша неколку објави на Икс за време на дебатата за новиот закон, а во еден дури се закани дека конгресмените ќе изгубат во предизборната трка следната година.
„Секој член на Конгресот кој водеше кампања за намалување на владините трошоци, а потоа веднаш гласаше за најголемото зголемување на долгот во историјата, треба да се срами од себе! И ќе ја изгубат предизборната трка следната година, дури и ако тоа е последното нешто што го правам во мојот живот“, напиша тој.
Every member of Congress who campaigned on reducing government spending and then immediately voted for the biggest debt increase in history should hang their head in shame!
And they will lose their primary next year if it is the last thing I do on this Earth.
— Elon Musk (@elonmusk) June 30, 2025
Неколку часа подоцна, тој отиде уште подалеку, објавувајќи на Икс дека ако „лудиот закон за трошење биде усвоен, партијата на Америка ќе биде основана веќе следниот ден“.
If this insane spending bill passes, the America Party will be formed the next day.
Our country needs an alternative to the Democrat-Republican uniparty so that the people actually have a VOICE.
— Elon Musk (@elonmusk) June 30, 2025
„На нашата земја ѝ е потребна алтернатива на демократско-републиканската еднопартиска влада за народот конечно да може да има ГЛАС“, напиша тој.
Маск со недели беше жестоко критичен кон предлог-законот на Трамп, што доведе до многу јавна и жестока конфронтација со Трамп претходно овој месец. Во серија објави на Икс пред неколку недели, Маск предложи формирање нова политичка партија.
It is obvious with the insane spending of this bill, which increases the debt ceiling by a record FIVE TRILLION DOLLARS that we live in a one-party country – the PORKY PIG PARTY!!
Time for a new political party that actually cares about the people.
— Elon Musk (@elonmusk) June 30, 2025
Таа сугестија повторно се појави вчера, кога Маск рече: „Јасно е дека со ова лудо трошење, кое го зголемува плафонот на долгот за рекордни пет билиони долари, живееме во еднопартиска држава! Време е за нова политичка партија на која навистина ѝ е грижа за народот“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп за апсењето на Ендрју: „Мислам дека тоа е срамота, многу е тажно“
Американскиот претседател Доналд Трамп го коментираше апсењето на Ендрју Маунтбатен-Виндзор, оценувајќи дека станува збор за срамота за британското кралско семејство.
„Мислам дека тоа е срамота. Многу е тажно. Тоа е толку лошо за кралското семејство. Навистина ми е многу, многу тажно“, изјави Трамп.
Тој изрази жалење и за последиците што случајот може да ги има врз кралот Чарлс III, за кого рече дека е фантастичен човек и дека наскоро треба да ги посети САД.
На прашање дали слични апсења може да се случат и во САД, Трамп избегна директен одговор и повтори дека е целосно ослободен од каква било вина поврзана со случајот на Џефри Епстин.
„Јас сум на некој начин експерт за тоа бидејќи сум целосно ослободен од обвиненијата“, рече Трамп, додавајќи дека аферата била искористена за да му се нанесе политичка штета.
Свет
Поранешниот принц, Ендрју, пуштен од полициски притвор, но и натаму под истрага
Ендрју Маунтбатен-Виндзор е ослободен од полициски притвор по неговото апсење под сомнение за злоупотреба на јавната функција.
Поранешниот принц беше приведен од полицајците за време на рација во 8 часот наутро во неговиот нов дом во Вуд Фарм, на имотот Сандрингем, објави „Дејли Меил“.
Полицијата појасни дека истрагата против Ендрју е во тек, иако тој е ослободен.
Поранешниот војвода од Јорк беше уапсен во врска со наводите дека му пренел чувствителни информации на осудениот финансиер и педофил, Џефри Епстин додека дејствувал како трговски претставник на британската влада.
Братот на Ендрју, кралот Чарлс III, не бил однапред предупреден за апсењето, се дозна денес. Тој изјави дека „законот мора да се почитува“ и повика на „фер судење“.
Свет
(Видео) Трамп за претседателот на Парагвај: Млад и згоден, но јас сакам жени
Денеска беше одржан првиот состанок на Одборот за мир на Доналд Трамп, на кој говореше и американскиот претседател. Покрај заканите упатени до Иран и планот за Газа, тој го коментираше и физичкиот изглед на 47-годишниот претседател на Парагвај, Сантијаго Пења.
„Млад, згоден човек. Секогаш е убаво да се биде млад и згоден. Тоа не значи дека мора да го сакаме. Не сакам млади, згодни мажи. Сакам жени. Мажите воопшто не ме интересираат“, рече Трамп.
Trump: Young, handsome guy. Always nice to be young and handsome. Doesn’t mean we have to like you. I don’t like young, handsome men. Women I like. Men I don’t have any interest. pic.twitter.com/E7P1qhExyp
— Acyn (@Acyn) February 19, 2026
За време на основачкиот состанок во Вашингтон, Трамп испрати и порака до Иран дека мора да постигне „суштински договор“ за запирање на својата нуклеарна програма или, како што рече, „ќе се случат лоши работи“.
Тој додаде дека други земји веќе придонеле со повеќе од седум милијарди долари за помош за Газа во рамки на иницијативата на Одборот за мир.

