Свет
Маск за Украина: Уште колку родители без синови, деца без татковци

Европските лидери сакаат вечна војна во Украина, објави Илон Маск на X. Маск реагираше на објавата во која корисникот Wall Street Mav тврди дека данската премиерка Мете Фредериксен не сака да заврши војната во Украина бидејќи во тој случај рускиот претседател Владимир Путин би можел да нападне друга европска земја.
„Тие сакаат вечна војна. Уште колку родители без синови? Уште колку деца без татковци? Според нивната логика, никогаш нема да заврши“, напиша Маск.
They want the forever war.
How many more parents with no sons?
How many more children with no fathers?
By their logic, it never ends. https://t.co/LplYYnfLnd
— Elon Musk (@elonmusk) March 6, 2025
Данската премиерка Мете Фредериксен на снимката вели дека замрзнувањето на конфликтот со некаква форма на прекин на огнот ќе и овозможи на Русија да ги подготви финансиите и војската за напад на друга земја.
European leaders are retarded.
Danish PM Mette Frederiksen: "Peace in Ukraine is more dangerous than the ongoing war."
She won't end the war because Putin might attack someone else in the future.
Under that logic, there is no end to the war ever.pic.twitter.com/KdNzKnwIcO
— Wall Street Mav (@WallStreetMav) March 5, 2025
„Ако дозволиме Русија да победи во оваа војна, жал ми е што директно ви го кажувам, тој ќе продолжи, тие ќе продолжат. Можеби ќе им дозволиме да бидат во подобра ситуација отколку што се денес. Ако ја запреме војната сега со некаква форма на замрзнат конфликт, прекин на огнот, што ќе и даде можност на Русија да се врати во Русија, да мобилизира повеќе ресурси и луѓе и можеби да нападне друга земја во Европа“, рече Фредериксен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата

Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни избори, заврши. Полициски кордони има насекаде и се обидуваат да ја потиснат масата луѓе. Граѓаните на многу места фрлаат со шишиња, лименки, камења и јајца по полицијата, се жалат дека се чувствува солзавец во воздухот, но велат дека нема да се откажат.
„Бевме пред кордонот полиција, во првиот ред. Петпати фрлија солзавец, но луѓето бришат солзи и не се откажуваат. Доста е страв, нема понатаму. Ова е нивен крај, не наш. Остануваме до крај“, вели за српската телевизија „Н1“ студентка која на протестот е со мајка си и не сака да си замине.
„Спуштете ги штитовите“ извикуваат граѓаните и не сакат да отстапат. Ставаат маски на лицата и пренесуваат повик „да не се откажуваме, се додека сме мирни, ништо не можат“.
Студентскиот протест на кој беа пренесени пораките за предвремени избори заврши мирно, а инцидентите почнаа во моментот кога студентите ги соблекоа елеците.
Регион
(Видео) Студентите на протестот во Белград ќе развеат знаме „какво што не се очекува“

Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва најавија дека ќе развеат знаме „какво што досега не е видено“. Откога почна протестот тие на социјалните мрежи објавија кусо видео од последните подготовки за изнесување големо знаме на улица со најава дека „тоа ќе биде знаме кое не сте го очекувале“.
Biće to zastava koju niste ocekivali pic.twitter.com/qeFNGlGmHD
— Žaklina Tatalović (@zaklina_prva) June 28, 2025
Протестот е предвидено да заврши во 21 часот кога истекува рокот кој студентите го дадоа на власта за распуштање на Народното собрание распишување предвремени парламентарни избори како и растурање на протестот во Пионерскиот парк каде некои студенти на контрапротест три месеци кампуваат и бараат продолжување на универзитетската година. За се што ќе се случува по 21 часот, студентите кажаа дека не се надлежни, а претседателот на Србија, Александар Вучиќ, попладнево рече дека очекува насилство, токму во периодот од 21 до 22 часот.
Регион
Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.