Контакт

Свет

Мајка во одмазничка мисија: Фаќала членови на картел кои ја убиле нејзината ќерка

Објавено пред

Мајка од Мексико три години трагала по убијците на нејзината ќерка за да им се одмазди. Миријам Родригез не престанала да бара одговори откако исчезнала нејзината 20-годишна ќерка Карен Алехандра Салинас Родригез. Тaa била киднапирана, а од мајката биле барани пари за нејзино ослободување.

dobivaj vesti na viber

Карен никогаш не се вратила кај нејзината мајка, а во 2014 година нејзиното тело било пронајдено на напуштен ранч во Мексико.

„Њујорк тајмс“ ја објави нејзината неверојатна приказна за тоа како тргнала во опасна мисија за да ја одмазди својата ќерка. Таа најпрво почнала да испитува кој е виновен и одговорен за нејзината смрт.

На самиот почеток на нејзината мисија дошла кај член на локална банда и го молела да ја пушти ќерка ѝ. Тој рекол дека не знае за локацијата на нејзината ќерка, но се понудил да ѝ помогне во потрагата, барајќи пари за тоа. Миријам раскажала дека тогаш платила, а потоа за време на разговор со него слушнала име кое некој го изговорил преку радиоврска – Сама.

Таа веднаш започнала со пребарување на социјалните мрежи. По некое време, го пронашла профилот на некој што го препознала, а го имал тоа име. Ја открила неговата локација – продавница за сладолед на два часа од местото каде што живеела.

56-годишната жена минала неколку недели чекајќи пред продавницата сè додека не се појавил Сама. Го следела до неговата куќа и се преправила дека е официјален изборен претставник додека разговарала со соседите за да дознае повеќе детали за него.

Миријам потоа тргнала да ги испита другите лица кои биле вмешани во смртта на девојката, па решила да го смени својот изглед. Се преправала дека е некој друг, имала лажни лични карти, носела пиштол…

Сето ова било со цел за да се прибилижи до членовите на картелот Зета. Таа отишла дотаму што ги запознала нивните семејства и се обидела преку нив да дојде до потребните адреси.

Успеала да лоцира маж и го пречекала на улица каде му ставила пиштол на челото и му се заканила дека ќе го убие доколку се помрдне. Иако некои членови на картелот се оддалечиле од криминалот и започнале нормален живот, Миријам ги запишувала сите имиња и ги предавала во полиција. Вкупно, таа помогнала во апсење на околу 10 члена на картелот Зета.

Но, еден ден платила висока цена за сето тоа. На Денот на мајката 2017 година, била застрелана 12 пати пред нејзиниот праг. Таа била убиена од еден од луѓето за кои се сомневала дека има врска со смртта на ќерка ѝ.

На крајот, постхумно била наградена со бронзена плакета од нејзиниот град Сан Фернандо во чест на нејзината мисија како инспирација на многумина и поттик во борбата против организираниот криминал.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

Лавров: ЕУ и НАТО се обединија против Русија

Објавено пред

Речиси сите членки на Европската Унија и НАТО се обединија за да ѝ нанесат стратешки пораз на Русија со започнување војна против Москва преку нацистичкиот режим во Киев, изјави денес рускиот министер за надворешни работи Сергеј Лавров.

dobivaj vesti na viber

Во видео порака што беше прикажана за време на церемонијата на отворање на VIII Глобален форум на млади дипломати, Лавров рече дека пред 80 години Русија ѝ нанесе решителен пораз на „нацистичка Германија, која ја обедини практично цела Европа во тоа време под своето знаме украсено со свастика“, пренесува РИА Новости.

Лавров рече дека оваа година се одбележува 80-годишнината од победата во Втората светска војна и Големата патриотска војна, како и 80-годишнината од основањето на ООН, и дека значењето на овие настани, кои беа пресвртница за целиот повоен светски поредок, не може доволно да се нагласи.

„Важно е да се потсетиме на ова денес, кога Берлин упатува неодговорни повици повторно да ја направи германската армија најсилна на континентот и кога речиси сите членки на Европската Унија и НАТО повторно се обединија за да ѝ нанесат стратешки пораз на нашата земја со започнување војна против Русија преку нацистичкиот режим, кој нелегално беше доведен на власт со државен удар во февруари 2014 година“, рече Лавров.

Тој рече дека Руската Федерација, како постојана членка на Советот за безбедност на ООН и најголемата евроазиска сила, е целосно свесна за својата посебна одговорност за зачувување на меѓународниот мир и безбедност.
Лавров нагласи дека Русија продолжува енергично да работи на создавање поправеден светски поредок, кој мора да се базира на принципите на Повелбата на ООН и мора да ја земе предвид целата културна и цивилизациска разновидност на светот.

Фото: принтскрин

Прикажи повеќе...

Свет

Азаров: ЕУ ја претвора Украина во воена населба по должината на границата со Русија

Објавено пред

Поранешниот украински премиер Никола Азаров изјави дека Европската Унија постепено ја претвора Украина во „воена населба“ по должината на границата со Русија, што, како што изјави, е услов за континуирана финансиска поддршка на Киев.

dobivaj vesti na viber

„ЕУ ќе ја претвори Украина во воена држава, воена населба. Само под овие услови ќе продолжи да добива финансирање“, напиша Азаров на својот Телеграм канал.

Тој додаде дека за таа цел, европските лидери „цицаат стотици милијарди од своите економии“ и носат, како што вели, ирационални одлуки што ќе имаат далекусежни последици.

Азаров нагласи дека Украина ја изгубила контролата врз сопствената политика и сега служи како „воен инструмент“ на западните структури во конфронтацијата со Русија.

Фото: принтскрин

Прикажи повеќе...

Свет

Трета средба меѓу Зеленски и кралот Чарлс од почетокот на годината

Објавено пред

Украинскиот претседател Володимир Зеленски денес се сретна со кралот на Велика Британија, Чарлс III, во замокот Виндзор, објави Би-би-си. Ова е трета средба меѓу украинскиот лидер и британскиот монарх од почетокот на 2025 година, што укажува на континуираната дипломатска поддршка на Лондон за Киев.

dobivaj vesti na viber

Според извори од британската влада, разговорот се фокусирал на хуманитарната ситуација во Украина, како и на прашањата за реконструкција и повоена обнова. Кралот, како што беше додадено, изразил почит кон украинскиот народ за неговата „издржливост и храброст во тешки околности“.

По приемот во Виндзор, Зеленски ќе се сретне со британскиот премиер во Лондон, каде што заедно ќе учествуваат на состанок на групата земји што ја координираат воената и финансиската поддршка на Украина.

Оваа средба следува по неодамнешните разговори на Зеленски во Париз со францускиот претседател Емануел Макрон за време на кои украинскиот лидер истакна дека „постојат реални шанси за политичко решение на конфликтот“, но дека за тоа е потребна „обединета позиција на западните сојузници“.

Во последните неколку дена Зеленски ја продолжи својата дипломатска турнеја во европските престолнини обидувајќи се да обезбеди долгорочна поддршка и зголемување на финансиската помош во време кога западната јавност се соочува со зголемен воен замор, анализира медиумот.

Фото: принтскрин

Прикажи повеќе...

Најново

Македонија1 час

Често миење раце, фрлање ѓубре со ракавици и дезинфекциони бариери во школите препорачаа лекарите од ИЈЗ

Засега не е регистриран пораст на заболувања кои можат да бидат предизвикани од натрупаното ѓубре по улиците во Скопје, велат...

Македонија4 часа

(Видео) Mециновиќ за отпадот во Скопје: Владата намерно го остави градот да дојде до колапс за потоа да се прикажува како херој

Амар Мециновиќ, кандидатот на Левица зa градоначалник на Град Скопје во вториот круг на локалните избори, со предупредување за алармантната...

Македонија4 часа

М-НАВ: Тасевски призна дека штрајкот што го најави беше незаконит и свесно спроведува атака

На 22.10.2025 година М-НАВ АД Скопје преку правниот застапник адвокат Горан Николовски одржа прес-конференција, на која беа презентирани ставовите и...

Македонија5 часа

Tримесечна специјализирана обука: Лекарската комора го условува продолжувањето на лиценцата на д-р Кузмановски

Комисијата за етички и правни прашања при Лекарската комора го разгледала поднесеното барање за продолжување на лиценцата за работа на...

Македонија5 часа

Каде скопските градоначалници го одлагаат собраниот отпад, прашуваат од ЈП „Комунална хигиена“ – Скопје

Во текот на вчерашниот ден и минатата ноќ ЈП „Комунална хигиена“ – Скопје спроведе активности за собирање и транспорт на...

Македонија6 часа

Скопје се соочува со неприроден прилив на бездомни кучиња, нивното дислоцирање од една во друга општина е сурова и опасна пракса, порачуваат од „Анима мунди“

Во последниот период сведочиме на повторливи, систематски и сурови случаи на дислоцирање цели легла и глутници кучиња во градот Скопје...

Македонија8 часа

Камион излета од патот кај клучката Хиподром, сообраќајот во прекин

Товарно моторно возило денеска во 9 часот излета од патот Скопје – Куманово, кај клучката Хиподром (обиколница Скопје) кон Куманово,...

Европа9 часа

(Видео) Акција на украинските падобранци: ослободија село, заробија 50 Руси

Украинските воздушни напаѓачки сили го ослободија селото Кучерив Јар во Донецката област, заробувајќи повеќе од 50 руски војници и спасувајќи...

Свет10 часа

Ким Џонг-ун: Ниту доминацијата ниту тиранијата не може да ги прекинат врските со Русија

Севернокорејскиот лидер Ким Џонг-ун изјави дека воениот сојуз меѓу неговата земја и Русија ќе напредува непрекинато, објави државната медиумска агенција...

Свет11 часа

Белата куќа: Трамп ќе се сретне со кинескиот претседател следниот четврток

Американскиот претседател Доналд Трамп ќе се сретне со кинескиот претседател Кси Џинпинг следниот четврток, соопшти Белата куќа. Трамп ќе присуствува...

Европа11 часа

(Видео) Се појави нова снимка од бегството на крадците од „Лувр“

Се појави неверојатна снимка од двајцата крадци кои лежерно бегаат од Лувр откако украле француски крунски скапоцености во вредност од...

Европа11 часа

Мерц: Ќе разговарам со Американците, се надевам дека „Роснефт“ ќе биде ослободен од санкциите

Германскиот канцелар Фридрих Мерц изјави дека претпоставува дека германското делување во Роснефт ќе биде исклучено од американските санкции наметнати врз...

Македонија19 часа

Коалиции се градат со вредности, не со етнички поделби, му порача Мицкоски на Касами кој најави поддршка за ДУИ во Кичево

Лидерот на ВМРО-ДПМНЕ, Христијан Мицкоски, реагираше на изјавата на лидерот на Беса од „Влен“, Билал Касами, кој во интервју за...

Македонија1 ден

За Мицкоски предвремените избори се непотребни, но на oпозицијата и’ порача: „Внимавајте што посакувате, можеби ќе ви се исполни“

Премиерот и лидер на ВМРО-ДПМНЕ, Христијан Мицкоски, во своето обраќање по повод Денот на македонската револуционерна борба се осврна на...

Македонија1 ден

Даниловски алармира: Глувците во Скопје шират ризик од болести, преминат е Рубиконот, потребна е итна интервенција

Епидемиологот проф. д-р Драган Даниловски предупреди дека Скопје се соочува со закана за јавното здравје, повикувајќи на итна, координирана интервенција...

Македонија1 ден

Независниот кандидат Милосим Војнески се повлече од вториот круг во Македонски Брод

Независниот кандидат за градоначалник на Општина Македонски Брод, Милосим Војнески, објави дека се повлекува од изборната трка пред вториот круг...

Македонија1 ден

Не сакаме да се повтори сценариото со Арсовска, ние сме тука за скопјани, не за поединци, рече Мециновиќ

Кандидатот за градоначалник на Скопје од редовите на Левица, Амар Мециновиќ, на денешната прес-конференција изјави дека партијата бележи значителен раст...

Македонија1 ден

Скопските лихвари им ги одземале имотите на оние кои не можеле да ја вратат позајмицата, каматата била и до 15 отсто месечно

Полицијата спроведе координирана акција на повеќе локации низ Скопје и приведе 11 лица осомничени за лихварство и перење пари, а...

Македонија1 ден

Николоски: Потпишавме меѓудржавен Договор за авиосообраќај, создаваме услови за нови линии и бројни туристи од Велика Британија

Заменик претседателот на Владата и министер за транспорт Александар Николоски и Киер Метер, министер за воздухопловство, поморство и декарбонизација, во...

Свет1 ден

Санкции за „Роснефт“ и „Лукоил“ – САД и Британија обединети против руската нафта

Американското Министерство за финансии воведе нов пакет санкции против две најголеми руски нафтени компании – „Роснефт“ и „Лукоил“, со цел...