Свет
Медведев: САД, НАТО и ЕУ не сакаат да ги прекинат врските со Русија, затоа го туркаат Киев на преговори

Заменик-претседателот на Советот за безбедност на Русија, Дмитриј Медведев зјави дека САД, НАТО и ЕУ не сакаат целосно да ги прекинат односите со Русија, па оттука и обидите да го турнат Киев кон преговори, пренесува Срна.
„САД, НАТО и ЕУ не сакаат целосно да ги прекинат врските со Русија. Оттука, чести се обидите да се поттикне Киев да преговара“, напиша Медведев на „Телеграм“, пренесува РИА Новости.
Зборувајќи за украинскиот претседател Володимир Зеленски, Медведев рече дека не сака да преговара од себични причини, пренесува Н1.
„Преговорите се многу опасни за него, бидејќи тој исклучително се плаши од украинските националисти“, смета Медведев.
Тој додаде дека на сите им е доста од режимот во Киев, особено, како што вели, од Зеленски, кој постојано ги разгорува страстите и изнудува повеќе пари и оружје.
Медведев додава дека НАТО и ЕУ не сакаат конечен раскин со Русија и оттука обиди да го турнат Киев кон преговори.
Дополнително, наведува Медведев, кога станува збор за ракетниот инцидент во Полска, „неуспешните обиди нападот да и се припише на Русија не беа прифатени од никого, дури ни од најзатрупаните русофоби – Полјаците“.
Зеленски претходно изјави дека Русија не се стреми кон мир, туку сака да обезбеди краткорочен одмор од непријателствата,пренесе Денес.рс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Русија уништи 21 украински дрон во текот на ноќта, два летаа кон Москва

Руските одбранбени единици уништија 21 украински дрон во текот на ноќта, објави руската државна новинска агенција, повикувајќи се на податоци од руското Министерство за одбрана.
Двата дрона што ги уништија руските противвоздушни единици летаа кон Москва, изјави градоначалникот на рускиот главен град, Сергеј Собјанин.
„Службите за итни случаи работат на местото каде што паднаа остатоците (од дроновите)“, напиша Собјанин во објава на Телеграм, пренесува Ројтерс.
фото: принтскрин
Свет
Канада е отворена за испраќање мировни сили во Украина

Канадскиот премиер Марк Карни му рече вчера на украинскиот претседател Володимир Зеленски дека ги поддржува барањата на Украина за силни безбедносни гаранции како дел од кој било мировен договор, нагласувајќи дека Канада не ја исклучува можноста за испраќање трупи како дел од таква рамка, објави Ројтерс.
Карни, кој ја посети Украина за прв пат откако ја презеде функцијата во март, му се придружи на Зеленски на церемонијата во центарот на Киев по повод Денот на независноста на Украина. На церемонијата присуствуваше и специјалниот пратеник на Трамп за Украина, Кит Келог.
„Сите работиме за да се осигураме дека крајот на оваа војна значи гаранција за мир за Украина, така што војната и заканата од војна нема да останат како наследство за нашите деца“, им рече Зеленски на собраните гости.
Зеленски рече дека сака идни безбедносни гаранции како дел од евентуален мировен договор што ќе бидат што е можно послични на Член 5 на НАТО, кој го смета нападот врз една членка како напад врз сите. Карни ги поддржа повиците на Украина за меѓународно вклучување.
„Според канадското мислење, нереално е единствената безбедносна гаранција да биде силата на украинските вооружени сили… што мора да се дополни и зајакне“, рече Карни на заедничката прес-конференција.
Двајцата лидери, исто така, потпишаа договор за заедничко производство на беспилотни летала, а Карни објави дека Украина следниот месец ќе добие повеќе од 1 милијарда канадски долари (618 милиони евра) воена помош од претходно најавен пакет.
фото: принтскрин
Европа
Мерц: Никој повеќе не треба да има илузии, Германија е во структурна криза

Германскиот канцелар Фридрих Мерц призна дека справувањето со економските предизвици се покажува како многу поголем предизвик отколку што првично очекувал.
„Го кажувам ова со самокритика – задачата е поголема отколку што некој можеше да замисли пред една година. Не сме само во период на економска слабост, туку сме во структурна криза на нашата економија“, рече Мерц во саботата за време на говорот во северниот германски град Оснабрик.
Податоците објавени во петокот покажаа дека германската економија се намалила повеќе отколку што првично се проценувало во вториот квартал. Економската активност во Германија се намалила за 0,3 проценти во вториот квартал во споредба со претходните три месеци, пад што е за 0,2 процентни поени посилен од оној што го покажа прелиминарната проценка.
„Никој не треба повеќе да има илузии за тоа колку се длабоки и далекусежни предизвиците со кои се соочуваме“, им рече Мерц на членовите на неговата партија Христијанско-демократска унија (CDU) во Долна Саксонија, покраината каде што е седиштето на производителот на автомобили „Фолксваген АГ“.
Тој го посочи падот од 36% на профитот по оданочување на „Фолксваген“ во вториот квартал како само „една од многуте пораки“.
„Големи делови од нашата економија повеќе не се конкурентни, а тоа е прашање на ценовна конкурентност“, предупреди Мерц, без да ги именува компаниите.
„Квалитетот е сè уште добар и раководителите на компаниите ги препознаваат овие предизвици. Но, основните услови во Германија едноставно не беа доволно добри во последната деценија“, додаде тој.
Откако ја презеде функцијата оваа година, Мерц вети сеопфатни реформи насочени кон намалување на бирократијата, модернизирање на инфраструктурата и зголемување на домашната побарувачка. Неговата влада планира да инвестира стотици милијарди евра во патишта, мостови и вооружени сили за да ја зголеми продуктивноста.
Во саботата, тој ги истакна новите даночни олеснувања за деловните инвестиции и го повтори своето противење на зголемувањето на даноците за средните компании. Тој, исто така, призна дека американската царина од 15% за германскиот извоз би била товар за економијата, но предупреди дека отворената трговска војна со Вашингтон би можела да биде многу полоша.
фото: принтскрин