Далмација вчера беше потресена од земјотрес со јачина од 4,8 степени според Рихтеровата скала, со епицентар на 15 километри североисточно од Стариград Пакленица. Земјотресот е регистриран со сеизмографи на Сеизмолошката служба на Република Хрватска во 18 часот и 43 минути, а интензитетот во епицентарот бил VI степени според ЕМС скалата.

Земјотресот е почувствуван во поширокото подрачје на Задар, во Лика, Далмација, како и во делови од соседна Босна и Херцеговина.

„Регистриравме силен земјотрес со јачина од 4,8 степени според Рихтеровата скала. Во следните неколку часа регистриравме три до четири послаби земјотреси, со магнитуди меѓу 1,7 и 2,9 степени“, изјави за ХРТ, сеизмологот Крешимир Кук.

Жителите од различни делови на округот Задар на социјалните мрежи опишаа како чувствувале силни потреси.

„Кафулето беше преполно и наеднаш имаше благ потрес, проследен со силен удар, како да експлодирала мина. Сите истрчавме надвор“, опиша еден жител.

„Се се тресеше. Најпрво се чувствуваше како минува нешто низ земјата, а потоа земјотресот траеше околу пет-шест секунди. Сите излегоа на улица. Ниту една тула не се сруши, па немаше поголема штета, но стравот беше голем“, додал друг жител.

ХРТ објави нова снимка од земјотресот снимена од надзорните камери во Стариград Пакленица.

Српскиот претседател Александар Вучиќ на својот профил на „Тик Ток“ објави хумористично видео.

Имено, тој одговорил на предизвик на оваа платформа во кој погодуваше каков газиран пијалак пие. Вучиќ на снимката пиеше четири различни газирани пијалаци (Кока-Кола, Кока-Кола Зеро, Пепси и Кокта).

Успеа да го погоди само вкусот на Кокта.

@jasamaleksandar Meni je sve ovo isto. Ako baš mora, dajte koka-kolu zero, za nas punačke. 😅 #jasamaleksandar ♬ original sound – Ja sam Aleksandar

„Откако решија од мене да направат мечка на панаѓур, тука ми ставија четири газирани пијалаци. А сега треба да погодам која е Кока-Кола, која Пепси, која Кокта, а која Зеро“, рече Вучиќ, а потоа додаде:

„Цел живот пијам Зеро, сè ми е збркано“.

Снимката од надзорните камери го покажува моментот кога почна земјотресот што ја потресе цела Далмација.

Потресот беше регистриран во 18 часот и 43 минути, со јачина од 4,8 степени според Рихтеровата скала.

Земјотресот кој беше почувствуван низ Далмација и Лика, но и во околните земји, Босна и Херцеговина и Италија, е снимен од надзорна камера на островот Зларин.

На снимката се гледа како бродовите во пристаништето се нишаат.