Свет
Меѓу жртвите во Италија има и француски државјани
Меѓу жртвите од катастрофалната несреќа во Италија при уривањето на мостот во Џенова има и тројца француски државјани.
Бројот на загинати во уривањето на надвозникот во близина на италијанскиот град Џенова се искачи на 39, а спасувачките екипи продолжуваат со потрага по преживеани под урнатините.
Информацијата за тројцата државјани на Франција ја потврди и француското Министерство за надворешни работи и изрази сочувство до семејствата.
Денеска беа идентификувани и првите жртви од катастрофалната трагедија, станува збор за тричлено семејство – мајка, татко и нивниот седумгодишен син.
Надвозникот се урна вчера, при што десетина возила пропаднале во пукнатините. Државното италијанско радио јави дека меѓу повредените е и една жена чија куќа се запалила кога над неа паднал дел од конструкцијата на мостот.
Мостот се урна во услови на силно невреме проследено со грмежи, а очевидци велат дека се урнал по удар на гром. Повеќе од 400 лица биле евакуирани поради стравувањата дека другите делови од мостот би можеле да паднат.
Причината за катастрофата не е позната, но се поставуваат прашања за безбедноста на мостот кој е изграден во 60-тите години од минатиот век, а реконструиран во 2016 година.
Властите и натаму стравуваат дека под урнатините би можело да има уште жртви.
Италијанскиот премиер Џузепе Конте доцна синоќа го посети местото на несреќата посочувајќи дека станува збор за огромна трагедија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Фото) Илјадници луѓе се збогуваа со џиновските панди кои заминуваат од Токио на лекување во Кина
Две џиновски панди , кои живееле во зоолошката градина во Токио 13 години, денеска се вратиле на лекување во Кина , а илјадници луѓе се збогувале од нив пред нивното заминување.
Мажот Ри Ри и женката Шин Шин, двајцата на 19 години, пристигнаа во зоолошката градина Уено во Токио во февруари 2011 година и неодамна се лекуваа од висок крвен притисок во поодминати години, соопштија градските власти.
Пандите рано утринава го напуштиле претходниот дом и биле качени во авион за Кина, каде што ќе бидат сместени во огромен резерват за панди во југоисточната провинција Сечуан, каде што се родени.
Околу 2.000 луѓе, од кои некои цела ноќ чекаа во ред, вчера ја посетија зоолошката градина Уено за последен пат да ги видат своите миленици и да се збогуваат со нив.
За време на престојот во Токио, Шин Шин родила четири младенчиња.
Во светот има вкупно околу 1.600 панди, од кои само триесетина живеат во зоолошки градини надвор од Кина.
Свет
(Видео) Израел повторно го напаѓа Бејрут
Израелската војска соопшти дека извршила напад врз Бејрут, Либан.
Според очевидци на Ројтерс, се слушна силна експлозија, а од јужните предградија на градот се крена облак чад.
Израел рече дека нападот бил „прецизен“ и дека цел бил областа Дахиех.
Тоа беше истиот дел од градот каде што Израел го уби лидерот на Хезболах Хасан Насрала во петокот.
#Israeli military has carried out new air attacks on Lebanon, including #Dahiyeh, the southern suburb of the capital #Beirut. pic.twitter.com/tI1dqQbXIE
— WAR & CRIME WORLD NEWS (@WARCRIMENEWS) September 29, 2024
Свет
Телото на лидерот на Хезболах е извлечено од урнатините
Телото на лидерот на Хезболах Хасан Насрала е пронајдено, изјавија два извори за Ројтерс.
Медицински и безбедносни извор изјави дека „неговото тело е пронајдено недопрено“ на местото на израелскиот воздушен напад врз јужното предградие на Бејрут.
„Тој немаше директни рани и се чини дека причината за смртта е траума од тапа сила од силината на експлозијата“, велат тие.
Во моментов не е возможно независно да се проверат овие тврдења.