Свет
Мигрант нападнал полицајци во Рим, се фалел дека судот нема ништо да му направи

Мигрант, кој бил уапсен кога ја нападнал полицијата во Рим, продолжил да им се заканува на полицајците додека бил во притвор и се фалел дека судиите нема да му направат ништо, пренесува „Ил Џорнале“.
Полицијата го уапси 36-годишниот Африканец во понеделникот вечерта кога била повикана во областа Сан Лоренцо, каде што мигрантот фрлал шишиња во јавен парк. Кога пристигнала полицијата, мигрантот станал агресивен и нападнал еден од полицајците извикувајќи: „Ќе те убијам со сопствени раце. Ќе те уништам“.
Потоа мигрантот се стрчал кон една продавница, но полицијата го запрела, го ставила под контрола користејќи бибер-спреј и го ставила во притвор. Додека се наоѓал во полицискиот автомобил, Африканецот продолжил да биде агресивен и им се заканувал на полицајците велејќи: „Судијата утре нема да ми направи ништо и јас ќе ве чекам надвор“.
Според весникот, мигрантот веќе ѝ е добро познат на локалната полиција и има долг список на кривични пријави. Полицаецот што бил нападнат бил лекуван во локалната болница поради повредите и добил десет дена отсуство.
Во меѓувреме, друг африкански мигрант бил уапсен за насилство оваа недела во Катанија кога со стаклено шише нападнал турист во Торино.
Гамбиецот, кој нелегално дошол во Италија, се обидел да изнуди пари од туристот земајќи му ги очилата и барајќи му пари за да му ги врати. Кога туристот го одбил, 28-годишниот Гамбиец го удрил неколкупати во лицето со стаклено шише нанесувајќи му длабоки расеченици. Подоцна полицијата го пронашла и уапсила Гамбиецот, а полицајците откриле дека само неколку дена пред тоа тој бил уапсен за истото дело.
Случајот доаѓа само неколку дена откако беше откриено дека неколку мигранти отпатувале во град на италијанската ривиера користејќи го владиниот бонус за одмор за да ограбуваат и напаѓаат туристи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Најголемата воена база во Данска ја надлетуваат неидентификувани беспилотни летала

Неидентификувани беспилотни летала синоќа се регистрирани над најголемата воена база во Данска, соопшти данската полиција.
– Можам да потврдам дека во петокот околу 20 часот и 15 минути имавме мал инцидент што траеше неколку часа. Еден или два дрона се забележани пред и над воздухопловната база во Каруп. Не ги соборивме, изјави претставник на данската полиција.
Изминатите денови дронови надлетуваа над цивилни и воени објекти, поради што привремено беше затворен воздушниот простор на Данска.
Премиерката на Данска, Мете Фредериксен претходните инциденти со нарушувањето на воздушниот простор ги поврза со наводни руски активности со дронови низ Европа, но не понуди докази. Москва ги негираше обвинувањата.
Регион
Ужас во Јагодина: Внук ги заклал бабата и дедото и избегал

Двојно убиство се случило во близина на Јагодина. Според првичните информации М.М. (39) ги заклал бабата Р.Ж. (76) и дедото Р.М. (79) и избегал. Неофицијално, убиството се случило во селото Богава, општина Деспотовац, а телата на сопружниците биле пронајдени рано утрово во семејната куќа.
Полицијата е на местото на настанот и во тек е истрага, а пристигнати се и обвинителот на Вишото јавно обвинителство во Јагодина.
Свет
Украина го префрла производството на оружје во земјите од НАТО

Украинската одбранбена индустрија започнува со работа во Данска, обезбедувајќи им на производителите на оружје со седиште во Киев заштита од руски ракети и пренесувајќи го своето воено искуство во Европа.
Данското Министерство за индустрија и финансии претходно овој месец објави дека украинската одбранбена компанија „Фаер Поинт“ преместува дел од своите производствени процеси во таа земја, оценувајќи го тоа како важен чекор за безбедноста на Украина, што во исто време „создава нови можности за соработка со данските и европските компании“.
Тоа е првиот чекор во новата иницијатива наречена „Гради за Украина“, за која Данска издвои повеќе од 50 милиони долари за да им помогне на украинските одбранбени компании да започнат бизнис, објавува „Бизнис инсајдер“.
Проектот им овозможува на украинските компании да произведуваат на поконвенционален начин, наместо да го кријат или нарушуваат процесот на производство за да избегнат да станат мети на руски ракети и беспилотни летала.
За Данска и нејзините сојузници, соработката носи директно искуство на украинските компании во производството на оружје за големата војна. Тоа знаење е непроценливо.
Засега, барем јавно, проектот вклучува само една украинска компанија. Компанијата „Фаер Поинт“, која исто така произведува дронови и ракети, планира да произведува ракетно гориво во Данска за одбранбените потреби на Украина. Останатите украински компании кои произведуваат хаубици, ракети, дронови и друго оружје сè уште го прават тоа во земјата.