Свет
Мозаикот со Путин нема да биде поставен во новата катедрала во Москва
![](https://makfax.com.mk/wp-content/uploads/2020/05/putin-mozaik.jpg)
Русија го откажа поставувањето на разнобоен мозаик, на кој е претставен и ликот на претседателот Владимир Путин, во новоизградената црква посветена на војската, соопштија денеска извори од руската црква.
Сместена во областа на воениот парк Домољуб недалеку од Москва, воената катедрала посветена на Христовото Воскресение е подигната во чест на руските водачи, чии ликови зедно со оние на христијанските светци се претставени во нејзината внатрешност.
A mosaic featuring President Vladimir Putin will no longer be displayed in a grand military church being built outside Moscow after the leader objected https://t.co/E5tqNtbN4r
— The Moscow Times (@MoscowTimes) May 1, 2020
Путин и други официјални претставници, вклучувајќи го и министерот за одбрана Сергеј Шојгу, се прикажани на мозаици кои ја слават анексијата на Крим во 2014 година.
Фотографиите од мозаиците кои веќе беа објавени во медиумите се направени во работилница, така што самиот мозаик сè уште не е поставен во црквата, рече епископот на Руската православна црква Стефан од Клин, а изјавата ја цитираше руската новинска агенција „Интерфакс“.
Портпаролот на Путин, Дмитриј Песков, претходно неделава изјави дека претседателот сметал оти е прерано неговиот лик да се прикаже во место на богослужба.
Руската православна црква се согласува со ставот на Путин по однос на ова прашање.
„Во согласност со предлогот на шефот на државата, уметничкиот совет одлучи да не се поставува ваквиот мозаик“, рече Стефан од Клин.
Изградбата на црква во московското предградие е придонес во одбележувањето на Денот на победата и 75-годишнината од крајот на Втората светска војна во Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
„Нетфликс“ сними документарец за серискиот донатор на сперма, се претпоставува дека има 1.000 деца, тој тврди дека бројката е помала
![](https://makfax.com.mk/wp-content/uploads/2024/07/donator-2.jpg)
Нетфикс има нов хит документарец наречен Човекот со 1.000 деца (The Man with 1000 Kids).
Станува збор за донатор на сперма, Холанѓанецот Џонатан Џејкоб Мајер. Во документарецот се интервјуирани бројни жени и парови на кои Мајер им помогнал да добијат дете, но им дека само неколку пати донирал сперма. Се претпоставува дека тоа го направил дури 1.000 пати, додека тој тврди дека „Нетфликс“ претерува и бројката е околу 500 деца.
Сериски донатор на сперма
Проблемот настанува откако родителите ширум Холандија забележале дека децата кои ги добиле со вештачко оплодување, со спермата на Мејер, изгледаат слично. Мејер донирал сперма не само во Холандија, туку и ширум светот, а на мапата во документарецот ја има и Србија. Го нарекуваат „сериски донатор на сперма“.
Станав донатор од љубов
Но, зборувајќи за медиумите, 42-годишниот холандски Јутјубер рече дека е разочаран од серијата и дека погрешно ги прикажува неговите намери како донатор на многу семејства и оти реалната бројка е многу помала. Прво тврдеше дека има приближно 250 деца, а подоцна спомена бројка од 500.
„Претпоставките за 1000 се смешни. Разочаран сум од опседнатоста со бројки. Станав донатор не поради бројки, туку од љубов и да им помогнам на родителите да го остваруваат својот сон, рече Мејер.
Тој за „Индепендет“ изјавил дека станал „зависен“ од донирање сперма.
„Понекогаш помислував дека имам многу деца и дека можеби треба да престанам, но тогаш ќе добиев нова порака и тешко ми е да кажам не“, рече тој. Смета дека серијата е резултат на селективна селекција на незадоволни семејства.
Нему му е забрането дополнително да донира сперма
Додека Нетфликс допрва треба да одговори на тврдењата на Мејер, извршната продуцентка на документарецот Натали Хил ја коментираше ситуацијата.
„Последните четири години ги поминав разговарајќи со семејствата кои беа погодени од лагите на Џонатан. Лично разговарав со 45 или 50 семејства“, изјави таа за Би-Би-Си.
На Мејер во Холандија му е забрането да донира сперма, а доколку го направи тоа, ќе мора да плати казна од 100.000 долари за секоја донација.
Свет
(Видео) Хорор во Америка, регистрирани неколку напади на ајкули
![](https://makfax.com.mk/wp-content/uploads/2024/07/Screenshot-2024-07-05-145108.jpg)
Три лица се повредени во напади на ајкула во Тексас и Флорида, соопштија денеска официјални лица.
Ајкула каснала за стапало млад човек недалеку од плажата на Флорида и тој бил пренесен во болница, јави Си-ен-ен.
Во Тексас група од четири лица наишле на ајкула додека пливале во океанот веднаш до брегот на островот Јужен Падре.
Ајкулата каснала двајца од нив, а уште едно лице од групата било повредено додека се обидувало да им помогне. Двете лица, кои биле каснати од ајкула, биле пренесени во болница во Браунсвил.
„Појавата на ајкули не е вообичаена во Тексас“, велат локалните власти.
Според податоците на Меѓународната организација за следење напади на ајкули, Тексас имал само 10 напади на ајкули од 2012 година. Најмногу имало на Флорида, дури 259, потоа на Хаваи – 76, Јужна Каролина – 45, а 31 напад на ајкула е забележан во Северна Каролина и 29 во Калифорнија.
Европа
Столтенберг: НАТО беше однапред информиран за одењето на Орбан во Москва
![](https://makfax.com.mk/wp-content/uploads/2024/06/stoltenberg.jpg)
Генералниот секретар на НАТО, Јенс Столтенберг, денеска изјави дека алијансата била однапред информирана за заминувањето на унгарскиот премиер, Виктор Орбан, во Москва на разговори со рускиот претседател, Владимир Путин.
Столтенберг на самитот на НАТО истакна дека Орбан патува во својство на премиер на Унгарија и дека нема да го претставува НАТО, чиј член е Унгарија, во Москва, пренесува „Ројтерс“. Орбан рано денеска пристигна во Москва и по пристигнувањето рече дека со оваа посета ја продолжува мировната мисија откако неодамна го посети Киев, каде што разговараше со украинскиот претседател, Володимир Зеленски.
Столтенберг рече и дека НАТО работи на подготовка на Украина за приклучување кон алијансата.
„Сè што правиме, правиме за да ја направиме Украина посилна и поподготвена да се приклучи на нашиот сојуз“, рече тој додавајќи дека очекува земјите членки да обезбедат повеќе воздушна одбрана и муниција на Украина.
Столтенберг додаде дека Украина треба да одлучи, кои се прифатливите услови за мировни преговори. Од друга страна, според него, нема индиции дека Путин е подготвен за мир.