Едно 27-годишно момче било убиено од вооружен напаѓач на велосипед среде бел ден во Ливерпул, Англија, во неделата наутро, пренесува „Брејтбарт“. Полицајците и болничарите се обиделе да ѝ укажат помош на жртвата со критични повреди на главата и торзото на местото на настанот, но момчето починало набргу кога било однесено во болница.

Полицијата во моментот верува дека жртвата на убиството била нечија цел, а не случајна жртва, и објави опис на осомничениот убиец, кој останува на слобода. Станува збор за белец во доцните 20-ти години, со средна градба, облечен во црно и портокалова јакна.

„Истрагата за овој шокантен инцидент е во многу рана фаза и ние сме заинтересирани да зборуваме со секој што може да има информации што би можеле да ни помогнат да ги утврдиме целосните околности и да ги пронајдеме одговорните“, изјави главниот началник на полициските детективи, Натали Перишин.

Вооруженото насилство во Велика Британија драстично се зголеми во последните години, особено во Лондон. Кривичните дела со огнено оружје се зголемиле 44 отсто помеѓу 2014 и и октомври 2017 година, а речиси половина од престрелките се поврзани со активности на банди.

Ова се случува и покрај тоа што Велика Британија се гордее со најдраконските закони за контрола на оружјето на Запад. Дури и носењето или поседувањето несмртоносни средства за самоодбрана е генерално нелегално, а на цивилите им е целосно забрането да поседуваат бибер-спреј и други несмртоносни средства за самоодбрана.