Свет
Момче од Бразил играше во куп прашина, па престана да дише: семејството ја објави неговата последна фотографија
![](https://makfax.com.mk/wp-content/uploads/2023/08/dete-varovnik.jpg)
Седумгодишно момче во Бразил починало откако си играло во планина од варовник во прав оставена покрај патот, кој очигледно го отрул откако го вдишил, објави Њујорк Пост.
Трагичната последна фотографија на малиот Артур Емануел Битенкур го покажува како тој крева палец додека седи во куп прашина, кој вообичаено се користи во градежништвото и земјоделството, само неколку минути пред да почине на 3 август.
Момчето итно било пренесено во болница, но по пристигнувањето било констатирана смрт.
Tragic boy dies after playing with this common building material: Heartbreaking final photo https://t.co/Nh3Ar6kzLT pic.twitter.com/ylWO5Af1kz
— New York Post (@nypost) August 7, 2023
Артур наводно скокнал во токсична прашина на семејниот имот во Ипиранга, Парана, во јужниот регион на Бразил.
Лекарите рекоа дека ненадејната смрт на Артур е последица на вдишување прашина, објавија локалните медиуми.
Неговото семејство ја објави неговата последна слика на социјалните мрежи како почит, но и како предупредување до другите.
„Оваа фотографија е последна и е направена неколку минути пред неговата трагична смрт, предизвикана од вдишување варовник додека си играл… Спомените што ќе ги имам од тебе, драго мое дете, секогаш ќе бидат најубави“, напишаа вујкото на момчето Ромалдо Битенкур.
Семејството тврдеше дека не биле свесни за ризиците од изложеност на варовник, а локалната полиција започнува истрага за смртта на момчето.
Бразилскиот институт за технолошки истражувања вели дека прашината од варовник може да предизвика проблеми со дишењето и ги советува луѓето да носат заштитна опрема доколку работат со неа.
ИПТ предупредува дека прашината од варовник може да биде канцерогена, особено кога човек е изложен на неа во големи количини и дека може да предизвика оштетување на белите дробови.
Варовникот во здробена форма со големина на камче не претставува опасност по здравјето доколку се користи правилно и под соодветни услови. Меѓутоа, кога дополнително се намалува во прав или прашина, варовникот може да ослободи опасни честички.
Опасната честичка присутна во варовникот е кристалниот силициум диоксид, позната и како кварц. Кристалниот силициум диоксид доаѓа во честички 100 пати помали од обично зрно песок, според Управата за безбедност и здравје при работа.
Вдишувањето на кристален силициум диоксид може да доведе до болести, вклучувајќи рак на белите дробови, хронична опструктивна белодробна болест, бубрежна болест…
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Бајден: Не одам никаде, ќе го победам Трамп
![](https://makfax.com.mk/wp-content/uploads/2024/06/bajden-italija.jpg)
Американскиот претседател, Џо Бајден, изјави во интервју дека ќе остане кандидат на Демократската партија на претседателските избори на 5 ноември, додавајќи дека е убеден дека тоа сè уште го сакаат гласачите.
„Не одам никаде“, изјави Бајден.
Тој ги повика сите што сакаат да излезе да го предизвикаат на конвенцијата на демократите во август.
Интервјуто е уште еден обид на Бајден да се опорави од лошиот настап во дебатата на 27 јуни против републиканецот Доналд Трамп, по што неговите ментални способности беа доведени во прашање. Бајден изрази фрустрација од, како што ги нарече, напорите на „елитите“ да го истуркаат од претседателската трка против Трамп, кого го победи во 2020 година.
Кога ко-водителот на емисијата ги наведе главните медиумски организации и експерти кои го повикаа да се повлече, Бајден рече: „Не ми е гајле што мислат тие големи имиња“. „Поентата е дека не одам никаде. Не одам никаде. Не би се кандидирал ако апсолутно не верував дека сум најдобриот кандидат што може да го победи Доналд Трамп во 2024 година“, истакна тој. .
Сè поголем број демократски членови на Конгресот изразуваат загриженост дека ниската јавна поддршка на Бајден и неизвесноста во однос на неговата возраст може да и наштетат на партијата. Потпретседателката Камала Харис се смета за најверојатниот наследник доколку Бајден се повлече.
Анкетата на Ројтерс/Ипсос минатата недела покажа дека секој трет демократски гласач верува дека Бајден треба да се откаже од трката, а 59 отсто од испитаниците од партијата на претседателот рекле дека е премногу стар за да ја води земјата.
Во писмото до демократите, Бајден рече дека е свесен за нивната загриженост, но дека сега е време да се стави крај на тоа прашање.
„Прашањето како да се оди напред кружи веќе една недела. Време е да заврши. Имаме една работа. Тоа е да го победиме Доналд Трамп“, им напиша Бајден на сопартијците.
Свет
ИДФ издаде нова наредба за жителите на Газа: Евакуирајте се
![](https://makfax.com.mk/wp-content/uploads/2024/05/gaza1.jpg)
Израелската армија издаде нова наредба за евакуација на Палестинците кои живеат во Појасот Газа.
Наредбата се однесува на жителите на населбите Сабра, Тел ал Хава, Римал и Дарај, пренесе „Ал Џезира“.
На жителите им беше наредено да се упатат кон хуманитарната зона лоцирана во Ал Малави, област на јужниот крај на Појасот Газа, која претходно беше нападната од израелската армија.
Последната наредба за евакуација доаѓа откако израелските вооружени сили ги засилуваат нападите врз Газа.
Утринава израелската армија почна нови напади во јужните и западните делови на градот Газа, додека продолжи да врши притисок врз источниот кварт Шуџаеи.
Свет
Бројот на загинати во рускиот напад се искачи на 31 лице
![](https://makfax.com.mk/wp-content/uploads/2024/07/Screenshot-2024-07-08-160716.jpg)
Бројот на загинати во денешните руски напади се искачи на 31, а повеќе од 150 лица се повредени, соопштија украинските власти.
Последните извештаи говорат дека 17 лица се убиени во главниот град Киев, од кои две во детска болница, а уште 11 на неколку места во регионот Дњепропетровск.
Руското Министерство за одбрана денеска ги отфрли наводите на Киев за намерен напад на руските сили врз цивилни цели нагласувајќи дека групниот напад врз воени цели во Украина е одговор на обидот на Киев да ги оштети руските енергетски и економски капацитети.