Свет
Момчињата спасени од пештерата во Тајланд добија државјанство
Трите момчиња од фудбалскиот тим и нивниот тренер кои беа заробени во пештера во Тајланд добија тајландско државјанство. Четворицата досега биле апатриди – не биле државјани на ниту една држава, поради што им биле ускратени некои од основните права, вклучувајќи ја и можноста да патуваат надвор од тајландската провинција Чианг Раи, во која живеат.
Во таа област живеат национални малцинства кои имаат потекло од соседниот Мјанмар. Апатридите во Тајланд немаат право на глас, на купување земјиште, на легално вработување, а не можат ниту слободно да се движат. Според последните официјални информации, на Тајланд има 488 105 регистрирани апатриди, а нивната вистинска бројка би можела да достигне и до 3,5 милиони.
Главниот тренер на фудбалскиот клуб, Нопарат Кантавонг, изјави дека поднел документација и за останатите седум играчи на клубот коишто се апатриди.
,,Среќен сум, фудбалот може да ги унапреди животите на децата чии семејства не се во добра позиција. Кога би добиле тајландско државјанство, ако не сакаат да играат фудбал би можеле да полагаат испити за јавни службеници или да најдат добра работа во струката во која се школувале”, вели тој.
Момчињата кои денеска добија државјанство, барањето го поднеле пред да останат заробени во пештерата. Фудбалерите на возраст од 11 до 16 години и нивниот 25-годишен тренер останаа заробени во пештерата на 23 јуни, откако силните дождови ја поплавија и го блокираа излезот кон надвор. Драматичната акција за нивното спасување со помош на нуркачи ја следеше целиот свет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.