Свет
Мора да го промениме животот за да го запреме дополнителното затоплување на планетата, порачуваат познавачите

Екстремните климатски катастрофи се предупредување на природата дека е неопходна промена на животниот стил за да се запре натамошното затоплување на планетата, се вели во коментарот на Светската организација за заштита на природата WWF Adria за големото невреме што го погоди деновиве регионот.
„Невиденото невреме што го погоди регионот однесе животи и предизвика огромни штети е предупредување за природни катастрофи, кои може да ги очекуваме сѐ почесто. Последиците од глобалното затоплување се присутни овде и сега. Науката и професијата предупредуваат за нив долго време, но сè уште без вистински и систематски одговор“, посочува WWF Adria во соопштението за печатот, пренесува „Индекс“.
Се додава дека неодамна тесно и едвај изгласаниот Закон за обновување на природата во Европскиот парламент покажал дека сè уште нема добра волја и волја кај носителите на одлуки и економијата за трансформација и декарбонизација, кои се неопходни ако сакаме да ги зачуваме малкуте природни ресурси што ни останале, а со тоа и целата планета за нашите потомци.
„Законот за обновување на природата, иако еден од клучните делови на зелениот договор на Европската Унија, едвај беше изгласан поради силната кампања на дезинформации од страна на конзервативните и десничарските политичари и одредени бизнис-лобија“, тврди WWF.
Тие велат дека ЕУ се заснова на компромис за интересите на своите земји членки, но со природата и итната потреба за решавање на климатската криза и губењето на биолошката разновидност – не треба да има компромис.
„Колку човечки животи мора да се изгубат и која е цената на материјалната штета што сме спремни да ја платиме пред да сфатиме дека мора да престанеме со натамошното затоплување на планетата, да почнеме со сериозна декарбонизација на општеството, да ја заштитиме природата и нејзините живеалишта и дека сите треба да учествуваме еднакво во оваа трансформација?“, праша извршниот директор на WWF, Наташа Калауз.
Наместо тоа, предупредува Калауз, се зголемија инвестициите во фосилните индустрии, а ние се задушуваме во пластика, која набргу ќе ги надмине рибите во морињата.
„Мораме драматично да ја намалиме зависноста од фосилните горива што ја загадуваат животната средина и да се префрлиме на обновливи извори на енергија со многу побрзо темпо. Мора да го промениме начинот на кој добиваме енергија, како патуваме, колку ресурси трошиме, како произведуваме храна и што јадеме“, нагласува Калауз.
Сите наши напори треба да бидат насочени кон транзиција кон одржлива економија и живеење во хармонија со природата, заклучува Калауз.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Зеленски вели дека украинската армија ги продолжува операциите во рускиот регион Курск

Претседателот на Украина, Володимир Зеленски денеска изјави дека украинската армија ги продолжува операциите во рускиот регион Курск.
– Нашите сили ги продолжуваат активните одбранбени операции во одредени подрачја на (руските) области Курск и Белгородск, истакна Зеленски.
Рускиот претседател Владимир Путин вчера изјави Курск е целосно ослободен.
Русија повторно воспостави контрола над Курск. Авантурата на режимот на Киев целосно пропадна, изјави вчера Путин.
Претставници на украинската армија вчера ги демантираа тврдењата на Путин и на Генералштабот на руската армија дека Курск е ослободен.
Свет
Русија лансираше 97 беспилотни летала во неколку региони низ Украина

Во текот на ноќта, Русија лансираше 97 беспилотни летала во неколку региони низ Украина, соопштија Воздухопловните сили на вооружените сили на Украина.
Воздухопловните сили објавија на Телеграм дека украинските сили собориле 66 руски беспилотни летала во текот на ноќта.
Во голем број украински региони е прогласена воздушна опасност поради лансирање руски беспилотни летала, вклучувајќи ги Полтавската и Харковската област, Одеса, Киев, Суми, Чернигов, Днепропетровск и Запорожје
Свет
Од денеска за верниците се отвора гробницата на папата Франциско во базиликата Санта Марија Маџоре во Рим

Од денеска гробницата на папата Франциско во базиликата Санта Марија Маџоре во Рим ќе биде отворена за верниците, соопшти Ватикан.
Папата, кој почина на 88-годишна возраст на 21 април од мозочен удар, беше погребан вчера во гробница одвоена помеѓу две капели во римската базилика, по церемонија на жалост одржана во Ватикан. Церемонијата на поставување на ковчегот траеше околу половина час.
На погребот во базиликата Санта Марија Маџоре присуствуваа само најблиските, а едноставниот, дрвен ковчег на папата беше пречекан со ѕвона.
На мисата во Ватикан, според официјалните податоци од Ватикан, присуствуваа околу 250.000 луѓе, како и 170 странски делегации. Меѓу нив имаше шефови на држави и влади, монарси, поранешни државници, политичари од Италија и други земји, интелектуалци, уметници. Подоцна, италијанскиот министер за внатрешни работи Матео Пјантедози изјави дека најмалку 400.000 луѓе присуствувале на погребот на папата Франциск, собрани на плоштадот „Свети Петар“ и по улиците на Рим.
Целиот настан го следеа околу 2.700 акредитирани новинари.