Свет
Мохамед Џавад Зариф: САД се секогаш добредојдени за преговори

Иранскиот министер за надворешни работи, Мохамед Џавад Зариф, вели рече дека Вашингтон е секогаш добредојден да продолжи со преговорите со Техеран, но прво мора повторно да ги укине санкциите ,пренесува Ен-би-си.
„Штом овие санкции се укинат, тогаш собата за преговори е широко отворена. САД ја напуштија преговарачката маса и секогаш се добредојдени да се вратат“, вели Зариф, кој моментно е во Њујорк на конференција на ОН.
Тој истакна дека Трамп продолжува да зборува за наводните нуклеарни аспирации на Техеран, но посочи дека Иран одамна ја напуштил својата програма за нуклеарно оружје.
Да бевме заинтересирани за развој на нуклеарно оружје, можевме да го направиме тоа многу одамна“, рече тој.
Коментирајќи во врска со неодамнешната ескалација на тензиите меѓу двете земји за кои многумина стравуваат дека би можеле да доведат до сеопфатна војна, Зариф ја минимизира можноста од вооружен конфликт.
„Не верувам дека Трамп сака војна, но верувам дека околу него има луѓе на кои војната нема да им пречи. Јас не мислам дека тие ќе успеат бидејќи, на крајот на краиштата, мислам дека ќе преовлада внимателноста. Луѓето знаат дека Иран е голема, горда земја и нема лесно да примиме воен удар“, рече Зариф.
Коментирајќи што очекува од можните идни преговори, Зариф рече дека треба да се најде ситуација во која сите ќе бидат победници, како и во сите други преговори.
„Во спротивно, ќе се најдеме во ситуација во која сите ќе изгубат“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Путин: Идиоти воведуваат санкции, паѓаат во рецесија само за да ни наштетат

Рускиот претседател Владимир Путин вчера одржа состанок со членовите на јавната организација „Бизнис Русија“. Тој ги коментираше санкциите што ЕУ планира да ги воведе врз Русија.
„Се чини дека нема да го направат ова и она затоа што им штети. Но, тие навистина го прават тоа – идиоти. Извинете за изразот. Но, што друго можам да кажам? Водечките светски економии паѓаат во рецесија само за да ни наштетат“, рече Путин.
Putin is really not happy about new sanctions. He calls those imposing sanctions on him “idiots”
“The world economy is going into a recession just to hurt us” pic.twitter.com/Pf9HH8yyd7
— Polymarket Intel (@PolymarketIntel) May 13, 2025
Европската унија го одобри 17-тиот пакет санкции против Русија, изјави за „Киев Индепендент“ висок функционер на ЕУ, кој побара анонимност. Мерките се насочени кон речиси 200 бродови од руската „флота во сенка“, 30 компании вклучени во избегнување на санкции и 75 санкции против субјекти и поединци поврзани со рускиот воено-индустриски комплекс и други цели.
Свет
(Видео) За прв пат снимено како се формира срцето: „Ова фундаментално менува сè“

За прв пат, научниците успеаја да направат извонредни „тајмлапс“ слики што го прикажуваат моментот кога срцето почнува да се формира.
Сликите покажуваат како срцевите клетки во ембрион на глушец спонтано почнуваат да се организираат во форма слична на срце во многу рана фаза од развојот. Научниците веруваат дека оваа техника би можела да обезбеди нови сознанија за вродените срцеви мани кои влијаат на речиси едно од 100 новороденчиња, пишува „Гардијан“.
„Ова е прв пат да можеме да ги набљудуваме срцевите клетки толку внимателно и во толку долг временски период во развојот на цицачите“, рече д-р Кензо Иванович од Институтот за здравје на децата „Грејт Ормонд Стрит“ при Универзитетскиот колеџ во Лондон (UCL), главен автор на студијата.
„Прво моравме сигурно да одгледуваме ембриони во садови подолг период, од неколку часа до неколку дена, и она што го откривме беше сосема неочекувано.“
Сликите од развојот на ембрионот се направени со помош на напредна техника на светлосна микроскопија што им овозможи на научниците да ги следат ембрионите додека минуваат низ клучна фаза од развојот позната како гаструлација, кога ембрионот почнува да формира различни типови клетки и да воспоставува основни телесни оски.
Кратко потоа, клетките на срцевиот мускул се организираат во голема цевка која потоа се дели на оддели од кои ќе се развијат ѕидовите и коморите на срцето. Кај деца со вродени срцеви мани, овој процес може да предизвика дупка во ѕидовите на срцето.
Користејќи флуоресцентни маркери, тимот ги обележал клетките на срцевиот мускул – кардиомиоцити – кои светеле во различни бои. Слики биле правени на секои две минути во текот на 40 часа, покажувајќи како клетките се движат, се делат и формираат примитивен орган. Ова им овозможи на истражувачите точно да следат каде и кога првите клетки што го сочинуваат срцето се појавуваат во ембрионот.
Научниците откриле дека рано за време на гаструлацијата (околу шестиот ден од развојот на ембрионот кај глувците), се појавуваат клетки кои се развиваат исклучиво во срцето и дека се однесуваат на високо организиран начин. Наместо да се движат случајно, клетките следат јасно дефинирани патеки – без разлика дали ги формираат срцевите комори (коморите што пумпаат крв) или преткоморите (каде што крвта влегува во срцето од телото и белите дробови).
„Нашите наоди покажуваат дека одлуката на клетката да стане срцева клетка и нејзиното насочено движење може да се случи многу порано во ембрионалниот развој отколку што сугерираа претходните модели“, рече Иванович. „Ова фундаментално го менува нашето разбирање за развојот на срцето бидејќи покажува дека она што изгледа како хаотична клеточна миграција всушност следи скриени обрасци што обезбедуваат правилно формирање на срцето.“
Научниците веруваат дека ова знаење би можело да го подобри разбирањето и третманот на вродените срцеви мани, но и да го забрза напредокот во одгледувањето на срцево ткиво во лабораторија за целите на регенеративната медицина. Студијата е објавена во EMBO Journal.
Европа
ЕУ го одобри 17-тиот пакет санкции против Русија, вели извор

Европската унија го одобри 17-тиот пакет санкции против Русија, изјави за „Киев Индепендент“ висок функционер на ЕУ, кој побара анонимност. Мерките се насочени кон речиси 200 бродови од руската „флота во сенка“, 30 компании вклучени во избегнување на санкции и 75 санкции против субјекти и поединци поврзани со рускиот воено-индустриски комплекс и други цели.
Новиот пакет, исто така, вклучува мерки насочени кон руските хибридни операции, поточно воспоставување правна основа за дејствување против пропагандните канали или бродови и субјекти вклучени во саботажа на подводни кабли, аеродроми или сервери.
„Значи, гледате каде одиме. Покрај ‘традиционалните’ секторски и индивидуални санкции, го прошируваме опсегот и поактивно применуваме други видови санкции за да ја погодиме Русија таму каде што гледаме закани или обиди за заобиколување на постојните мерки“, рече изворот.