Свет
Навални: Путин развива нов вид хемиско оружје

Рускиот опозициски лидер Алексеј Навални тврди дека рускиот претседател Владимир Путин развива нов вид хемиско оружје со кое неодамна беше отруен.
Во интервју за Си-би-ес, Навални истакна дека Путин го користи тоа оружје за да го убие и со тоа да ги исплаши другите, тврдејќи дека рускиот претседател ужива кога луѓето паѓаат мртви без пушка и трага дека нешто се случило, пренесува порталот Кликс.ба .
Жестокиот критичар на Кремљ беше отруен со нервниот агенс новичок во Русија, по што мина 32 дена во болница, од кои 24 на интензивна нега.
Рускиот лидер на опозицијата додаде дека новичок е можеби најотровната алатка што ја измислиле луѓето, и дека онаа со која е затруен е всушност нов вид. „Ова докажува дека Путин развива нова програма за ова забрането хемиско оружје“, рече Навални.
Потоа, тој објасни колку е исклучително тешко да се дојде до новичок, а за тврдењата на другите дека Путин не е одговорен за нападот врз него, Навални се прашува зошто тогаш нема истрага.
Во интервју за „Си-би-ес“, Навални го повика американскиот претседател Доналд Трамп да го осуди хемискиот напад врз него.
„Сметам дека е исклучително важно сите, се разбира, вклучително и претседателот на САД, да бидат против употребата на хемиско оружје во 21 век“, изјави Навални за Си-би-ес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Стармер: Ќе играме водечка улога во безбедносните гаранции за Украина

Британскиот премиер Кир Стармер им се обрати на работниците во фабрика за одбрана во Ливерпул.
„Безбедноста и одбраната на нашата земја, на Европа и на Украина се апсолутно најважни во овој момент“, рече тој.
На прашањето за воената поддршка за Украина премиерот изјави дека она што е најважно е траен мир, кој ќе стави крај на војната и ќе гарантира дека Украина може да носи свои одлуки.
„Важно е сите да се фокусираат на тоа. Ако има договор, ќе го браниме договорот“, додаде.
Тој истакна дека владата мора да се фокусира на потенцијалните безбедносни гаранции и додаде дека „Обединетото Кралство ќе игра водечка улога“ во тоа.
„Ова мора да се направи во соработка со САД“, одлучен е Стармер.
Свет
Захарова: Испраќањето мировни сили во Украина дополнително ќе ја ескалира војната

Во Русија портпаролката на Министерството за надворешни работи предупреди дека испраќањето европски мировен контингент во Украина и евентуалниот едномесечен прекин на огнот само дополнително ќе ја ескалира војната.
„Конфликтот неизбежно ќе избувне повторно со обновена сила… Ова е апсолутно неприфатливо“, рече Марија Захарова.
Додаде дека идејата за европските мировни сили во Украина покажува дека европските лидери не научиле ништо од минатото.
Захарова исто така тврди дека секоја европска мировна мисија, доколку се спроведе, само ќе ја продолжи агонијата на режимот во Киев.
Свет
Судот: „Бионтек“ и „Фајзер“ го украдоа патентот на „Модерна“ кога ја развиваа вакцината против Ковидот

Германската биотехнолошка компанија „Бионтек“ и нејзиниот американски партнер „Фајзер“ незаконски ја користеле заштитената интелектуална сопственост на „Модерна“ во развојот на вакцината против Ковидот и мора да ѝ платат компензација, одлучи германскиот суд.
„Бионтек“ и „Фајзер“ ги прекршиле патентните права на „Модерна“ при развивањето на вакцината против Ковид-19, пресуди судот во Диселдорф и мора да ѝ платат соодветна компензација.
Пресудата вклучува и барање „Бионтек“ и „Фајзер“ да дадат информации за профитот од користењето на патентот.
„’Модерна’ со седиште во САД поднесе барања за информации и отштета поради прекршување на нејзините патентни права во развојот на вакцината против Ковид-19. Регионалниот суд во Диселдорф пресуди во корист на ‘Модерна’“, рече портпаролката.
Обвинетите компании тврдеа дека „Модерна“ ја одобрила употребата на патентот во соопштение за печатот во октомври 2020 година. Дозволата, тврдат тие, важела до 5 мај 2023 година кога Светската здравствена организација (СЗО) објавила дека коронавирусот повеќе не е закана за јавното здравје.
Судот, сепак, утврди дека „Модерна“ ја повлекла лиценцата во соопштението за печатот објавено на 7 март 2022 година. Затоа, според судот, германски „Бионтек“ и американски „Фајзер“ ќе треба да плаќаат за користење на патентот 14 месеци по одземањето на лиценцата, а не само од мај 2023 година.
Германскиот суд допрва треба да ја одреди висината на обесштетувањето на „Модерна“. „Фајзер“ и „Бионтек“ имаат право на жалба.