Свет
„Нападите нема да го сменат нашиот став“ – Хутите реагираат на серијата воздушни напади од САД и Велика Британија
Хутите рекоа дека нема да бидат спречени од Обединетото Кралство и САД откако земјите започнаа круг заеднички воздушни напади врз капацитетите на групата во Јемен.
Минатата ноќ, САД и Обединетото Кралство користеа прецизно наведувани бомби за да погодат голем број цели на Хутите како одговор на континуираните напади врз бродовите во Црвеното Море.
Хутите, кои ги контролираат најнаселените делови на Јемен, велат дека нивните напади се во знак на солидарност со Палестинците додека Израел ја напаѓа Газа.
Но, САД и нивните сојузници ги карактеризираат како недискриминирачки и опасни за глобалната трговија.
Воениот портпарол на Хутите, Јахја Сареа, во изјава посочи дека интервенцијата на групата во Црвеното Море ќе продолжи.
„Овие напади нема да не одвратат од нашиот етички, верски и хуманитарен став за поддршка на отпорниот палестински народ во Појасот Газа“, рече Сареа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Литванија побара од Меѓународниот кривичен суд да ги истражи злосторствата на Лукашенко против човештвото
Литванија поднесе барање до Меѓународниот кривичен суд да ги истражи можните злосторства против човештвото од режимот на белорускиот лидер Александар Лукашенко.
„Денеска, 30 септември, претставници на Министерството за правда испратија барање на Република Литванија до Меѓународниот кривичен суд за покренување истрага во согласност со член 14 од Римскиот статут во врска со ситуацијата во Белорусија, особено во однос на злосторствата против хуманоста извршена од режимот на Александар Лукашенко – присилна депортација и прогон на лица и други сурови дејствија што се спротивни на основните норми на меѓународното право“, се наведува во соопштението на веб-страницата на Министерството за правда на Литванија.
Се додава дека „иако Белорусија не е земја потписничка на Римскиот статут за основање на Меѓународниот кривичен суд, овој суд има јурисдикција и да истражува ситуации во кои злосторствата против човештвото ги преминуваат границите на државите потписнички на Римскиот статут, како што е Литванија. “
Свет
Ердоган повика на мобилизација на муслиманите: „Тажен сум што не сме поактивни против Израел“
Турскиот претседател Реџеп Таип Ердоган рече дека Генералното собрание на Обединетите нации треба да препорача употреба на сила, во согласност со резолуцијата што ја усвои во 1950 година, доколку Советот за безбедност на ОН не успее да ги запре израелските напади врз Газа и Либан.
Турција, членка на НАТО, ги осуди разорните израелски напади врз Хамас во Газа и Хезболах во Либан. Анкара ја запре целата трговија со Израел и поднесе барање да се приклучи на тужбата за геноцид против Израел пред Светскиот суд.
„Генералното собрание на ОН треба брзо да го искористи овластувањето да препорача употреба на сила, како што направи со резолуцијата Обединети за мир од 1950 година, доколку Советот за безбедност не може да ја покаже потребната волја“, рече Ердоган по состанокот на владата.
Во резолуцијата се наведува дека Генералното собрание на ОН може да се вклучи доколку несогласувањата меѓу петте постојани членки на Советот за безбедност со право на вето – Велика Британија, Кина, Франција, Русија и САД – не успеваат да го одржат меѓународниот мир.
Советот за безбедност е единственото тело на ОН кое може секојдневно да донесува законски обврзувачки одлуки, како што се одобрување употреба на сила и воведување санкции.
Ердоган, исто така, рече дека е тажен што муслиманските земји не успеваат да заземат поактивен став против Израел, барајќи од нив да преземат економски, дипломатски и политички мерки против Израел за да го притиснат да прифати примирје.
„За мир на сите во нашиот регион, од муслимани до Евреи до христијани, ја повикуваме меѓународната заедница и муслиманскиот свет да се мобилизираат“, рече Ердоган, додавајќи дека нападите на Израел ќе бидат насочени и кон муслиманските земји, доколку наскоро не бидат запрени.
Регион
(Видео) Дунав поплави село во Србија: До него се стигнува само со брод
Рибарско викенд село кај Сомбор е поплавено поради покачувањето на нивото на реката Дунав и единствен начин да се стигне до селото е со брод.
Водата ги поплави викендичките до висина на прозорците.
View this post on Instagram
– Во ова викенд одморалиште нема струја и во моментов се стигнува само со брод – пишува во описот на видеото објавено на Инстаграм.
Се наведува и дека ваков вид поплави годинава се случуваат по трет пат и дека мештаните се навикнати секогаш да бидат први на удар.