Свет
Натанјаху кај Бајден: Сакам да ви се заблагодарам за последните 50 години
Американскиот претседател Џо Бајден повика на прекин на огнот во Газа за време на разговорите со израелскиот премиер Бенјамин Нетанјаху во Вашингтон, пренесува „Ројтерс“. Ова беа први приватни разговори меѓу двајцата политичари откако Бајден отпатува во Израел по нападот на Хамас на 7 октомври кога го прегрна Нетанјаху и вети американска поддршка.
Портпаролот за национална безбедност на Белата куќа, Џон Кирби, рече дека сè уште има разлики меѓу Израел и милитантите на Хамас, кои владеат со палестинската енклава, за тоа како да се постигне примирје „но ние сме поблиску до тоа сега отколку кога било“.
„Двете страни мора да направат компромиси“, рече Кирби.
Портпаролот на Стејт департментот, Мет Милер, верува оти пораката од американската страна на тој состанок ќе биде дека треба да се направи мировен договор.
Посетата се совпаѓа со промената во американската политика. Во неделата Бајден (81) се повлече од претседателската трка под притисок на другите демократи и ја поддржа Камала Харис за претседателската номинација на Демократската партија во 2024 година.
„Имаме многу теми за разговор“, рече Бајден кога се сретна со Нетанјаху во Овалната соба.
„Сакам да ви се заблагодарам за 50-годишната јавна служба и 50-годишната поддршка за државата Израел“, му рекол Нетанјаху на Бајден. Потпретседателката Камала Харис исто така се состана со Нетанјаху во нејзината свечена канцеларија во Белата куќа.
Нетанјаху денес патува за Флорида за да се сретне со поранешниот претседател и републикански кандидат Доналд Трамп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Харис: Убиството на Синвар нуди шанса да се стави крај на војната во Појасот Газа
Американскиот потпретседател и кандидат на демократите Камала Харис изјави денеска, по убиството на лидерот на Хамас, Јахја Синвар, дека овој момент нуди шанса да се стави крај на војната во Појасот Газа.
„Правдата е задоволена. Синвар е одговорен за убиството на илјадници невини луѓе, вклучувајќи ги и жртвите на 7 октомври и заложниците убиени во Газа“, рече Харис.
Таа изрази надеж дека наскоро ќе започне „ден потоа без Хамас“ на власт во палестинската енклава, пренесува Ројтерс.
Регион
Во Србија пронајдени три деца киднапирани во Романија
Киднапирани деца од Романија, денеска биле пронајдени во српскиот град Ниш. Министерот за внатрешни работи Ивица Дачиќ денеска за ова ја информирал министерката за внатрешнира работи на Романија.
Случајот во последните денови ја брануваше романската јавност.
Имено, министерот Дачиќ ја информирал својата романска колешка дека припадниците на Министерството за внатрешни работи, Управата за криминалистичка полиција, Службата за сузбивање криминал и Техничката управа, во соработка со Полициската управа во Ниш, постапувајќи по пријава за кривично дело киднапирање извршено во Романија, уапсен е романски државјанин А.М.(1970) поради сомнение дека ги грабнал неговите три малолетни деца, исто така романски државјани на возраст од 11, 9 и 8 години.
Свет
По Германија и Франција ги враќа граничните контроли
Франција најави воведување привремени гранични контроли со шест земји, од 1 ноември 2024 година до 30 април 2025 година, пишува Луксембург Тајмс.
Како што пишува овој медиум, Франција и најавила на Европската комисија гранични контроли на границите со Луксембург, Белгија, Германија, Шпанија, Италија и Швајцарија.
Минатиот месец, Германија повторно ги воведе граничните контроли со Луксембург, поставувајќи контролни пунктови долж автопатите каде Германија ја дели својата граница со Луксембург. Како и Франција и Германија ги карактеризираше своите активности како неопходен одговор на тековните безбедносни закани.