Свет
Најмалку 43 лица загинаа во напади во Сирија
![](https://makfax.com.mk/wp-content/uploads/2019/05/bombardiranje-sirija.png)
Во напади во Идлиб загинаа најмалку 43 луѓе, а ранети се повеќе од 100 лица, соопшти Сириската организација за човекови права со седиште во Лондон.
Триесет и седум цивили загинале во нападите во кои е погоден пазар и области во градот Марет-ал-Нуман во провинцијата Идлиб, а шест во напади од воздух во соседниот град Саркиб.
Руското Министерство за одбрана демантира дека нивни авиони ги извршиле нападите. Претходно, Сириската организација за човекови права соопшти дека, најверојатно, руски или сириски авиони ги извршиле нападите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Прва реакција на Путин по преговорите со САД: Го направивме првиот чекор, сакам да се сретнам со Трамп
![](https://makfax.com.mk/wp-content/uploads/2024/02/putin6.jpg)
Рускиот претседател Владимир Путин првпат реагираше на вчерашната прва рунда преговори со Американците за Украина.
Тој позитивно го оцени исходот од преговорите меѓу руската и американската делегација во Ријад, истакнувајќи дека средбата е првиот чекор за обновување на соработката во различни области, вклучително и Блискиот Исток, енергетиката и вселенското истражување. Според него, целта на разговорите била да се врати довербата меѓу двете земји, без која, како што тврди, не е можно да се реши ниту едно клучно прашање, вклучително и конфликтот во Украина, пренесуваат медиумите во регионот.
Путин нагласи дека Русија никогаш не ја отфрлила можноста за преговори за Украина и дека не ги прекинала контактите ниту со Европејците, ниту со Киев. Според него, европските и украинските власти ги прекинале или забраниле овие контакти. Тој исто така додаде дека Москва не се меша во внатрешните работи на САД и Европа, за разлика од европските лидери кои, според него, отворено влијаеле на американските избори и користеле навредлив тон кон политичките актери во САД.
Коментирајќи ја можноста за средба со Доналд Трамп, Путин рече дека волјата за одржување на средбата е обострана, но дека поради состојбата на односите меѓу двете земји, таквата средба е понапорна од обичен разговор „на шолја кафе“. Тој исто така истакна дека Трамп сега почнува да добива „објективни информации“ за ситуацијата.
Заклучувајќи за односите меѓу Москва и Вашингтон, Путин рече дека двете страни се согласиле за потребата од враќање на работата на дипломатските претставништва во нормален режим, што може да се смета за еден од првите конкретни чекори кон намалување на тензиите.
Свет
Зеленски: Не можам да ја продадам Украина
![](https://makfax.com.mk/wp-content/uploads/2025/02/3b8b2d55-f09d-47f9-b9e0-4bae11121797-1.jpg)
Претседателот на Украина, Володимир Зеленски, денеска ги отфрли барањата на САД за 500 милијарди долари минерали од Украина со цел Вашингтон да продолжи да обезбедува воена помош за Киев, велејќи дека САД досега не доставиле ни приближно до таа сума и не понудиле конкретни безбедносни гаранции во договорот, пишува Ројтерс.
Украинскиот лидер, кој е под силен притисок од Белата куќа на Трамп, според медиумот, рече дека Вашингтон и доставил на неговата земја 67 милијарди долари (64,22 милијарди евра) оружје и 31,5 милијарди долари (30,19 милијарди евра) директна буџетска поддршка за време на речиси тригодишната војна со Русија.
„Не можете да ги наречете овие 500 милијарди и да барате да вратиме 500 милијарди минерали или нешто друго. Ова не е сериозен разговор“, рече Зеленски.
Според него, предложениот договор не содржи безбедносни одредби што итно и треба на Украина за да се заштити од руска агресија. Тој рече дека нацрт-договорот предвидува САД да преземат сопственост на 50 отсто од клучните минерали во Украина.
„Јас ја бранам Украина, не можам да ја продадам нашата земја. Реков во ред, дајте ни некаква позитива. Напишете некакви гаранции, а ние ќе напишеме меморандум, некакви проценти“, рече тој.
„Ми рекоа: само 50 (проценти). Реков: Добро, не. Нека работат адвокатите уште малку, не ја завршија целата потребна работа. Јас сум само носител на одлуки, не работам на деталите од овој документ. Нека поработат на тоа“.
Прашањето за тоа колкава помош и дадоа САД на Украина станува од големо дипломатско значење додека Киев се обидува да ја задржи поддршката од својот најважен сојузник. Во своите коментари вчера, Трамп се запраша каде отидоа парите донирани за Украина.
Зеленски, одговарајќи на тие коментари, рече дека вкупната помош од САД и Европската унија изнесува 200 милијарди долари (191,69 милијарди евра) од вкупно 320 милијарди долари (306,71 милијарди евра) потрошени за вооружување за воените напори.
Украинците го поднесоа остатокот од трошоците од околу 120 милијарди долари (115,02 милијарди евра), додаде тој.
Свет
Австрија: Уапсен тинејџер, планирал напад на железничка станица во Виена
![](https://makfax.com.mk/wp-content/uploads/2021/03/Avstrija-4.jpg)
Австриските власти уапсија четиринаесетгодишник под сомнение дека планирал напад на железничката станица Вестбанхоф во Виена, објави денеска австриската агенција АПА.
Тинејџерот беше уапсен, а во неговата куќа беа пронајдени предмети кои сугерираат дека ја поддржува Исламската држава.
Извештајот следи по нападот со нож во јужниот град Филах во саботата, во кој 23-годишен бегалец од Сирија е осомничен дека убил тинејџер и ранил пет лица, јавува Ројтерс.
Според австриските власти, тој човек се радикализирал откако гледал исламистички видеа на социјалните мрежи, пренесува Танјуг.