Свет
Најстарата жена во светот има 116 години, се буди во 6 часот и сака математика

Јапонката, Кане Танака, која има 116 години, сака математика и смета дека токму сега е најдобриот период од нејзиниот живот. Таа е прогласена за најстариот човек во светот, соопштија денеска претставници од Гинисовата книга за рекорди.
Кане Танака е родена на 2 јануари во 1903 година, кога браќата Орвил и Вилбур Рајт го имале првиот успешен авионски лет во историјата, што се смета за почеток на модерната авијација.
Официјалното влегување во Гинисовата книга на рекорди беше обележано во старечкиот дом во Фукуоака во западна Јапонија.
Кане во 1922 година се омажила за Хидео Танака. Родила четири деца, а едно посвоила подоцна. Јапонката се буди околу 6 часот, а попладне се занимава со математика или со калиграфија.
Јапонците се познати по долговечноста. Џироемон Кимура, кој почина во јуни 2013 година, имаше 116 година и долго време беше најстариот маж во светот. По него, таа титула ја презеде друг Јапонец, Масазо Нонака, кој имаше 113 години, а почина во јануари годинава.
Според претставниците на Гинис, рекордот во долговечност мора да биде официјално потврден.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Невреме во Црна Гора: Сè беше забелено

Невремето што денес ја погоди околината на Колашин во Црна Гора донесе неочекувани сцени за првиот дел од август, сè е покриено како со бела покривка, пишуваат медиумите во регионот.
Сепак, според написите, не станува збор за снег, туку за град што падна низ целата област.
Според проценките, на некои места слојот на град достигнува и до 15 сантиметри.
Овој августовски пејзаж е вистинска реткост во овој дел и не се памети во поновата историја, пренесуваат медиумите.
Дел од скијачките патеки исто така беше покриен со град, а невремето предизвика значителни штети на планинските патишта, што претставува дополнителен предизвик за локалните жители и туристите.
Фото: принтскрин
Свет
Орбан: Не ја признаваме пресудата против Додик

Унгарија не ја признава конечната пресуда на Апелациониот совет на Судот на Босна и Херцеговина, со која беше потврдена првостепената одлука од февруари оваа година, објави премиерот на таа земја, Виктор Орбан.
„Унгарија не ја признава судската пресуда против претседателот Милорад Додик. Обидите на супервизорите назначени од ЕУ да го отстранат поради спротивставување на нивната глобалистичка агенда се неприфатливи. Тој е легитимен, избран лидер на Република Српска – ние цврсто се спротивставуваме на мешањето на Брисел во суверените прашања. Ништо не може да биде над волјата на народот“, напиша Орбан на социјалната мрежа Икс.
Медиумите во регионот потсетуваат дека Апелациониот оддел на Судот на Босна и Херцеговина во петокот ја потврди првостепената пресуда против претседателот на Република Српска, Милорад Додик, со која тој беше осуден на една година затвор и шестгодишна забрана за политичка активност поради непочитување на одлуките на Кристијан Шмит.
Свет
(Видео) Пукање во Лос Анџелес: има загинати и повредени

Најмалку две лица се убиени, а шест се ранети денес во пукање за време на забава по музички фестивал во центарот на Лос Анџелес, објавија властите.
Полицијата изјави дека едно лице осомничено за пукањето е уапсено.
LOS ANGELES MASS SHOOTING: Mass shooting after Hard Summer Music Festival afterparty in Inglewood, LA. 2 killed, 6 injured. pic.twitter.com/Rgra9sY59O
— Breaking911 (@Breaking911) August 4, 2025
Забавата беше промовирана на социјалните мрежи како неофицијална забава по фестивалот „Hard Summer”, викенд фестивал на техно музика што се одржува во Холивуд Парк, објави АП.
Нема информации за мотивот на нападот.
Полицијата објави дека отворила истрага.