Свет
На САД им требаат 225 бомбардери за да им се спротивстават на Русија и на Кина
САД мора да го зголемат бројот на бомбардери од 156 на 225 или повеќе за да можат да им се спротистават на Русија и на Кина во новите услови, пренесува порталот „Вориор мејвен“, повикувајќи се на шефот на стратешката команда на глобалните напаѓачки сили, Тимоти Реј.
Високи американски воздухопловни офицери сметаат дека актуелниот недостиг од американски бомбардери ја доведува во ризик целата земја во случај на непријателски напад. Според генерал Реј, на воздухопловните сили на САД им се потребни 225 бомбардери за да одговорат на потенцијална закана од ривалите како Русија и Кина
Експертите истакнуваат дека проблемот на флотата бомбардери е влошен и поради староста на авионите: Б-1С, Б-2С и Б-52 се во употреба во САД повеќе децении. Иако Вашингтон ги подобрува своите авиони, што им овозможува долго да ги чуваат во употреба, на американските воздухопловни сили им се потребни нови модели како што е Б-21 „рејдер“, за кој се очекува дека ќе се појави во 2020 година.
„Американската авијација е геријатријска сила: има бомби, танкери и летала за тренирање постари од 50 години, хеликоптери постари од 40 години и бомбардери постари од 30 години, а ѝ недостигаат повеќе од 2.000 пилоти“, вели генерал-потполковникот Давид Дептула, декан на Институтот за воздухопловни студии „Мичел“.
Изјавите на генералите следат по повеќе соопштенија од Пентагон во кои се истакнува дека американските воздухопловни сили до 2025 година би можеле да засотануваат зад Русија и Кина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пронајдено телото на уште една жртва од поплавите во БиХ, операцијата за извлекување е во тек
Уште една жртва од минатонеделните катастрофални поплави е пронајдена во областа Коњиќ, така што бројот на загинати само во Херцеговско-неретванскиот кантон се искачи на 21. Операцијата за спасување е во тек.
Покрај 21 загинат во оваа област, тројца загинаа во Фојница, така што во БИХ досега се евидентирани вкупно 24 жртви од поплавите, пренесува Н1.
Откако ќе заврши извлекувањето на телото, ќе следи идентификација, изјави за Н1 градоначалникот на Коњиќ, Осман Ќатиќ.
Се трага по телата на уште три исчезнати лица во Јабланица, а по едно во Коњиќ.
Свет
Најмалку 30 лица загинаа во израелските напади врз бегалскиот камп Џабалија во Газа
Најмалку 30 лица загинаа во израелските напади врз бегалскиот камп Џабалија во северниот дел на Газа, соопшти Агенцијата за цивилна заштита во Газа.
Портпаролот на Агенцијата Махмуд Басал изјави дека 12 лица, меѓу кои и жени и деца, загинале во нападот што се случил синоќа нешто пред 21:40 часот по локално време, додека 14 лица се водат како исчезнати и најверојатно заробени под урнатините.
Пред тој инцидент, директорот на Агенцијата Ахмад ал-Кахлут рече дека 18 лица биле убиени во неколку напади, вклучително и напади врз осум училишта во кампот, кои служеле како засолништа за раселените лица.
Најмалку 110 лица се повредени во нападите што се случија во текот на денот.
Израелската армија тврди дека убила десетици милитанти во Џабалија, без да обезбеди никакви докази.
Фотографиите што ги објавија медиумите од околината покажаа дека меѓу загинатите има многу деца.
Во меѓувреме, добротворната организација Лекари без граници соопшти дека илјадници луѓе се заробени во кампот, додека член на персоналот рече дека луѓето кои се обидувале да заминат биле „застрелани“.
„Никој не смее да влезе ниту да излезе, а секој што се обидува да замине е застрелан“, напиша координаторката на проектот на Лекари без граници, Сара Вилстек на мрежата Х.
Лекари без граници за Ројтерс изјавија дека најмалку 61 Палестинец биле убиени вчера низ Појасот Газа.
Новинари, исто така, се убиени и ранети во израелската офанзива во северниот дел на Газа, во која, според Гардијан, се мета и болниците, а Ал Џезира оваа недела повторно го обвини Израел дека намерно ги гаѓал откако двајца негови новинари беа тешко повредени.
Израел негира дека намерно гаѓал новинари.
Претставници на ОН изразија загриженост дека тековната израелска офанзива и наредбите за евакуација во северниот дел на Газа може да ја нарушат втората фаза од кампањата за вакцинација против детска парализа, која треба да започне следната недела.
Групите за помош го спроведоа првиот круг вакцини минатиот месец, откако во август беше откриено бебе делумно парализирано од вирусот на детска парализа тип два, прв таков случај на територијата во последните 25 години.
Свет
„Боинг“ планира да отпушти десет проценти од работниците
„Боинг“ планира да отпушти десет проценти од своите работници во наредните месеци бидејќи продолжува да губи пари и се обидува да се бори против штрајкот што ја спречува компанијата да ги произведува своите најпродавани авиони.
Новиот извршен директор Кели Ортберг испрати електронска пошта до персоналот во која вели дека отпуштањата ќе вклучуваат директори, менаџери и други работници.
Компанијата веќе воведе континуирани отпуштања, но Ортберг рече дека нема да има повеќе поради претстојните отпуштања кои ќе укинат 17.000 работни места, пишува РСЕ.
Компанијата ќе го одложи пуштањето во продажба на новиот авион, 777X, во 2026 година наместо во 2025 година.
Исто така, ќе го прекине производството на товарната верзија на својот авион 767 во 2027 година, откако ќе ги исполни сите нарачки.
„Боинг“ загуби повеќе од 25 милијарди долари од почетокот на 2019 година.
Синдикатот на машинските работници штрајкува од 14 септември, а дводневните преговори оваа недела не постигнаа договор.