Американскиот државен секретар Марко Рубио изјави дека Русија подготвува документ со барања за прекин на огнот во Украина, што би можело да отвори пат за продолжување на мировните преговори. Изјавата доаѓа по телефонскиот разговор што Рубио го оствари со рускиот министер за надворешни работи, Сергеј Лавров.

Во интервју за американската телевизија Си-Би-Ес, Рубио посочи дека и Украина работи на сопствен предлог и изрази надеж дека двете страни ќе излезат со свои документи во наредните денови.

„Ако тие листи имаат идеи кои се реални и рационални, тогаш мислам дека сме постигнале напредок. Но, ако барањата се нереални, ќе мора да направиме поинаква проценка“, рече Рубио, додавајќи дека овој процес не смее да се претвори во бесконечни разговори без резултати.

Тој истакна дека директен дијалог меѓу рускиот претседател Владимир Путин и украинскиот претседател Володимир Зеленски би имал позитивен ефект врз преговорите и дека очекува тоа да се случи наскоро.

Рубио потврди дека со Лавров разговарал и за време на преговорите меѓу руската и украинската делегација во Истанбул, одржани на 16 мај. Тој ги оцени разговорите како конструктивни, бидејќи бил постигнат договор за размена на 1.000 воени заробеници од двете страни.

На прашањето дали Русија преку новите преговори се обидува само да добие на време, Рубио одговори: „Тоа ќе се покаже сега“.

На инаугуративната миса одржана денеска на плоштадот „Свети Петар“ во Ватикан, новоизбраниот папа Лав XIV вети дека ќе се залага за единство во Римокатоличката црква, повикувајќи на помирување и слога во време на длабоки поделби.

„Сакам Црквата да биде симбол на мирот во светот. Единството не е само наш повик, туку и наш долг“, изјави Папата во својата прва проповед пред десетици илјади верници, како и бројни светски и црковни лидери кои присуствуваа на свечената церемонија.

Американските медиуми ја истакнуваат важноста на оваа порака, особено во контекст на се поголемата поларизација во рамките на Римокатоличката црква, особено во САД.

Во текот на свеченоста, на папата Лав XIV му беа врачени и трите главни симболи на неговата папска функција: палиумот, литургиската облека и рибарскиот прстен – познат како Пискаторски прстен.

Литургиската облека е изработена од јагнешка волна, што ја симболизира улогата на папата како пастир. Палиумот, кој се носи преку рамото и се прицврстува со три иглички што потсетуваат на шајките од Христовиот крст, го претставува товарот и мисијата на пастирската служба. Рибарскиот прстен, кој традиционално се уништува по смртта на папата, го симболизира односот на Светиот Отец со Свети Петар, првиот папа и рибар по занимање.

Папата Лав XIV стапува на функцијата во време на глобални предизвици и духовни расколи, со порака дека ќе ја води Црквата кон помирување и обновување на довербата кај верниците ширум светот.

Романскиот претседателски кандидат и лидер на ултранационалистичката партија Алијанса за единство на Романците, Георге Симион, и кандидатот на минатогодишните поништени избори, Калин Ѓорѓеску, беа изнесени од гласачко место во Могосоаја (предградие на Букурешт) од страна на полицијата.

Симион и Ѓорѓеску сакаа да дадат изјави на гласачкото место веднаш по гласањето, што е забрането со закон.

Romanian presidential candidate, leader of the Alliance for the Unification of Romanians George Simion and the favorite of the cancelled 2024 elections Calin Georgescu were escorted out of a polling station in Mogosoaia (a suburb of Bucharest) by police.

After voting in the… pic.twitter.com/RcD2xjn2eF

— Sprinter Observer (@SprinterObserve) May 18, 2025

Полицаецот ги информирал политичарите дека јавните настапи се забранети на гласачките места, по што биле принудени да излезат во ходникот на училиштето, каде што се наоѓало гласачкото место.

„Она што го направи е погрешно“, му рече Симион на полицаецот, изразувајќи го своето незадоволство од постапките на полицајците.

Откако го напушти гласачкото место, Ѓорѓеску им рече на новинарите дека гласал „за христијанска Романија“ и „семејни вредности“.

George Simion si Calin Georgescu au votat!

Au votat pentru Romania si pentru viitorul Romaniei!

🇷🇴 pic.twitter.com/bKfNwDSV5i

— Dacian Romulus (@dacianromulus) May 18, 2025

Се очекува излезноста да биде голема, а денот на изборите се одвива во атмосфера на зголемена тензија и построги безбедносни мерки, особено во урбаните центри. Романските власти ги предупредија сите кандидати и партии да го почитуваат изборниот молк и забраната за политички активности во и околу избирачките места.

Polițiștii lui Predoiu îl dau afară pe George Simion și Călin Georgescu din secția de votare în timpul declarațiilor!
În același timp, Predoiu oferea interviu fix în secția de votare!
Aici vedeți mizeria pură a Sistemului! pic.twitter.com/wu782BAZFD

— censoredforlife (@bobbydtiktok) May 18, 2025

Да потсетиме, на Калин Ѓорѓеску, ултранационалистички политичар и поранешен кандидат за претседател на Романија, му беше забрането да учествува на претседателските избори во 2025 година откако властите утврдија дека неговата претходна кампања била под влијание на странско мешање и неправилности во финансирањето.

На претседателските избори во ноември 2024 година, Ѓорѓеску неочекувано освои најмногу гласови во првиот круг, но романскиот Уставен суд ги поништи резултатите од изборите на 6 декември 2024 година, наведувајќи докази за руско мешање во кампањата, вклучително и користење на стотици сметки на „TikTok“ за негова промоција, како и непријавени донации во износ од околу еден милион евра.