Свет
На Украина ѝ треба посилна воздушна одбрана за да заштити рутите за извоз на жито, кажа Зеленски
На Украина и треба посилна воздушна одбрана за да заштити рутите за извоз на жито, како и регионите што граничат со Русија, изјави украинскиот претседател Володимир Зеленски.
Тој во вчерашното обраќање на Меѓународниот самит за безбедност на храната „Житарки од Украина“ што се одржа во Киев посочи дека „не е тајна“ оти Украина се соочува со дефицит во воздушна одбрана.
На Самитот присуствуваа високи претставници од европските земји, меѓу кои и швајцарскиот претседател Ален Берсет и литванската премиерка Ингрида Симоните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Евакуиран дел од најголемиот аеродром во Европа: полицијата и кучиња трагачи на местото на настанот
Вториот терминал на аеродромот Хитроу во Лондон е евакуиран поради сомнителен пакет, јавуваат медиумите.
Police dogs are here 🙃 pic.twitter.com/4ZgrkGzPpR
— Abinaya Nathan (@abiknathan) July 5, 2024
Фотографиите кои кружат на социјалните мрежи покажуваат како патници излегуваат од аеродромот додека неколку полициски комбиња се приближуваат до терминалот.
Furious holidaymakers face chaos at Heathrow Airport as emergency services evacuate terminal – leaving England fans heading to Euros stranded https://t.co/hKA04me9gJ pic.twitter.com/u3SK2c9Ggs
— Daily Mail Online (@MailOnline) July 5, 2024
Дел од аеродромот го пребаруваат кучиња трагачи.
Свет
Би-Би-Си: Се очекува Сунак формално да ја поднесе својата оставка до кралот Чарлс во наредните часови
Се очекува британскиот премиер Риши Сунак, чија конзервативна партија по 14 години власт на вчерашните избори претрпе пораз од лабуристите, во наредните часови формално да му ја поднесе оставката на кралот Чарлс, јавува Би-Би-Си.
Сунак се враќа во Лондон, каде наскоро ќе се сретне со кралот Чарлс, откако успеа да го задржи своето парламентарно место во Јоркшир.
По оставката на Сунак, се очекува кралот Чарлс официјално да побара од лидерот на лабуристите Кир Стармер да формира влада.
Свет
Евакуирани хотели во мексиканскиот град Тулум поради очекуваниот удар на ураганот
Властите ги повикаа туристите во мексиканското одморалиште Тулум да ги напуштат плажите и да бараат засолниште, а хотелите беа евакуирани поради очекуваното влијание на ураганот Берил, кој погоди неколку острови во Сент Винсент и Гренадини, како и Барбадос и Јамајка во претходните денови.
Мексиканскиот претседател Андрес Мануел Лопез Обрадор рече во изјавата дека Берил може директно да го погоди Тулум, кој има најмалку 50.000 жители и приближно исто толку туристи.
„Се препорачува луѓето да стигнат до повисоки места, засолништа… Не двоумете се, материјалните добра може да се заменат“, предупредил Обрадор, а пренесува АП.