Свет
Невиден хорор во Франција: маж си ги убил трите ќерки и сам отишол во полиција, мајката мистериозно исчезната
![](https://makfax.com.mk/wp-content/uploads/2020/10/Francija-1.jpg)
Три девојчиња се пронајдени мртви во нивниот стан во регионот Алфорвил во Париз, врз основа на пријавата на нивниот татко кој сам влегол во полициската станица и го признал убиството.
Девојчињата на возраст од 5, 10 и 11 години се пронајдени попладнево, додека првичните резултати од истрагата покажуваат дека најмалку две починале од убодни рани.
Полицајците веднаш биле испратени на местото на настанот, но успеале да ја констатираат смртта на трите деца, дури откако насилно ја отвориле вратата од заклучената куќа.
Околностите на трагедијата се уште не се познати, додека мажот кој се претставил како нивен татко, на полицијата и судските служби веќе и е познат за насилство во семејството и врз 15-годишник.
Фактите за кои беше осуден во 2021 година го одвоија од партнерката и ќерките, поради што имаше семејна забрана.
Полицијата се уште трага по мајката. Полицијата стравува дека можеби и таа претрпела насилство.
– Се уште не знаеме во кое училиште се школувале трите девојчиња, но единиците за психолошко слушање очигледно ќе бидат распоредени овој понеделник наутро по оваа страшна семејна трагедија – ветува Лук Карвонас, градоначалник на Алфорвил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Асанж пристигна во Австралија: емотивна средба со сопругата и неговиот татко
![](https://makfax.com.mk/wp-content/uploads/2024/06/677z381_asanz-kanbera.jpg)
Џулијан Асанж, кој од денеска и официјално е слободен човек, се врати во Австралија, а најемотивната средба ја имаше со сопругата Стела.
Julian Assange greets his supporters at the fence and kisses his wife after touching down a free man #auspol pic.twitter.com/HQ4JbyWKvH
— Sarah Basford Canales (@sbasfordcanales) June 26, 2024
Откако авионот слета на аеродромот во Канбера, Асанж излегол од авионот, а го пречекале бројни новинари и поддржувачи кои аплаудирале и скандирале за него.
Камерите го снимиле моментот кога Асанж ја прегрнал сопругата, ја кренал од земја и ја бакнал, а потоа го прегрнал и татко си.
Свет
Кремљ се огласи за Асанж: Сите го добија тоа што го сакаа
![](https://makfax.com.mk/wp-content/uploads/2022/03/kremlj-moskva.jpg)
Портпаролот на Кремљ, Дмитриј Песков, рече дека секој го добил она што го сакал кога станува збор за признавањето на вината и ослободувањето на основачот на Викиликс, Џулијан Асанж.
– Овде зборуваме за судски договор. Како што разбрав, секој го доби она што го сака. Нема што да се додаде, ништо да се коментира – изјави Песков на новинарите.
Асанж беше формално ослободен пред американскиот суд на Маријанските Острови, откако се изјасни за виновен по едното обвинение за кршење на Законот за шпионажа според договорот со американското Министерство за правда.
Основачот на „Викиликс“ потоа отпатува во родната Австралија.
Регион
Најмалку едно лице е убиено во масовна тепачка во затвор во Грција
![](https://makfax.com.mk/wp-content/uploads/2023/04/zatvor-960x614.jpg)
Во најголемиот затвор во Грција, Коридалос, дошло до тепачка меѓу осуденици, во која животот наводно го загубил најмалку едно лице, а има и повредени.
Како што пишуваат грчките медиуми, дошло до тепачка меѓу затвореници од Албанија, кои се сместени во 4-то одделение, каде се сместени претежно осудените за најтешки кривични дела.
Во овој момент не се знае како дошло до тепачката ниту кој е убиен.
Според неофицијални информации, едно лице е избодено со нож.