Свет
Неколку брендови ќе доживеат значително зголемување на цените поради царините на Трамп
Американскиот претседател Доналд Трамп воведе широк пакет царини за увезената стока, вклучувајќи основна царина од 10 проценти за повеќето производи и царина од 30 проценти за кинеските производи. Некои артикли, како што се челикот и алуминиумот, имаат уште повисоки стапки. Последиците се веќе видливи – сè повеќе големи компании предупредуваат дека ќе мора да ги зголемат цените.
Трамп рече дека трговците на мало не треба да ги „пренесат“ трошоците на клиентите, но многу синџири јасно ставаат до знаење дека не можат да ги апсорбираат дополнителните трошоци.
„Волмарт“: цените ќе растат веќе од крајот на мај
„Волмарт“ на 15 април објави дека наскоро ќе ги зголеми цените поради прекумерните царини, особено на кинеските стоки.
„Ќе направиме сѐ што можеме за да ги одржиме цените ниски. Но, со обемот на царините, дури и по најновите намалувања, не можеме сами да се справиме со сè, бидејќи маржите на мало се веќе мали“, рече извршниот директор на „Волмарт“, Даг Мекмилон, во телефонски разговор со инвеститорите.
Главниот финансиски директор Џон Дејвид Рејни изјави за Си-ен-би-си дека цените ќе почнат да се менуваат уште кон крајот на мај, а ќе се зголемат уште повеќе во јуни.
„Мател“: Играчките повеќе нема да бидат толку евтини
Производителот на играчки „Мател“ објави на 6 мај дека ќе ги зголеми цените поради царините.
Директорот Инон Крајз рече дека и покрај плановите да се задржат 40 до 50 проценти од производите со цена под 20 долари, тој не може да гарантира дека тоа ќе остане така. Тој се залагаше за укинување на царините за играчки и игри низ целиот свет.
Трамп му се закани на „Мател“, велејќи: „Ќе ставам 100-процентна царина на нивните играчки и тие нема да продаваат никакви во САД, што е нивниот најголем пазар“.
„Бест Бај“, „Нинтендо“, „Сони“: електрониката ќе поскапи
Трговецот на мало со електроника „Бест Бај“ уште во март предупреди дека добавувачите ќе ги зголемат цените поради царините, а тоа ќе им се пренесе на потрошувачите.
Некои електронски компоненти се привремено ослободени од царини, но ова нема да трае вечно. „Нинтендо“ го одложи почетокот на пред-нарачките за новата конзола „Свич 2“ токму поради царинските давачки. Иако цената на самата конзола останува 450 долари, додатоците ќе бидат поскапи.
Финансискиот директор на „Сони“, Лин Тао, исто така, најави можност за зголемување на цените.
„Шеин“ и Тему повеќе не се ослободени од одговорност
Кинеските синџири за брза мода „Шеин“ и „Тему“ повеќе не можат да го користат претходното ослободување од царина што дозволуваше увоз на стоки до 800 долари без царина. Трамп го укина тоа правило.
„Тему“ објави на 25 април дека цените ќе се зголемат поради „нови правила и тарифи“, а „Шеин“ ја испрати истата порака.
Си-ен-ен следеше конкретни примери – две градинарски столчиња на „Тему“ скокнаа од 61,72 долари на 70,17 долари од 24 до 25 април. На „Шеин“, костим за капење скокна од 4,39 долари на 8,39 долари – неверојатни 91 процент повеќе.
Форд и Субару: автомобилите поскапи поради царините
Воведена е царина од 25 проценти за увоз на автомобили, а слична царина се применува и за повеќето автоделови. Форд очекува да ги зголеми цените на своите возила во САД до 1,5 проценти во втората половина од 2025 година.
Компанијата ја продолжи својата кампања „цени за вработените“ до јули, бидејќи клиентите брзаа да купат автомобили пред зголемувањето на цената. Субару, исто така, најави зголемување на цените, но не кажа точно колку ќе бидат тие.
„Направени се прилагодувања на цените за да се компензираат зголемените трошоци и да се одржи добар сооднос цена-вредност за клиентите“, изјави портпаролот на „Субару Америка“.
„Проктер и Гембл“, „Стенли Блек енд Декер“, „Адидас“: поскапи производи за широка потрошувачка
„Проктер и Гембл“, кои ги произведуваат „Памперс“, „Тајд“ и „Шармин“, на 24 април објавија дека ќе разгледаат зголемување на цените во одредени категории.
„Многу е веројатно дека ќе има зголемување на цените бидејќи царините се инфлаторни по природа“, изјави извршниот директор Џон Молер за Си-ен-би-си.
„Стенли Блек енд Декер“ веќе ги зголеми цените на алатите во просек за неколку проценти во април поради царините, а нови корекции ќе следат подоцна оваа година.
„Адидас“ изјави дека поради царинската неизвесност, особено во преговорите на САД со земјите извознички, не знае какви ќе бидат конечните цени. Но, тој вели дека „зголемените трошоци поради царинските давачки неизбежно ќе доведат до повисоки цени“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Жена во Велика Британија прва прими нов лек против дијабетес
Мајка на две деца е првата возрасна личност во Велика Британија што ќе прими револуционерен лек што може да ја одложи потребата од инсулин кај пациенти со дијабетес.
Хана Робинсон (36) прими „теплизумаб“ во Фондацијата за здравствена заштита на Универзитетот „Ројал Девон“ – NHS откога за време на нејзината бременост беше откриено дека е во раните фази на развој на дијабетес тип 1.
Кај дијабетес тип 1 имунолошкиот систем ги напаѓа клетките во панкреасот што произведуваат инсулин, што значи дека телото повеќе не може да го регулира нивото на шеќер во крвта и луѓето со оваа состојба треба да земаат инсулин секој ден. Ако шеќерот во крвта е превисок или пренизок, тоа може да предизвика сериозни здравствени проблеми, па дури и смрт.
„Теплизумаб“ веќе е одобрен во САД и дејствува така што му кажува на имунолошкиот систем да престане да ги напаѓа клетките на панкреасот одложувајќи ја потребата за инсулин за просечно три години. „Теплизумабот“ мора да се дава во најраната фаза од болеста за да биде ефикасен, објавува „Индипендент“.
„За мене, овој нов лек значи поголема слобода и можност да се фокусирам на моето здравје пред да морам да земам инсулин секој ден. Не станува збор само за тоа што јадам или како ја следам мојата гликоза, туку за можноста да имам поголема контрола и да не се чувствувам дефинирана од мојата состојба“, рече Робинсон додавајќи:
„Овој третман потенцијално би можел да го отвори патот за иден лек за дијабетес тип 1, што е неверојатно. Се чувствувам многу среќно што сум дел од ова“.
Фото: Royal Devon University Healthcare NHS Foundation Trust
Свет
Руските медиуми: Министерот се самоуби откога Путин го разреши; Кремљ: Шокирани сме
Кремљ денес објави дека е шокиран од ненадејната смрт на поранешниот руски министер за транспорт Роман Старовоит неколку часа откога претседателот Владимир Путин го разреши.
Старовоит беше пронајден мртов во својот автомобил надвор од Москва со прострелна рана, а водечката хипотеза е дека си го одзел животот, рекоа државните истражители.
Кога беше прашан за смртта на Старовоит, портпаролот на Кремљ, Дмитриј Песков, рече дека Путин бил информиран за инцидентот и ја опиша веста како трагична и тажна. „Не може, а да не ги шокира обичните луѓе. Секако, и нас нè шокира. Во тек е истрага што ќе одговори на сите прашања“, рече Песков одбивајќи да шпекулира за причината за смртта на Старовоит.
Во претседателскиот декрет објавен вчера не е наведена причината за разрешувањето на Старовоит по нешто повеќе од една година на функцијата иако политичките аналитичари се сомневаат дека разрешувањето е поврзано со истрагата за корупција во Курскиот Регион, со кој тој некогаш управувал.
„Ројтерс“ не можеше независно да ги потврди овие сомневања, но извор од транспортната индустрија, кој сакаше да остане анонимен поради чувствителноста на случајот, рече дека позицијата на Старовоит била доведена во прашање со месеци поради скандалот со корупција.
Истрагата се фокусира на тоа дали 19,4 милијарди рубли (речиси 210 милиони евра), што беа наменети за зајакнување на границите на Русија со Украина во Курскиот Регион во 2022 година, биле правилно потрошени или дел од тие пари бил проневерен.
Свет
(Видео) Нови кинески авиони снимени во лет: ги споредуваат со најсмртоносниот американски „Ф-35“
Најновите снимки ги прикажуваат кинеските борбени авиони од петтата генерација „J-35A“ во служба на војската на Народна Република Кина бидејќи САД сè повеќе го фокусираат своето одбранбено внимание на Индо-пацифичкиот Регион и можните кинески воени планови кон Тајван.
Авионот е во развој во рамките на кинеската воена индустрија веќе некое време, а првпат беше јавно прикажан во ноември минатата година на голем аеро-саем откога претходно беше претставен неговиот поморски модел „J-35“ за носачи на авиони.
China’s 5th generation J-35A stealth jet officially entered service with the PLAAF’s 1st Air Brigade, joining J-20s. pic.twitter.com/Ct2EuTdyve
— Clash Report (@clashreport) July 7, 2025
Авионот „J-35A“ припаѓа на петтата генерација борбени авиони, опремен е со напредни сензори, авионика и е дизајниран да биде невидлив за непријателските радари и да ја пробива непријателската воздушна одбрана.
Кинеските државни медиуми го опишуваат како полесен и поразновиден од веќе постојните кинески стелт-авиони „J-20“, со можност за справување со копнени и морски цели.
A formation of Chinese J-16D Electronic Warfare (EW) aircraft, J-20 Stealth Air Superiority Fighters, and J-35A Stealth Multirole Fighters flying over Beijing. pic.twitter.com/pYuBXCxv14
— OSINTWarfare (@OSINTWarfare) July 7, 2025
Авионот често се споредува со американскиот „Ф-35“, кој производителот Lockheed Martin го опишува како „најсмртоносниот и најспособен борбен авион во светот“. „Ф-35“ се продава на сојузниците на САД во целиот свет, а САД го користат и „Ф-22 рапорт“, кој не се извезува.
Како и САД, и Кина сега управува со два стелт-борбени авиона – „J-20“ и „J-35“, а двете сили веќе работат на нова генерација уште понапредни авиони со подобрена автоматика, помала видливост и посилно оружје.
(Видео) Кирков: Во ЗОО Скопје се работи аматерски, бараме оставка од управата
Дел од советничката група на ВМРО-ДПМНЕ во Советот на Град Скопје направи посета на јавната установа Зоолошка градина, а тоа...
Монструм од Чегране (72) извршил обљуба врз 12-годишно девојче
Маж од Гостивар пријавил во полиција дека 72-годишен старец ја допирал неговата 12-годишна ќерка. Според информациите на МВР, вчера во...
Обвинение за поранешниот директор на затворот во Шуто Оризари – допуштал осуденици да си одат дома и на приватни локации
Јавен обвинител од специјализираното одделение за гонење кривични дела сторени од лица со полициски овластувања и припадници на затворската полиција...
(Видео) Километарска колона камиони тргнати кон Блаце стојат заглавени на скопската обиколница поради пожарот
Колона камиони, шлепери и цистерни, долга повеќе од два километра, е заглавена на скопската обиколница иако сообраќајот за товарни возила...
(Видео) Ангелов: Има нови индиции дека пожарот кај Блаце е подметнат, некој утрово се обидуваше да го реактивира
За пожарот, кој во неделата околу пладне избувна покрај магистралниот пат, кој од Скопје води кон граничниот премин Блаце, се...
Недоволниот буџет и застојот во инвестициите го поткопуваат здравствениот систем, покажува ревизијата
Државниот завод за ревизија објави дека 23 програми за здравствена заштита во 2023 година се реализирале со недоволни средства, што...
(Видео) Два полициски хеликоптера интензивно го гаснат пожарот кај Чучер-Сандево, досега исфрлени над 70 тони вода
Денеска, од раните утрински часови, два хеликоптера од Хеликоптерската единица за полициски намени при МВР, „бел 412“ и „агуста бел...
Скопскиот Регион со најмногу интервенции, пожарите сѐ уште активни на седум локации
Во изминатите 24 часа во државата се евидентирани вкупно 32 пожара на отворен простор, информираат од Центарот за управување со...
Пожар во кругот на Клиничката болница „Д-р Трифун Пановски“ – Битола, не е загрозена безбедноста на пациентите и на вработените
Министерството за здравство информира дека синоќа во кругот на Клиничката болница „Д-р Трифун Пановски“ – Битола избувнал пожар како резултат...
Лавров ги објави руските услови за мир
Рускиот министер за надворешни работи Сергеј Лавров ги изложи барањата на Москва за мировен договор за прекин на руската инвазија...
Шефот на НАТО: Ако Кина го нападне Тајван, кинескиот претседател ќе побара од Путин да го нападне НАТО
Доколку Кина започне инвазија на Тајван, би можела да побара од Русија истовремено да отвори втор фронт против земјите-членки на...
Трамп и Нетанјаху: Блиску сме до наоѓање земји што би можеле да ги прифатат Палестинците
Американскиот претседател Доналд Трамп и израелскиот премиер Бенјамин Нетанјаху вчера се сретнаа во Белата куќа, каде што разговараа за напорите...
Трамп воведе нови царини: Камбоџа, Бангладеш, Србија и Босна поминаа најлошо
Американскиот претседател Доналд Трамп најави дека ќе воведе високи, единствени царини за увоз од најмалку 14 земји почнувајќи од 1...
(Видео) Арсовска: Фатен како прави див приклучок сторител беше извесен инспектор од МВР, кој во бес дека се фатени среде неделото, физички ја нападна советничката Витина
„Град Скопје при вонредна теренска контрола затекна лице (инспектор во МВР), кој во тој момент нелегално се приклучува на мрежа...
Акциите на „Тесла“ потонаа откога Маск најави дека ќе формира партија
Акциите на „Тесла“ паднаа за речиси 7% еден ден откако извршниот директор Илон Маск најави формирање на нова политичка партија,...
Уапсен скопјанец, подметнал пожар во Ѓорче Петров
Вчера вечер, полициски службеници од СВР Скопје на територија на Ѓорче Петров го лишија од слобода 57-годишниот Д.Н. од Скопје...
(Видео) „Зошто досега не се употребени хермелините“, прашува градоначалникот на Чучер Сандево, општината прогласи вонредна состојба
Општината Чучер Сандево прогласи вонредна состојба поради пожарите, објави градоначалникот појаснувајќи дека одлуката била донесена на денешната седница на општината....
Чад се шири од неколку места во подножјето на Скопска Црна Гора, Ангелов смирува: Нема опасност за куќите во Чучер
Големи облаци чад се шират од неколку места во подножјето на Скопска Црна Гора. Забележливи се и од градските улици...
Поради пожар, целосно прекинат сообраќајот кон граничниот премин Блаце
Министерството за внатрешни работи известува дека поради ширењето на пожарот во близина на Блаце, целосно е прекинат сообраќајот на патниот...
(Видео) Хеликоптерите на МВР со над 70 тони вода го гаснеа пожарот кај Блаце
Во рамките на денешните активности полициските службеници од Хеликоптерската единица за полициски намени при Министерството за внатрешни работи активно учествуваа...
