Свет
Нетанјаху: Израел подготвен да продолжи со нападите врз Газа, кампањата не е завршена

Израелскиот премиер Бенјамин Нетанјаху вети дека кампањата против палестинските милитанти во Појасот Газа ќе продолжи да ја гарантира безбедноста на Израелците што живеат на југот на земјата по интензивната размена на ракетен оган меѓу двете страни во текот на викендот, пренесува „Тајмс оф Израел“.
„Во изминатите два дена со голема сила ги нападнавме Хамас и Исламскиот џихад, погодивме над 350 цели, нападнавме терористички лидери и оперативци и ги уништувавме терористичките градби, а кампањата не е завршена и бараме трпеливост и мудрост. Подготвеи сме да продолжиме. Целта беше – и останува – да се обезбеди мир и безбедност за жителите на југот“, рече Нетанјаху.
Претходно, денеска, медиумите објавија дека палестинската управа и Израел постигнале договор за прекин на огнот, кој требаше да почне утрово, но Тел Авив не коментира за веродостојноста на извештајот. Сепак, израелските одбранбени сили соопштија дека безбедносните ограничувања во јужните делови на земјата биле укинати.
Според извештаите во медиумите, во меѓусебните ракетни напади загинаа четири Израелци и најмалку 25 Палестинци.
Тензиите меѓу Израел и енклавата ескалираа на 4 мај кога стотици ракети беа лансирани во правец на Израел од Појасот Газа поради што израелската војска се одмазди. Израелските одбранбени сили подоцна информираа дека во изминатите 48 часа од Газа биле лансирани 690 ракети, од кои 240 биле пресретнати од системите за воздушна одбрана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Зеленски согласен в четврток во Истанбул да се сретне со Путин за крај на војната

Претседателот на Украина, Володимир Зеленски, е согласен в четврток во Истанбул да се сретне со рускиот претседател Владимир Путин за да разговараат за крај на војната.
Американските медиуми јавија дека согласноста на Зеленски доаѓа по притисокот од американскиот претседател Доналд Трамп тој да ја прифати понудата од Путин за директни преговори.
Путин и Зеленски немаат направено директна комуникација од почетокто на војната во февруари 2022 година.
Пред да се согласи на директна средба, Зеленски кажа дека Украина е подготвена за преговори со Русија, но под услов Путин да прифати 30-дневно примирје.
„Чекаме целосен и траен прекин на огнот, почнувајќи од утре, за да се обезбеди потребната основа за дипломатија. Нема смисла да се продолжува со убивањето. И ќе го чекам Путин во Турција в четврток. Лично. Се надевам дека овој пат Русите нема да бараат изговори“, рече Зеленски.
По оваа изјава на Зеленски, американскиот претседател Трамп му се обрати преку социјалните мрежи му порача дека средбата мора да се одржи оти Путин не сака да преговара за прекин на огнот со Украина туку сака средба во четврток во Истанбул на која ќе преговараат за крај на крвопролевањето.
Путин пак, по ултиматумот, одговори дека Украина ги кршела досегашните примирја, но и покрај тоа предложи да се сретнат на разговори во Истанбул, овој четврток. Тој кажа дека се подготвени на разговорите да ги решат основните причини за конфликтот со Украина.
Свет
Прво обраќање на папата Лав XIV: Запрете ги сите војни

Папа Лав XIV повика глобалните лидери да престанат да водат војни во првиот поголем говор до верниците.
“Јас исто така се обраќам до моќниците на светот повторувајќи го апелот: никогаш повеќе војна,” рече папата Лав денес за време на традиционалната по-велигденска порака на плоштадот Св. Петар во Рим.
Говорејќи кратко по 80-годишнината од завршувањето на Втората светска војна, тој рече дека денешниот свет се соочува со “делчна Трета светска војна” — израз кој првпат го користел неговиот претходник папата Франциск.
Првпат по неговиот избор за папа минатата недела, Роберт Францис Превост се осврна на најголемите глобални конфликти – од руската инвазија на Украина до конфликтот во Газа.
„Во моето срце го носам страдањето на саканиот народ на Украина“, рече папата Лав.
Тој повика на доготраен мир во Украина, ослободување на воените заробеници и враќање на депортираните украински деца на нивните семејства. Зборувајќи за конфликтот во Газа, папата Лав рече дека поддржува итнато примирје, хуманитарна помош за исцрпениот цивилен народ и ослободување на заложниците .
На крајот, тој го поздрави неодамнешнато примирје помеѓу Индија и Пакистан и повика на траен мир.
Регион
Парламентарни избори во Албанија, Рама се бори за четврти мандат, а Бешира за враќање на власт по 12 години

Албанците денес гласаат на 11, парламентарни избори по падот на комунистичкиот режим. Право на глас имаат 3.721.116.
Лидерот на Социјалистичката партија Еди Рама, кој е премиер од 2013 година се бори за четврти мандат, а Сали Бериша, поранешен премиер и лидер на Демократската партија, се надева на враќање на власт по 12 години.
На овие избори, првпат, ќе гласа и албанската дијаспора. Прифатени се апликации на 245.93 лица надвор од земјата.
Во 12 изборни единици, на 5.225 избирачки места Албанците гласаат за 140 нови пратеници.