Свет
Нетанјаху повторно го назначи Ганц за министер за правда
Израелскиот премиер Бенјамин Нетанјаху го назначи лидерот на Сино-белите, Бени Ганц, за министер за правда во сегашната привремена влада, објавија локалните медиуми.
Во вторникот вечерта Израелскиот висок суд го замрзна обидот на Нетанјаху да го назначи членот на Ликуд и министер за регионална соработка, Офир Акунис, за министер за правда.
Нетанјаху во изјавата наведе дека неговиот договор да го назначи Ганц е излез од ќорсокакот иако смета дека може да ја брани својата правна позиција.
Во изјавата објавена во „Џерусалим пост“, Нетанјаху рече дека има детални правни аргументи за спротивставување на тврдењата на Високиот суд и на јавниот обвинител Авичај Манделблит, кој рече дека предлогот за назначување на Акунис претставува кршење на законот.
Местото министер за правда е испразнето веќе четири недели. Ганц претходно ја извршуваше функцијата на привремена основа во траење на три месеци, која заврши на почетокот на април, а Нетанјаху не сакаше да го препушти министерството во рацете на својот партнер во власта.
„Ние го следевме нашиот завет дека ќе го запреме планот на Биби и ќе продолжиме да ја штитиме демократијата“, рекоа од партијата „Сино и бело“ во изјавата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украинската армија цврсто ги држи позициите во регионот Курск, вели Зеленски
Претседателот на Украина, Володимир Зеленски синоќа изјави дека украинската армија цврсто ги држи позициите во регионот Курск, иако руската армија се обидува да ги врати назад.
– Во врска со операцијата Курск, Русија се обиде да ги потисне нашите позиции, но ние се држиме, изјави Зеленски во вечерното радио обраќање.
Руската армија на почетокот на неделата соопшти дека вратила две села во Курската област и најави дека ќе продолжи со акциите за истиснување на украинските сили од нејзината територија.
Зеленски призна дека украинскиот упад во регионот Курск во август беше осмислен за да се повлечат руските војници од позициите во источна Украина, каде што напредуваа изминатите месеци.
Руските војници сè уште напредуваат во источна Украина, особено кон Покровск, клучен логистички центар за украинските сили.
Регион
Во Македонија почувствуван земјотрес, епицентарот е во Врање
Земјотрес со јачина од 4 степени според Рихтеровата скала утрово ја погоди јужна Србија, а истиот е почувствуван и во Македонија и во Бугарија.
Епицентарот на земјотресот бил на 12 километри североисточно од Врање, а потресот бил на длабочина од 14 километри и се почувствувал во 4 часот и 48 минути по локално време.
Свет
„Тик ток“ укинува стотици работни места, ја користи вештачката интелигенција
Социјалната мрежа „Тик ток“ соопшти дека укинува стотици работни места бидејќи се фокусира на зголемена употреба на вештачка интелигенција во модерирање на содржината.
Отпуштањата најмногу се однесуваат на персоналот во Малезија, каде првично беа пријавени повеќе од 700 работни места, но Тик Ток подоцна соопшти дека помалку од 500 вработени ќе бидат отпуштени, јави South China Morning Post.
Вработените, од кои повеќето биле ангажирани во операции за модерирање, биле известени за отпуштањата преку електронска пошта.