Свет
Нетанјаху ја одржа првата седница на проширената вонредна влада: Израел ќе го урне Хамас

Израелскиот премиер Бенјамин Нетанјаху денеска за првпат ја свика седницата на проширената вонредна влада, изјавувајќи дека таа го демонстрира националното единство и испраќа порака дома и во странство додека земјата се подготвува да го „урне Хамас“ во Газа.
Состанокот, одржан во воениот штаб во Тел Авив, почна со едноминутно молчење во спомен на 1.300 Израелци убиени во нападот на Хамас на 7 октомври, се гледа од видео материјалот објавен од канцеларијата на Нетанјаху, пренесоа британските медиуми.
Поздравувајќи го поранешниот опозициски пратеник Бени Ганц, кој ѝ се приклучи на владата заедно со неколку членови на неговата партија минатата недела, Нетанјаху кажа дека сите министри работат без престан, со обединети сили.
-Хамас мислеше дека ќе бидеме соборени. Ние сме тие кои ќе го урнат Хамас, рече Нетанјаху, додавајќи дека покажувањето единство „испраќа јасна порака до нацијата, непријателот и светот“.
Израелскиот премиер изјави дека ги видел прекрасните израелски војници кои сега се на линијата на фронтот и дека знаат дека целата нација стои зад нив, јави „Тајмс оф Израел“.
-Тие ја разбираат големината на задачата. Подготвени се во секој момент да дејствуваат, да ги истребат крвавите чудовишта што се кренаа против нас, потенцираше израелскиот премиер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Очекувам да се сретнам со Доналд Трамп во следните два месеци

Српскиот претседател Александар Вучиќ изјави дека се надева дека ќе се сретне со американскиот претседател Доналд Трамп во следните два месеци.
„Очекувам да ја имам таа средба. Тој е премногу зафатен, секогаш е можно нешто да се смени, датумот се уште не е одреден, но знаете дека јас сум многу внимателен кога зборувам за тоа. Тоа би било огромна чест за нашата Србија и верувам дека е изводливо“, изјави Вучиќ.
Зборувајќи за вчерашниот телефонски разговор со францускиот претседател Емануел Макрон, како и за нивната средба во април, Вучиќ рече дека секогаш имаат неколку важни теми за разговор.
„Вчера поминавме низ неколку важни теми. Понекогаш разговараме ненадејно. Како што оди по државен протокол, тоа е закажано и се чека пет до седум дена“, рече Вучиќ.
Свет
Белата куќа: Секоја земја која неправедно се однесува кон САД ќе биде цел на дополнителни царини

Секоја земја што неправедно се однесува кон САД треба да очекува дека ќе биде цел на дополнителни царини, соопшти денеска Белата куќа, два дена пред американскиот претседател Доналд Трамп да ги објави, како што рече, сеопфатните, реципрочни царини.
„Секоја земја што се однесуваше неправедно со американскиот народ треба да очекува да добие царина во среда како реципрочна мерка“, им рече на новинарите портпаролката на Белата куќа Каролин Левит, одбивајќи да даде дополнителни детали, според Ројтерс.
На прашањето дали ќе има исклучоци за земјоделците, таа рече дека „во овој момент нема исклучоци“.
Свет
Силен земјотрес ја погоди Индонезија, се стравува од повредени

Земјотрес со јачина од 6 степени според Рихтеровата скала е регистриран во 17:54 часот во Индонезија.
Според достапните податоци, епицентарот на земјотресот бил лоциран во областа со географски координати на географска ширина -10,1246 и географска должина 119,0393.
Хипоцентарот на земјотресот, според Европско-медитеранскиот сеизмолошки центар, се наоѓал на длабочина од приближно 37 километри под површината на земјата во близина на островот Сумба.
Засега нема извештаи за материјална штета или повредени, а надлежните служби ја следат состојбата.
Во Мјанмар минатата недела беше регистриран разорен земјотрес со јачина од 7,7 степени.